POP 5

Lajmet më të lexuara të 5 minutave të fundit

Ndryshimi që sjellin Rudina Hajdari, Ina Rama, Arta Marku...

Rudina Hajdari , Ina Rama dhe Arta Marku

Në të vërtetë, nëse kërkojmë në historinë tonë të lirisë e të tranzicionit, ka pak gra që çorientojnë sistemin e ngurtësuar të pushtetit maskilist. Janë disa shembuj grash ndryshe, të cilat brenda sistemit, partisë, institucionit, në momente kritike, të rëndësishme për të marrë një pozicion kundër rrymës kanë ndalur, reflektuar dhe janë shprehur me kokën, idetë, mendimet e tyre, duke pasur në mendje besoj të vërtetën e të mirën e përgjithshme, përtej barrikadës, apo pozicionit të fituar.

Rudina Hajdari, përpos mbiemrit të babait, të nënës, të familjes, është një grua që mesa duket është rritur në mikroklimën e duhur, me lirinë e duhur, dijen e duhur për të qenë vetvetja. Dhe kjo është vlera më e madhe dhe kultivimi më i çmuar për një individ në një shoqëri ende, plotësish të emancipuar.

Ina Rama, ish-kryeprokurore e anatemuar pas ngjarjeve të 21 Janarit 2011, tregoi se ishte "lulëzim" i të njëjtës kulturë që i lejon gruas, njeriut të gjejë forcën e duhur për të kapërcyer masën, fisin, partinë, klanin e për t'u shprehur me të tjera parametra,  me të cilët si shoqëri ende nuk jemi mësuar. Kujtojmë të gjithë ashpërsinë e një pjese të mjedisit politik ndaj saj e në mendje na vijnë të tjera gra shqiptare, disa në Drejtësi.

Në kohët europiane e gati globale të populizmit, kur njerëzit flasin e veprojnë në bazë të "like" (pëlqimeve) që do të kenë në rrjete sociale, apo votave në parti, a zgjedhje, të dëgjosh e të shohësh individë, gra, në Shqipëri, që veprojnë ndryshe, të ndërgjegjshme për llumin dhe agresivitetin verbal që do të rrëkehet përsipër tyre, është e rrallë dhe shpresëdhënëse.

Nuk mund të shpjegohet me fjalë se ç'do të thotë veprimi i Rudina Hajdarit për shoqërinë shqiptare sot. Nuk mund të tregohet sot me fjali e as debate veprimi i saj, por e sigurtë është, si ato ilaçet e gjeneratave më të fundit, ndikimi në përmirësimin e parametrave të lirisë dhe të përgjegjësisë individuale, do të jetë i ngadaltë, por i pandalshëm.

Rezistenca e Ina Ramës vite më parë, ishte si dritëza e kuqe e një alarmi për Drejtësinë shqiptare të rënë në humnerën e humnerave.

Rezistenca e Rudina Hajdarit sot, është si një dritë e kuqe për rrezikun e shfarosjes së një opozite të drejtë, të shëndetshme, inteligjente dhe të domosdoshme për shoqërinë tonë qytetërimdashëse.

Veprimet e grave të reja e të forta shqiptare, nuk mund të mos japin efektin e tyre afatgjatë, pavarësisht rezistencës, ofendimeve, përjashtimeve.

 

a.m./r.k./Shqiptarja.com
Komento

Komente

  • entela: 13/03/2019 09:06

    Nga i gjithe shkrimi edhe sikur te jete nisur per ti bere homazh "gruas se forte" asnjera prej tyre nuk ka meriten te jete e tille vetem per faktin se pas seciles prej tyre qendron "nje ose disa te forte" qe dikotjne sjelljet duke dashur te paraqesin "forcen dhe lirene e gruas" ne fakt te kontrolluar. Mos harroni qe Ina Rama nga vete Berisha u reklamua si Silvia Konti e me pas po prej tij u etiketua "l....bulevardi". Asgje personale me asnjeren prej tyre sigurisht, po mjaft me me perpjekjet meskine per te dhene shembuj "trimerish" qe ne fakt nuk jane asgje me shume se shembulli me i keq i perdorimit te femres nga meshkujt per interesa politike.

    Përgjigju
    • evi: 14/03/2019 15:10

      po pse mos te pranojme mendimin ndryshe, qe per nje pjese tonen, keto gra nuk perfaqesojne ate qe ka dashur te thote autorja... thjesht, jane dicka me ndryshe se, grate e zakonshme, dhe ato sjane evidentuar per shkak te merites, por per shkak te njohjeve dhe jane perdorur aq shume nga burrat...me falni, po sqekan aq te forta...

    • gazetari: 13/03/2019 13:25

      ja, shqiptari qe nuk sheh asgje te mire te asnje shqiptar.

  • Lexuesi: 13/03/2019 05:36

    Shkrimi ne pergjithesi nuk me dha asnji mbrese apo mendim per te pasur nji mendim me te qarte per keto zonja. Gazetarja megjithe sforcimin per te sjell nji model te femres permendi tre emra dhe aq ose nuk e dij cfare. Te thuash se Ina Rama perpente nji driteze te kuqe ne humbneren e drejtesise kjo eshte pak qesharake. Po citoj fragmentin- "Rezistenca e Ina Ramës vite më parë, ishte si dritëza e kuqe e një alarmi për Drejtësinë shqiptare të rënë në humnerën e humnerave". Ne rast se do ti referoheshim fakteve rreth karietes se saj ne gjyqsor deri tani le shume per te deshiruar madje per te ardhur keq. Ina rama u emerua si nje SILVIA CONTI nga Berisha por ne fakt nuk kishte bete asgje te tille madje u anatemua si shoqja e ARGITA BERISHES. Pra nje figure qe ne fillim problematike. U vu ne komisionin e vettingut pa ju nenshtruar as vete ketij procesi. Nuk ka ndermarre asnje proces penal te nje dimensioni per te lene apo krijuar nji mbrese apo respekt profesional ndaj saj. Duke ju referuar rezultateve te vettingut dua ti kujtoj zonjes gazetare sa gjyqtare apo femra kane kaluar vettingun. Kur eshte fjala per para ne shoqerine feudale shqiptare shfaqen probleme te maskilizit. Madje emisioni "FIKS FARE" ka denoncuar gjykatese per korrupsion apo vendim marrje te padrejta. Duke ju referuar zonjes HAJDARI dua te them se perben nji model te ri te politikanes e cila po ve ne jete nji shkolle politike te mesuar ne SHBA kundrejt politikaneve si Basha qe ndonese ka studiuar ne perendim duket qarte qe nuk paraqesin asnji model te ri politik perveç hajduterise.

    Përgjigju
  • Ilo: 12/03/2019 19:37

    Asgje nuk kuptova shoh tre gra te nderuara por megjithse dy prej tyre kane patur pozicion te fuqishem vetem drejtesi nuk kam pare kurse Rudina eshte nje grua qe duhet vlersuar per kurajon e saj qe te lere SHBA per te ardhur te besh politike me plehrat politikane shqiptare.

    Përgjigju