Nga dita e sotme Gazment Bardhi do të jetë nënkryetar i PD-së së Rithemelimit. Marrja e këtij posti, vetëm disa javë pasi njohu Sali Berishën kryetar, u bë pa votim të drejtpërdrejtë në Këshillin Kombëtar, por me ndryshime statutore që e futën atë dhe 6 të besuarit e tij në kryesi automatikisht.
Gazetarja e Report Tv Danjela Maloku raportoi Bardhi dhe grupi i tij morën dritën jeshile të kryesisë dhe Këshillit Kombëtar mes debateve të shumta, pasi duhet të ishin votuar emrat dhe jo ndryshimet statutore, përmes të cilave Berisha gjeti rrugën për të shpërblyer me poste Bardhin dhe të tijtë.
Tashmë që ndryshimet në statut u miratuan bashkë me Bardhin, nënkryetar bëhet edhe Agron Gjekmarkaj për shkak të detyrës që mban si nënkryetar i Kuvendit të Shqipërisë. Me këto ndryshime, që çojnë në 4 numrin e nënkryetarëve të Rithemelimit, aq sa ka aktualisht PD e Lulzim Bashës, ndryshon edhe kryesia e Rithemelimit, që për shkak të “paktit të bashkimit” fryhet me figura të grupit “Bardhi”.
Kështu, nenet që ndryshuan në statutin e Rithemelimit janë ai 51, që përcaktohen se PD e Rithemelimit ka 2 nënkryetarë, një prej të cilëve është edhe kryetar i grupit parlamentar. Ndryshim ka edhe të gjithë nenet që përmendin togfjalëshin “dy nënkryetarë”.
Ndërsa po ashtu ndryshimi tjetër ishte se në kryesi, pa votim futen automatikisht kryetarët dhe nënkryetarët e komisioneve parlamentare, truk që afron deputetët mbështetës të Bardhit në kryesi pa votim.
E vetmja që nuk e ka pranuar postin në kryesi, është Jorida Tabaku, e cila bojkotoi edhe këtë herë mbledhjet e Rithemelimit. Pritet që ajo të mos marrë pjesë as në mbledhjet e ardhshme në kushtet kur ende nuk është pozicionuar qartë në PD e Rithemelimit. Deputetja ka qenë e qartë në qëndrimin e saj se nuk njeh as Bashën e as Berishën si kryetar.
Debateve, i parapriu me një deklaratë para mediave edhe Jozefina Topalli, e cila tha se çdo proces duhet të ketë në themel votën, duke ironizuar modelin “Basha” në parti.
“Është gjeja më normale të të ketë njerëz që të mos jenë dakord me kryetarin e partisë. Por nuk më duket normale të mos njohësh kryetarin e partisë kur nuk është rasti. Është më e rëndësishme për çdo deputet, dhe për çdo qytetar, të ngrihet ndaj çdo dhunimi, kushtetues, të ligjit kundër çdo padrejtësie për të parë vendin e vet të vibrojë përmes mekanizmave demokratikë. Që është gara, respektimi I statuteve. Secili gjen zgjidhjet e veta.
Nuk ndryshoj asgjë për Lulzim Bashën. Sot do diskutojmë, do shkoj pa paragjykuar. Nga përvoja ime tre dekada kam kuptuar se nuk të bën karrigia as lider, as të besueshëm, por vendimet që merr, që edhe mund të kundërshtohen edhe kur janë të drejta. Në parim dua bashkimin e çdokujt, të çdo demokrati e qytetari. Përçarja e deputetëve te opozitës ka sjelle kosto te madhe për qytetarët. Kemi humbur 12 vite, janë shumë në jetën e një njeriu. Duhet një reflektim i madh”, tha Topalli.
Sekretari për Marrëdhëniet me Publikun në PD, Edvin Kulluri ka ironizuar ndryshimet e bëra së fundmi në kryesinë e Rithemelimit ku u përfshinë edhe deputetët e ‘grupit’ të Gazment Bardhit, me këtë të fundit dhe Gjekmarkajnë nënkryetar.
“Tani e tutje, anetarët e kryesisë së Rithemelimit do quhen “cunat dhe gocat e Gazit”! Urime!”- shkruan Kulluri.
Gazetarja e Report Tv Danjela Maloku ka zbardhur debatet nga mbledhja e Këshillit Kombëtar të Rithemelimit ku u votuan ndryshimet statutore. Si duket Rithemelimi ka qenë i përçarë në propozimin e vetë Sali Berishës për futur në kryesi grupin e Gazmend Bardhit të cilit i ka dhënë dhe postin e nënkryetarit. Edi Paloka është shprehur se propozimi për ndryshimet është bëë nga Sali Berisha.
Edi Paloka: Këshilli ka të drejtën të marrë vendime për ndryshime statutore. Është domosdoshmëri për bashkimin e PD. Efekti i bashkimit është ndikues i madh jo vetëm te anëtarësia por edhe te qytetarët. Sot propozojmë ndryshim statutor që u diskutuan dhe në kryesi. U arrit mirëkuptim për formulimin. Është konsultuar edhe me Kryetarin Berisha. Në kryesi diskutuam gjatë dhe patëm mendime të ndryshme por në fund arritëm në dakordësi. Çeshtja e dytë për të cilën do flasim është hapja e procesit për zgjedhjet në degë.
E pakënaqur ka qenë Endira Bushati e cila thotë se nuk kishte dijeni për rendin e ditës, ndërsa i thotë Bushatit në sy se ai nuk i ka kthyer përgjigje kur ajo e ka pyetur.
Endira Bushati: E mësova nga mediat rendin e ditës. Ju z Paloka s’më kthyet përgjigje për rendin e ditës. Ne nuk jemi dele që ta marrim vesh rendin nga media. Ju thatë me propozim të kryesisë, bëjeni transparente vendimmarrjen, opinionet pro ose kundër. Neni 54 statut theksohet: Gjykata partisë bën interpretimin e statutit. Kërkoj interpretim nga gjykata.
Adriana Kalaja: Me vendim te kryesisë bëhen ndryshime statutore.
Në diskutimet me dyer të mbyllura, Flamur Noka është shprehur se vendimi për ndryshimet në statut janë historike.
Flamur Noka: Kryesia e PD me propozim te Kryetarit sjell në kuadrin e bashkimit të shumëpritur, që ka qenë kryefjalë e Kuvendit të jashtëzakonshëm të 11 dhjetorit (më të hapur dhe më të bashkuar). Pas negociatash grupi parlamentar u bashkua, Kryetari Partisë dhe Kryesia propozon ndryshime statutore për bashkimin. Për çështje të jashtëzakonshme ramë dakord në mbledhjet e mëparshme, vendosëm t’ja kalojmë Këshillit Kombëtar ndryshimet statutore.
Kreu i grupit parlamentar si edhe nënkryetari i kuvendit ose Kuvendit automatikisht për shkak te funksionit janë nënkryetare të PD. Sot me miratimin e tyre bëjmë aktin final të bashkimit tërësor. Vendimi i Këshillit Kombëtar është historik në dobi të bashkimit të PD.
Flamur Noka: Kryesia e PD e mbledhur para 1 jave shqyrtoi vakumin institucional ne 19 degë që kandiduan për zgjedhjet vendore. Kemi 19 kryetarë të komanduar të cilëve ju ka përfunduar afati i komandimit. Ky proces vjen pas bashkimit tonë që ka dhënë impakt pozitiv tek anëtarësia. Degët: Malësi e Madhe, Lezhe, Kurbin. 3 dege te Qarkut Durrës, Peqin, Mallakastër, Lushnje, Devoll, Kuçovë, Poliçan, Këlcyrë, Kamëz, Bulqizë.
Lajmi në përditësim
Komente
Lajme të tjera
-
Dosja Partizani/ Berisha 326 ditë 'burg' në shtëpi, Bardhi i del në krah, i kërkon GJKKO-së: Hiqni 'arrestin shtëpiak'! Kryetari i PD-së mbrojti Kushtetutën, po e pengoni për fushatën
22 Nëntor, 12:02 -
E akuzoi se e emëruan bandat, ish-drejtori i Policisë së Shkodrës padit Gazment Bardhin për shpifje
21 Nëntor, 09:32 -
Jozefina Topalli takime me diasporën në Nju Jork: Jeni mundësia kyçe që Shqipëria ka për të mos rrëshqitur drejt zbrazjes të parikuperueshme të vendit
20 Nëntor, 16:54 -
Përplasje te ‘Mandatet’/ Opozita kërkon heqjen e mandatit, Vullnet Sinaj: Shpifës, ke gëlltitur një lugë çorbë të prishur e do vjedhësh gjithë jetën! Bardhi: Ke futur duart në buxhet
20 Nëntor, 12:38 -
Vrasja e 14-vjeçarit, tensione në Kuvend/ Bardhi sulmon Manastirliun: Ja kanë shtruar muhabetit të treja si plakat, ajo është vrasëse! Dogjani: Ngrihuni t’i largojmë këta horra!
19 Nëntor, 18:10 -
Buxheti 2025, Rama tregon si do ndahen 8.2 miliardë euro, trefishuam GDP e vendit! Bardhi: Dëshmi e korrupsionit, i shërben oligarkëve
18 Nëntor, 16:53
-
Buxheti 2025/ Bardhi: Rama ka para që të paguajë inceneratorët që s’ekzistojnë, por jo për pensione dinjitoze! Në 12 vjet nuk bëri asgjë, më të ulëtat në rajon
17 Nëntor, 15:21 -
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
‘Tendera korruptiv në Bashkinë Tropojë’, Bardhi tek Komisioni i Ligjeve: SPAK të veprojë, Këshilli i Ministrave të shkarkojë Rexh Byberin
15 Nëntor, 12:45 -
'Janë gati të vrasin njëri-tjetrin me vrasës me pagesë', Bardhi-mazhorancës: Do hani kokat tuaja dhe ne do ngrohemi nga zjarri që keni ndezur
14 Nëntor, 10:53 -
Kuvendi/ Debate të forta, Bardhi: Hajduti dy metra intimidoi deputetët e opozitës! Shtyni me 3 javë afatin e Komisionit! Spiropali: Mos fyeni, e shtymë dy herë
14 Nëntor, 10:31 -
Zhvendoset në Kuvend debati për Komisionin Hetimor të Shëndetësisë, i mbaron afati! PD: Shtyjeni 3 javë! PS: Teatër
14 Nëntor, 09:13
Plehr saliu plehra ata qe u vine pas.Zhdukuni se na vjen per te vjelle kur ju shohim, shporruni shporruniiiii
PërgjigjuKeta ngjajne me ne kur ishim femije e luanim /shtepiash/ pa patur shtepi,apo si Zogu e familja e tij, qe e quanin veten mbret,pa patur mbreteri! Keta jane vetem nje fraksion,pa vule e firme,te panjohur ligjerisht as si parti! Mire Berisha qe i duket vetja mbret pa kurore,po keta /regjentet/ ku i cojne mushkat qe pranojne /te caktohen/ si /nenkryetare/ te tij?! Nuk e dine qe zgjedhjet e reja po afrojne dhe kesaj rradhe,as te qenet nen siglen e Metes nuk i shpeton dot nga dalja perfundimtare nga Kuvendi?!
PërgjigjuBravo per Jorida Tabakun. E ka te sigurt voten time.
PërgjigjuKëta njērzë që lëpijnë e fërkojnë këmbët e Berishës,për nji copë karrige,si macja kur të kërkon që ti japësh për të ngrën,të fērkohet nëpër kēmbë,ç'far do të bëjnë kur Berisha të ket ikur nga kjo dynja...? Sa posht ka rën dinjiteti e morali i njërzëve.
PërgjigjuGrusht bashkuar reth NON GRATES....
PërgjigjuMalli qe i dhane nje cope kocke gjekmarkajt se ngeli cepave nuk dinte ku te shkonte.
PërgjigjuTE BASHKUAR RRETH NON GRATES DO PUSHTOJME AMERIKEN....injorana e shpellareve ja ka kaluar edhe Enverit.
Përgjigju