POP 5

Lajmet më të lexuara të 5 minutave të fundit

Kronikë

Në fund të korrikut Ardi Veliu në vetting! Kush është gruaja në krye të Komisionit të Vlerësimit

Vettingu në Policinë e Shtetit pritet të nis seancën e parë publike me drejtuesin Ardi Veliu në fund të korrikut. Burime për ReportTv nga Komisioni i Jashtëm i Vlerësimit bënë me dije për ReportTv se seancat do të zhvillohen në sallën e Pallatit të Kongreseve në të njëjtën sallë ku dalin gjyqtar e prokurorë. Ndërsa në krye të 5 grupeve të vlerësimit të trupës policore është vendosur ekonomistja Ana Kapaj.

Ky sezon veror nuk do të jetë një muaj pushimesh për efektivët e Policisë së Shtetit. ReportTv ka mësuar se 45 gradat e para drejtuese në polici me në krye Ardi Veliun prej fund korrikut do të përballen me seanca dëgjimore nga Komisioni i Jashtëm i Vlerësimit.

I pari që pritet të nis seancat dëgjimore për tu njohur me gjetjet e hetimit është kryepolici Ardi Veliu e më pas zv.drejtuesit në Drejtori të Përgjithshme dhe drejtorët e qarqeve.

Vettingu do të kryhet përgjatë kësaj vere edhe për drejtuesit e Policisë Rrugore, drejtuesit e Kufirit si dhe ata të Gardës dhe Reparteve Speciale.

ReportTv ka mësuar se në krye të Komisionit të Jashtëm të Vlerësimit është zgjedhur ekonomistja Ana Kapaj ndërsa 45 gradat e para janë ndarë për nga 5 grupe komisionesh me tre anëtarë.

Ku do të zhvillohen seancat dëgjimore?

Interesit të ReportTv një burim pranë Komisionit të Jashtëm të Vlerësimit në Policinë e Shtetit ju përgjigj se këto seanca do të mbahen në të njëjtën sallë pranë Pallatit të Kongreseve ku zhvillohen ato për gjyqtar e prokurorë nga Komisioni i Pavarur i Kualifikimit.

45 efektivët e parë të cilët i përkasin rangut drejtues përgjatë këtyre javëve janë duke komunikuar me Komisionin e Jashtëm për plotësimin e dokumenteve, për përgjigje të pyetjeve sqaruese si dhe për të dhënat e tyre të cilat në disa raste kanë rezultuar jo të plota, sqaruan të njëjtat burime.

Prej nisjes së këtij procesi nga ish-ministri i Brendshëm Fatmir Xhafa ligji për vettingun në Policinë e Shtetit u amendua për t'i hapur rrugë që pas 45 gradave të para të vazhdohet me kontrollit për efekt të këtij procesi nga Shërbimi i Çështjeve të Brendshme dhe Ankesave për pjesën tjetër të trupës policore.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Naimi: 06/07/2019 18:20

    Si mund nje ekonomiste te kaloje ne vetting drejruesit me te larte te policise se shtetit? Kjo eshte tamam cudi shqiptare

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

BBC: Si u kthye Donald Trump nga humnera politike?

BBC: Si u kthye Donald Trump nga humnera politike?

2 Nëntor, 13:10