Shkëmbimi dhe punësimi i mjekëve dhe profesionistëve të shëndetit në funksion të trajtimit të rasteve specifike në dy anët e kufirit është në fokus të marrëveshjes së nënshkruar mes Ministrisë së Shëndetësisë dhe Mbrojtjes Sociale të Shqipërisë dhe Ministrisë së Shëndetësisë të Kosovës, të nënshkruar nga ministrja Ogerta Manastirliu dhe ministry Rifat Latifi në mbledhjen e përbashkët të dy qeverive, të Shqipërisë dhe Kosovës që po zhvillohet në Prishtinë.
Ministrja Manastirliu tha se kjo marrëveshje do të mundësojë ofrimin e shërbimit shëndetësor në zonat kufitare të dy vendeve me cilësi dhe standarde falë shkëmbimit të mjekëve.
“Duke formalizuar këtë marrëveshje ne krijojmë mundësinë që mjekët tanë të punësohen në periudha të caktuara pranë spitaleve tona. Nëpërmjet kësaj marrëveshjeje ne garantojmë që profesionistët e shëndetit të dy vendeve tona mund të punësohen nëpërmjet pikërisht kanaleve që ne tashmë formalizojmë dhe nëpërmjet kësaj marrëveshjeje, edhe në spitalet tona në vend. Do e fillojmë me ato ndërkufitare, pra me spitalin e Kukësit, atë të Gjakovës dhe Prizrenit e më pas për t’u shtrirë edhe në spitalet e tjera”, bëri me dije Manastirliu.
Një tjetër marrëveshje mes qeverisë së Shqipërisë dhe asaj të Kosovës ka të bëjë më mbështetjen e ndërsjellë për shkëmbimin e barnave të rralla, testeve apo produkteve mjekësore, përmes krijimit të një korridori mbështetjeje.
“Marrëveshja e dytë bëhet me qëllim për një zhvillim në tregun farmaceutik duke qenë se dy Agjensitë e Barnave dhe Pajisjeve Mjekësore të vendeve tona respektive nëpërmjet kësaj marrëveshjeje do të kenë mundësi për unifikimin e protokolleve të farmako-vigjilencës. Nëpërmjet kësaj marrëveshjeje, ne arrijmë dhe garantojmë pikërisht korridoret e shpejta të furnizimit me barna të rralla. Nëse e ka një vend do t’i ketë dhe vendi tjetër, pra nëse i ka Kosova do t’i ketë Shqipëria; nëse i ka Shqipëria do t’i ketë dhe Kosova. Nga ana tjetër eksplorojmë dhe mundësinë për të vlerësuar dhe për të parë se çfarë fuqie negociuese ne të dyja si vende mund të kemi për të aksesuar barnat e rralla Gjithashtu mekanizmat e kontrollit që ne do të ngremë nëpërmjet të dy Agjensive dhe laboratorëve që do të shërbejnë në funksion të njëri tjetrit do ta garantojnë këtë gjë”, tha Manastirliu.
Duke vlerësuar bashkëpunimin në fushën e shëndetësisë mes dy vendeve, Ministri i Shëndetësisë i Kosovës, Rifat Latifi tha: “Me kënaqësi po raportoj sot se përmes nënshkrimit të këtyre dy marrëveshjeve në fushën e shëndetësisë do të hapim rrugën për bashkëpunime edhe më të mëdha edhe më konkrete midis dy Ministrive tona të Shëndetësisë, të cilat do të zgjerojnë fushat e bashkëpunimit mjekësor dhe shkencor si edhe do të rrisin cilësine e shërbimeve të kujdesit shëndetësor për qytetarët tanë”.
Marrëveshjet e nënshkruara mes dy vendeve parashikojnë ngritjen e një komiteti të përbashkët ndërmjet dy ministrive të shëndetësisë së dy vendeve, për të hartuar protokollin për ofrimin e shërbimeve shëndetësore të specializuara nga mjekët e Shqipërisë dhe Kosovës në zonat kufitare. Lidhur me urgjencat mjekësore dhe shërbime të specializuara, do të ketë trajtim të ndërsjelltë në spitalet e Kukësit, Gjakovës dhe Prizrenit, për qytetarët e Shqipërisë dhe Kosovës, bazuar në protokollin e bashkëpunimit. Shkëmbimi i mjekëve dhe profesionistëve në funksion të menaxhimit sa më të mirë klinik të rasteve specifike në dy anët e kufirit, do të jetë një tjetër hap konkret drejt përmirësimit të shërbimit shëndetësor në këto zona.
Palët do të angazhohen të krijojnë një korridor mbështetje në rast nevojë, në shkëmbimin e ndërsjelltë të barnave të rralla, testeve apo produkteve mjekësore. Forcimi i bashkëpunimit në fushën farmaceutike do të formalizohet mes marrëveshjes së përbashkët mes dy agjensive të barnave në lidhje me sigurinë dhe kontrollin e cilësisë së barnave dhe pajisjeve mjekësore, duke shkëmbyer eksperiencat mes profesionistëve, por edhe duke vënë në dispozicion laboratorët e kontrollit të barnave për ngritjen e kapaciteteve dhe forcimin e farmakovigjilencës në dy vendet.
Në Prishtinë është duke u zhvilluar mbledhja e 8 mes dy qeverive të Shqipërisë dhe Kosovës, ku po nënshkruhen disa marrëveshje për forcimin e bashkëpunimit në fusha të ndryshme mes dy vendeve tona.
Lajmi kryesor:
Drejt bashkimit doganor, pa kontrolle për festa e në fundjavë, porti tregtar dhe lehtësim të procedurave për studentët... 19 marrëveshjet Shqipëri-Kosovë
Lajme të tjera
-
Mero Baze: Të zhgënjyerit nga Albin Kurti në Tiranë
21 Qershor 2022, 20:03
-
Marrëveshjet Kosovë-Shqipëri, ministri i infrastrukturës Aliu në '5 pyetjet': Në të ardhmen, do diskutojmë për mjedisin dhe zhvillimin e agorturizmit
20 Qershor 2022, 22:43 -
Mbledhja Kosovë-Shqipëri/ Gjetaj: Show patriotik! Rexhaj kundër propozimit të Berishës për '2 shtetësinë': Shqipëria mund të na ndihmojë më shumë
20 Qershor 2022, 21:07 -
Projekti për ndërtimin e Porto Romano-Porti i Thatë do të rrisin tregtinë Shqipëri-Kosovë, hekurudha Durrës-Prishtinë do lidhë dy portet tregtare
20 Qershor 2022, 15:05
-
Rama: Në shtator paraqesim në Këshillin e Evropës pavërtetësinë e akuzave të Dick Marty, bota ta dëgjojë! Mbi ato akuza u ngrit Gjykata Speciale
20 Qershor 2022, 14:54 -
Jeni pro serb? Rama përgjigjet me ironi: Sigurisht! Dua rrëzimin e Qeverisë në Kosovë? Kurtin e rrëzon vetëm një protestë e Albinit
20 Qershor 2022, 14:23 -
110-vjetori i 'Ditës së Flamurit', në nëntor mbledhje e Kuvendeve Kosovë-Shqipëri! Rama: Jemi të ndarë? Me këtë qeveri marrëveshjet më të mëdha (VIDEO)
20 Qershor 2022, 13:58 -
Mbledhja Qeveri-Kosovë, Berisha: Marrëveshja që prisnin shqiptarët sot ishte 'dyshtetësia', e miratoj kur të vij në pushtet! Alibeaj po i shërben Ramës për 'investimet strategjike'
20 Qershor 2022, 13:37 -
Drejt bashkimit doganor, pa kontrolle për festa e në fundjavë, porti tregtar dhe lehtësim të procedurave për studentët... 19 marrëveshjet Shqipëri-Kosovë
20 Qershor 2022, 12:06 -
Mbledhja e 8 e përbashkët Shqipëri-Kosovë! Kurti: Kemi një oqean mundësish të pashfrytëzuara! Rama: Rritëm disa herë shkëmbimin ekonomik! Të arrijmë në 1 mld dollarë
20 Qershor 2022, 07:22
