Në limitin e të pamundurës/ Zhytësi çek noton nën akujt e liqenit Milada

Në limitin e të pamundurës. Kështu mund të quhet aventura e zhytësit çek Petr Kapoun. Ai ka notuar poshtë akujve transparent të liqenit të ngrirë Milada në Republikën Çeke, i pa pajisur me atrecatura mbrojtëse.

Zhytësi Petr Kapoun ka notuar në një mënyrë të pa parë ndonjëherë. Nën akujt e liqenit të ngrirë Milada në Republikën Çeke, Kapoun, në një distancë rreth 20 m, fillimisht notoi me shpinë mbi ujrat e ftohtë dhe me fytyrë kthyer nga akujt transparent, kurse në rrugën e kthimit bëri të kundërtën.

Jo shumë të apasionuar me zhytjen mund të ndërmarrin një aventurë të tillë si 54 vjeçari çek, aspak i frikësuar nga ndonjë aksident hipotermik. Pavarësisht se Kapoun ishte i pajisur me nje litar për çdo rast emergjence, askush nuk duket i predispozuar të rrezikojë si ai. Suksesin e aventures se tij Petr Kapoun ia dedikon trajnimit psikik përmes Jogës, trajtim i domosdoshëm për t’i bërë ballë temperaturave polare.

Liqeni Milada shtrihet në 250 hektarë, ka thellësi maksimale 25 m dhe është liqeni i dytë më i madh në veri të Republikës Çeke. Vendndodhja gjeografike dhe temperaturat e ulëta në stinën e dimrit, janë faktorët që thuajse çdo vit ujrat e tij shndërrohen në akuj.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • durres: 07/02/2019 19:16

    GIGAND.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin