Ermira Kaçaçi, nëna e Gert Shehut, 31 vjeçarit që sulmoi me grusht ish kryeministrin Berisha, deklaroi ditën e sotme se ishte hera e parë që djali i saj ishte përfshirë në një situatë agresive të tillë. Sipas saj pavarësisht momenteve stresuese apo problemeve familjare, djali i saj nuk kishte shfaqur kurrë sjellje agresive.
Gjatë ditës së djeshme pasi u paraqit në polici, ka qenë pikërisht nëna e Gert Shehut ajo e cila ka dorëzuar edhe një dokument shëndetësor ku vërtetohej se djali i saj vuante nga probleme të shëndetit mendor dhe për to trajtohej që prej vitit 2018. Nëna e tij mendon se streset dhe problemet në familje mund ta kenë ngarkuar emocionalisht djalin e saj që më pas e kanë shtyrë të shfryjë zemërimin duke goditur ish kryeministrin.
Ndërkohë fqinjtët e 31 vjeçarit, kanë zbuluar se ai ishte person i qetë që nuk kishte shkaktuar probleme. Në detajet e dhëna për mediat, një prej fqinjëve zbulon se i riu konsumonte edhe lëndë narkotike pavarësisht se frekuentonte rregullisht kultet fetare të besimit islam në Tiranë.
Një prej mundësive që ngrihet nga ana e fqinjëve është edhe ajo e ngarkesës së Gert Shehut për shkak të ngjarjeve të ndodhura në vend dhe gjuhës së ashpër politike të përdorur mes politikanëve në Kuvendin e Shqipërisë.
Fqinjët e Gert Shehut kanë dhënë një intervistë për mediat ku kanë treguar mbi sjelljen e 31 vjeçarit në përditshmëri. Një prej moshatarëve të tij ka deklaruar se Shehu konsumonte lëndë të ndryshme narkotike. Ndërsa shtoi se agresori i Berishës ishte edhe praktikant i besimit islam, duke zbuluar se gjithmonë i përshëndeste me shprehje fetare.
“Nuk ka pasur probleme të shëndetit mendor. Pinte drogë, hashash po si duket pinte edhe nga ato të tjerat. Po me shumë mundësi konsumonte edhe shumë të tjera. Punonte në disa piceri. Ishte besimtar, sa herë kalonte na përshëndeste me fjalë të besimit islam. Nuk ka qenë person problematik në lagje”-u shpreh një prej fqinjëve.
Një tjetër prej fqinjëve, tha se veprimi që kishte bërë i riu ishte si pasojë e një ngarkese psikologjike që mund t’i kishte ndodhur nga gjuha e ashpër mes politikanëve dhe situata në vend.
“Më kishte thënë që është i sëmurë ai djali. Këta njerëz ngarkohen vetë, karikohen nga këto llafet. Ndac të djathtët e të majtët kanë gjuhë sherri në parlament dhe këta njerëz ngarkohen psikologjikisht. Është si puna e tifozëve. Një herë e kam parë atë djalin, ka qenë i sëmurë. Mbesa ime më ka thënë që është nga Tepelena, ka familje shumë të mirë. Ai ka vepruar gabimisht”-tha një tjetër prej fqinjëve.
Lajme të tjera
-
Gerti Shehu e goditi me grusht gjatë protestës në 6 dhjetor, Berisha nuk shkon në seancë! Gjyqi shtyhet për në 20 korrik
30 Qershor 2023, 10:51
-
Goditi me grusht Berishën në protestën e 6 dhjetorit, Gerti Shehu rezulton me probleme të shëndetit mendor! Prokuroria kërkon shtrimin në psikiatri
28 Maj 2023, 13:58 -
Pasi u qëllua me grusht, Sali Berisha me ‘siguri të hekurt’ në protestë
11 Shkurt 2023, 12:59 -
Nga protesta e dhunshme e Berishës te 6 dhjetori, viti i vështirë brenda PD-së! Në zgjedhje të ndarë, dy kampet ende larg bashkimit
31 Dhjetor 2022, 14:18
-
Goditi me grusht Sali Berishën, Gjykata e Apelit lë në burg Gert Shehun! 31-vjeçari: Dua të iki në shtëpi, jam djalë i vetëm dhe kam ilaçe për të pirë
28 Dhjetor 2022, 12:54 -
Goditi Sali Berishën, nesër shqyrtohet në Apel kërkesa e Gert Shehut për të lënë qelinë
27 Dhjetor 2022, 10:39 -
Goditi me grusht Sali Berishën, Gert Shehu kërkon në Apel lirimin nga qelia
22 Dhjetor 2022, 10:32 -
Akoma me shenjë në sy, pas dy javësh Berisha heq syzet e errëta
20 Dhjetor 2022, 17:43 -
Ben Andoni: Banaliteti dhe frika prej televizionit
17 Dhjetor 2022, 10:59
-
Samiti i Berlinit në Tiranë, Spiropali: Tregon që jemi lider i Ballkanit Perëndimor! Protesta e Berishës? E rrudhur! S’na intereson kush zgjidhet në krye të SPAK
15 Dhjetor 2022, 18:47 -
Armina Mevlani thyen heshtjen për incidentin e Sali Berishës
15 Dhjetor 2022, 08:41 -
Berisha mbledh kryesinë: Rama e planifikoi sulmin ndaj meje, kushëriri i tij gazetar në 'Reuters', dha lajmin i pari
14 Dhjetor 2022, 17:27
