Tërmeti që ra të martën zuri poshtë rrënojave shumë persona në Durrës dhe Thumanë.

Të parët që u përballën me këtë situatë të rëndë, ishin zjarrfikëset dhe forcat e emergjencave civile, të cilët falë kurajos kanë mundur të shpëtojnë disa persona që ishin nën rrënoja.

Një i moshuar, i cili ishte poshtë rrënojave të një pallati në Durrës, është shpëtuar nga zjarrfikëset e Durrësit.

Edhe Adriatik Bode, ngeli poshtë rrënojave tek “Miramare” në Durrës, por falë punës së zjarrfikësve u bë i mundur shpëtimi i tij.

Dy videot e publikuar tregojnë vështirësinë dhe punën që kanë bërë zjarrfikësit për t’i nxjerrë nga rrënojat.

Rendit zhvillimet sipas orarit:
Ora 21:24
Kërkimet tek 'Mira Mare', arbitri i Superligës pjesë e grupeve të shpëtimit

Arbitri i njohur i Superligës, Laver Alla ka lënë pas bilbilin dhe ka veshur kostumin e zjarrfikësit për t'u ardhur në ndihmë grupeve të shpëtimit tek rrënojat e hotel 'Mira Mare' në Durrës. Lushnjari është parë teksa kërkonte edhe ai në rrënojat dhe shkruan në faqen e tij në Facebook: 

"Vazhdojmë të Hotel Mira Mare akoma. Shpresojmë të gjejmë njerëz të gjallë pas një personi që shpëtoi para disa minutash." 

 

Ora 18:21
HERONJTË e heshtur/ 48 orë pa gjumë nën rrënoja...'Do të qëndrojmë në Durrës derisa të sigurohemi që misioni ynë u mbyll!'

Kanë punuar për 48 orë me radhë, pa gjumë, duke kërkuar nën rrënoja. Forcat zjarrfikëse të Shqipërisë janë bërë bashkë në një nga misionet më të vështira të tyre, teksa me shpresën e madhe për të nxjerrë të gjallë, gëzimi shuhej sa herë që nga gërmadhat dilnin trupa fëmijësh, të rinjsh, e të moshuar. Por megjithatë atë thonë se kjo tragjedi e madhe që goditi vendin, bëri bashkë shqiptarinë solidare.

"Më 26 nëntor njoftohemi nga drejtoria e përgjithshme që ka rënë një tëmret i përgjithshëm, u njoftuam gjithë shërbimet zjarrfikëse të Shqipërisë, dhe erdhëm në Durrës për të shpëtuar sa më shumë jetë njerëzore. më pas arritëm tek Miramare, ku doli jnë vajzë e pajetë. Më tej me 6 bashki arritëm të nxjerrim një person të gjallë nga rrënojat, ndërsa ditën tjetër nxorrëm sërish një pajetë. Kanë bërë një punë të shkëlqyer djemtë tanë, vecanërisht ekipet e huaja që kemi pasur bashkëpunim të shkëlqyer duke realizuar një operacion të vështirë. Mendoj se e kemi realizuar me sukses këtë operacion. Ne do të qëndrojmë në Durrës derisa të sigurohemi që në qytetin e Durrësit nuk ka më persona të mbijetuar ose të pajetë nën rrënoja.

Ne në fakt 48 orët e para kemi qëndruar duke punuar, më pas erdhën grupet e rretheve të tjera,dhe përsëri na erdhi ne radha sot. Qytetarët e Durrësit të ndihen të sigurt që ekziston një grup shumë i mirë zjarrfikësish në Shqipëri", u shpreh Shefi i Forcave Zjarrfikëse të Patosir Alket Halimi për gazetarin e Report Tv, Elis Memelli

G.M./Shqiptarja.com