POP 5

Lajmet më të lexuara të 5 minutave të fundit

Politikë

Në garë Lulzim Basha e Gjergji Hani, nis sot fushata për kreun e PD! Lista e anëtarëve mbetet ende dilemë

Fushata për kreun e ri të PD nis këtë të shtunë, 24 qershor. Lulzim Basha dhe Gjergji Hani një pjesë të takimeve do t’i zhvillojnë të mbyllura ndërsa do të kenë të paktën 6 debate publike. Zgjedhjet do të mbahen më 29 korrik, mes dilemës se cilët do të jenë anëtarët që do të votojnë, në kushtet kur PD tashmë ka zyrtarizuar ndarjen në 3 pjesë.

 

Mes paragjykimeve se gara është e paracaktuar dhe përballë rezistencës së fortë të grupit të deputetëve se nuk duhej të kishte zgjedhje, gara për kreun e ri të PD hyn tashmë në një fazë tjetër, ku fjalën e kanë kandidatët.

Duke nisur nga e shtuna, Lulzim Basha dhe i vetmi kandidat përballë tij, Gjergji Hani nisin fushatën për të bindur demokratët për t’i besuar, të parit për të disatën herë, drejtimin e partisë. Fushata do të zgjasë nga 24 qershori deri më 27 korrik, sic vendosi mes debateve kryesia e PD-së në mbledhjen gati 10 orëshe.

Report Tv mëson se fushata e dy kandidatëve do të shtrihet në dy rrafshe, debatet me praninë mediatike dhe takimet e mbyllura.

Këto të fundit nisin këtë të shtunë, fillimisht me themelues, figura te shquara në vite të PD, e qëndrestarë.

Fushata, do të përfshijë të paktën 6 debate të 2 kandidatëve përballë njëri-tjetrit.

Zgjedhjet e 29 korrikut për kreun e ri të PD, që me gjasë do të rikthejnë Lulzim Bashën aty ku e la më 21 mars të 2022, po zhvillohen mes një sërë paqartësish për rrugën statutore dhe ajo që është më kryesorja, listën e anëtarësisë. Cilët do të jenë anëtarët që do të votojnë më 29 korrik, në kushtet kur PD është e ndarë tashmë në 3 pjesë. 

S.G/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ledina: 24/06/2023 16:09

    Lulka eshte leter e djegur, le te provojme Gjergji Hanin

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi për Durrësin/ PS thellon diferencën ndaj PD-së me 9 mandate deputetësh, kundër 5 të demokratëve

Sondazhi për Durrësin/ PS thellon diferencën ndaj PD-së me 9 mandate deputetësh, kundër 5 të demokratëve

25 Dhjetor, 22:30