POP 5

Lajmet më të lexuara të 5 minutave të fundit

Ekonomi

Ndikimi i tërmetit në turizëm, Vathi: Qeveria duhet të marrë masa! Shengeni Ballkanik mundësi e artë

Tërmeti i 26 nëntorit ka goditur jo pak industrinë e turizmit. Sipas operatorit turistik Besnik Vathi duhet të merren masa pasi mund të ketë pasoja të rënda. Vathi shton se për vitin 2020 një mundësi tepër pozitive është mini-shengeni ballkanik.

Tërmeti i 26 nëntorit ka lënë gjurmë të mëdha në vitin 2019, dhe që pritet ta shoqërojnë vendin edhe për një periudhë 3 ose 4 vjeçare. Një nga sektorët që u ndikua më së shumti ishte edhe industria e turizmit pasi pati anulime fluturimesh për shkak të situatës së krijuar. Por për operatorin turistik Besnik Vathi ndikimi në muajin dhjetor është shumë më i vogël, krahasuar me pasojat që mund të ketë vendi nëse nuk  merren masat e nevojshme.

“Pasoja e parë, dhjetori them, nuk pati rëndësi, pasi muaji dhjetor është i parëndësishëm, ndërsa pasojat që do të ketë në sezonin e ardhshëm gjithnjë nëse nuk do të merren masa nga qeveria  pasojat do të jenë shumë të mëdha  në turizmin shqiptar. Pasojat më të mëdha janë edhe në Durrësin si destinacion por edhe në imazhin e vendit në përgjithësi”, u shpreh për Report TV, operatori turistik Besnik Vathi.

Për Vathin viti 2020 do të ketë vështirësi por priten më shumë turistë. Sipas tij hap shumë pozitiv është minishengeni ballkanik.

“Aplikimi i Minishengenit do të ishte një sukses dhe një mundësi e jashtëzakonshme për rritjen e turizmit në vendin tonë. Do të ishte e mundur që vetëm me një vizë të vizitohej i tërë rajoni. Duke shtuar këtu edhe lehtësimet e mëdha me heqjen e pikave kufitare”, tha Vathi.

Ndërkohë pak ditë më parë u zhvillua edhe samiti” Turizëm për solidaritet dhe qëndrueshmëri” i organizuar si pasojë e tërmetit të 26 nëntorit, për të dhënë mesazhin se ky sektor në vendin tonë është më i konsoliduar se kurrë. Sipas ministrisë së Turizmit numri i turistëve në 2019, ishte në shifrën e 6 milionëve.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vera: 16/01/2020 17:45

    Turizmi do kushte,,,uje,,drita,,rruge,,ajer te paster,,sistemim,,pastrim dhe perpunim plehrash,,ne nuk kemi inceneratore ne durres,vlore,sarande,velipoje,ne I hedhim Akoma ujrat e zeza ne det,10 m larg nga ku lahemi sepse nuk kemi deboratore,,si do bejme turizem,,po ashtu nuk kemi hotele dhe resorte me 5 yje,,,apo vila,,,sic I ka italia,greqia,,,..turizmi do investime te medha nga qeveria ,por qeveria I vjedh fondet..

    Përgjigju
  • ymeri: 16/01/2020 17:38

    O BESNIK VATHI,,turizmi shtohet kur investohet me plane urbanistike e arkitekturore,,,,jo sic e beme ne,,,nderto kuturu ,,pa plan,,,e ide,,,,duhen 100 vjet te pastrohen e shkatarrohen ndertesat e shemtuara ne durres,,golem,shengjin,e velipoje...turp...turp ,,qeverite jane pergjegjse per kete shkatarrim te plazhit,,,

    Përgjigju
  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

18 Prill, 23:13