POP 5

Lajmet më të lexuara të 5 minutave të fundit

Opinion

Ndryshimet në Kodin Penal, pse janë të pamundura aktualisht

Kodet në botën e përparuar ndryshohen një herë në 50 vjet, ose dhe fare, por kjo klasë politike kërkon që edhe Kodit ti jap destabilitetin dhe nurin e vet.

Ndryshimet në Kodin Penal, pse janë të pamundura aktualisht

Për të ndryshuar Kodin Penal duhet një punë gati 1 vjecare, punë e cila shtrihet në kohë, pikërisht pasi përfshin shumë elementë, shumë faktorë dhe shumë subjekte, shumë analiza dhe statistika.

Italia në vitin 1930 përgjatë diktaturës fashiste integroi një Nen për përhapjen e viruseve në Kodin Penal, por edhe ky Nen edhe pse ka 90 vjet në fuqi vetëm 3 herë është aplikuar dhe asnjëherë cështja nuk është mbyllur me sukses.

Shqipëria aktualisht ka një ligj të mirë “Për Parandalimin dhe Luftimin e Sëmundjeve Infektive”, i cili është një ligj që ka standarte europiane, që parashtron strukturat përgjegjëse, mënyrën si funksionojnë ato, procedurat, karantinën, gjobat dhe ndëshkimet administrative. Ky ligj daton në Mars të 2016. Mendoj që deri tani ai nuk ka zhgënjyer askënd, si dhe nuk ka lënë asnjë boshllëk në administrimin e situatës. Vendimet e këshillit të Ministrave të dala në funksion të këtij ligji kanë qënë dhe mund të jenë mënyra më efikase për të parandaluar, luftuar dhe eliminuar cdo pasojë të kësaj pandemie botërore.

Eshtë për të ardhur keq që ndryshe nga cdo shtet tjetër në botë Parlamenti shqiptar harxhon energji për një butafori si kjo, ritheksoj normat ligjore gjehen në ligjin funksional dhe aktual për sëmundjet infektive, ndaj inisiativa të tilla më shumë japin dyshime për pushtetin absolut të Ramës, se sa mund të mendohen si masa shtrënguese dhe edukuese në këto moment. Ja kush janë arsyet e tjera pse këto ndryshime janë të pamundura.

Ndryshimet e Kodit Penal me procedurë të përshpejtuar sic po kërkojnë ti bëjnë aktualisht i ndalon Kushtetuta e Shqipërisë në Nenin 83 pika 3 e tij, nen i cili të orienton në Nenin 81 të Kushtetutës I cili në gërmën (d shprehet qartë që Kodet nuk ndryshohen me procedurë të përshpejtuar, këtë fakt dhe normë ligjore e konfirmon dhe ligji bazë i Parlamentit, Rregullorja e tij. Faktikisht askush dhe asnjëherë nuk është marrë me ndryshimin e Kodit Penal për të caktuar penalizimie për ata që shkelin karantinën. Të vetmet ndryshime që janë shpallur publikisht që do i bëhen Kodit Penal janë ato që kanë të bëjnë me dhunën në familje, por edhe ajo aktualisht nuk është në emergjencat e saj, përkundrazi këto kohë ka një rënie qoftë dhe artificiale. Por fenomeni i dhunës në familje, ka akte normative të mira por zbatim të shtrëmbëruar, dhe si gjithmonë kemi ligje por nuk i zbatojmë ato.  Parlamenti nuk ka asnje emergjencë për tu mbledhur, sidomos për arsyet që po përdor, dhuna në familje nuk ka aktualitet, por po ashtu nën procedurën e saj nuk mund të fshihet ndryshimi i Kodit Penal për penalizimet e personave që përhapin sëmundje infective, pasi është një hile e shëmtuar që të fyen intelektin dhe në vetvete përbën një shkelje të rëndë kushtetuese.

Shpresoj që ata pak Deputetë që kanë formim të shëndetëshëm ligjor ti thërrasin arsyes dhe të pengojnë këtë maskaradë të aventurierëve pa formim bazik, që mos procedojnë në këtë rrugë pa krye, të rreshtin së pari shqiptarët si kontigjent krimi dhe të bëjnë të mundur që me kalimin e kësaj flame, të ulen dhe të merren seriozisht me harmonizimin dhe plotësimin e Kodit Penal. Kodet në botën e përparuar ndryshohen një herë në 50 vjet, ose dhe fare, por kjo klasë politike kërkon që edhe Kodit ti jap destabilitetin dhe nurin e vet.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

25 Dhjetor, 19:23