Nga mesnata deri në 08:00, qytetarët u kthyen në vendbanimet e tyre (Urdhri për bllokimin e qarkullimi)

TIRANE - Nga mesnata deri në 08:00 të mëngjesit të ditës së sotme, janë rikthyer në vendbanimet e tyre të gjithë ata qytetarë që përpara "shtetrrethimit" kishin dalë jashtë qytetit të tyre.

Ishte vetëm kjo kohë prej 8 orësh që u la e lirë për të qarkulluar të gjithë me makinat e tyre private, ndërsa më tej, nëpër qytete nuk do të lejohet të qarkullojnë automjetet si masë parandaluese ndaj COVID-19.

Në urdhrin e Ministrisë së Shëndetësisë theksohej se nuk do të lejohej qarkullimi i automjeteve të shërbimit publik, pra autobusët, përjashtuar shërbimet taksi 4+1 brenda këtij orari.

Sa i përket ditëve të tjera pas të hënës, nga e marta kur do të futet i gjithë vendi në karantinë, lëvizja do të lejohet në 2 orare, në mëngjes 3 orë, nga ora 05:00-08:00 kur njerëzit të shkojnë në punë dhe pasdite, një orë nga 16:00-17:00 kur të kthehen. Përjashtim nga ky ndalim bëjnë mjetet e transportit të pajisura me autorizim të posaçëm nga autoritete kompetente dhe të transportit të punonjësve në institucione publike. Autorizimet e mëparshme të lëshuara deri në datën 15 Mars, policia e shtetit njofton se ju zgjatet afati.

 

Urdhri i firmosur nga Ministrja e Shendetesise Ogerta Manastirliu


Njoftimi nga Policia e Shtetit mbi kufizimin e lëvizjes
Në  kuadër të masave  kufizuese për parandalimin e  përhapjes e coronaviruesit ”Covid 2019”, Policia e Shtetit sqaron opinionin publik se: Do lejohet qarkullimi i mjeteve rrugore private të shtetasve me numër të kufizuar njerëzish 4+1 në të gjithë vendin për tu kthyer në vendbanimet e tyre, nga ora 00.00 deri në orën 08.00 të datës 16.03.2020, duke respektuar kufizimet higjeno-sanitare të situatës së krijuar. Nuk do lejohet qarkullimi i mjeteve të shërbimit publik, përjashtuar shërbimin taksi 4+1, brenda këtij orari.

Do të lejohet qarkullimi në oraret 06.00 deri në orën 08.00 në mëngjes dhe 16.00 deri 17.00 mbasdite i mjeteve (furgonçina, furgonë, minibuisë, autobusë) që do bëjnë transportin e personelit dhe punonjësve  të bizneseve  prodhuese/industriale/ bujqësore, duke marrë masa individuale mbrojtëse  sipas kërkesave të dërguara dhe miratuara   nga Policia e Shtetit, si dhe 
 qarkullimi i automjeteve për  punonjësit e Policisë së Burgjeve, SHPSF-ve, si dhe personeli shëndetësor me mjetet e tyre private për vajtje ardhje në pune, në oraret e ndërrimit të turneve, kundrejt dokumentit të institucionit ku punojnë. Do të lejohet lëvizja e mjeteve rrugore që kryejnë transporte të mallrave brenda dhe jashtë vendit për llogari të individëve, firmave dhe kompanive vendas dhe të huaja, furgonçina, furgonë, kamionë të cilët merren më  furnizimin e me produkte ushqimore dhe blegtorale dhe që ofrojnë shërbime për qytetarët, mjetet që transportojnë bazë ushqimore për blegtorinë.

Jashtë këtij kufizimi,  do të lejohet të qarkullojnë, mjetet rrugore që kryejnë shërbime të emergjencës, ambulanca, zjarrfikëse dhe mjetet e Policisë së Shtetit e ato ushtarake, punonjësit e medies me makina të loguara ose jo  por të paisura me dokument identifikimi. Autorizimet e mëparshme të  lëshuar nga Policia e Shtetit me afat deri në datën 15 Mars, ju zgjatet afati

Me qëllim kthimin e  përgjigjeve në kohë  të kërkesave të qytetareve, të cilët kanë nevojë të komunikojnë për probleme të ndyshme ne nr 112/129 si dhe në numrat e dedikuar 0694122223 dhe 0694122224,  sqarojmë  pronarët dhe administratorët e subjekte që merren me shpërndaje të produkteve ushqimore, apo që ofrojnë shërbime të cilat përdorën Furgoncina, forgonë dhe kamionë se nuk kanë nevojë për autorizim për levizje,pasi ato jana të përfshira në kategorine e mjeteve që lejohen të qarkullojnë pa autorizim. Theksojmë se në këto automjete do qarkullojnë vetëm drejtuesit e këtyre automjeteve dhe jo familjarë apo pasagjërë të tjerë. Policia e Shtetit gjen rastin për të apeluar edhe njëherë për të gjithë drejtuesit e automjeteve që të respektojnë me korrektësi kufizimet e vendosura pasi shkelja e tyre do ndëshkohet me masa të rrepta administrative të reja të vendosura nga Qeveria  për shkak të situatës, me qëllim parandalimin e përhapjes  së COVID 19.

d.ba./b.ha./Shqiptarja.com
  • Sondazhi i ditës:

    Qeveria shtyn qiratë me dy muaj për 3 kategori, a ju duket një vendim i drejtë?

Komento

Komente

  • Ori: 29/03/2020 14:16

    Jam mese dakord per izolimin e pensionisteve me qellim per ti mbrojtur nga COVID-19, por me kushtin qe mos ti lejome te vdesin urie. Pensionistet te cilet nuk kane asnje te aferm prane per ti perfaqesuar ne kryerjen e nevojave bazike dhe blerjeve te ushqimeve, si do te zgjidhet situata e tyre? Kush do ti furnizoje ato me ushqime?

    Përgjigju
  • Kafsha: 16/03/2020 09:01

    Duhet të izolohene fshatarete në fshatrate e tyre!

    Përgjigju
  • Kovi Kozmait: 16/03/2020 08:04

    Ja paska gjet Ed Palla orarin virusit. Mjafton te dalim kur virusi ka oren e shlodhjes dhe nuk del giro. O pall çfare jane keto orare. Po i merr me qafe njerezit.

    Përgjigju
  • naumi: 16/03/2020 00:20

    SILLESH --perdridhesh o edi rama,,,sot nxirr nje ligj ,,neser nje tjeter,,,por ti e di shume mire qe ke ngritur nje shtet te falimentuar,,,ti dhe paraardhesit e tu,,sepse menduat te vidhnit e jo te benit rruge,,autostrada,,shkolla ,,spitale,,ambulanca,,,ndertesa te bukura e me hapsire,,struktura te mbeshtetjes sociale,,,administrate efikase,,emergjenca civile efikase e te paisura,,,,prandaj ti do na zvarrisesh si te vije per mbare derisa ti cosh financat ne pike kritike ,,,pastaj do ikesh si gjithe te tjeret ,,,,e do shahesh popullin per deshtimet e tua…..

    Përgjigju
    • A. N.: 16/03/2020 08:11

      I kemi ballkonet e pallatit perballe kaq afer saqe per te mbajtur distancen me komshiun me duhet te dal tek dhoma tjeter. 30 vitet e rrumpalles lejuan qe kushdo mund te ndertonte e modifikonte gjithcka.

  • koli: 15/03/2020 23:15

    DUHET IZOLIM TOTAL o edi rama,,,kur njerezit shkojne ne pune ,,aty e marrin dhe e japin koronen,,,DO NA MBYSESH FARE,,do e perkeqsosh NUMRIN E TE INFEKTUARVE ME KETO LESHIME....

    Përgjigju
  • DAJ CENI: 15/03/2020 20:50

    Dakort me masat shtrenguese per levizjen e automjeteve private. Por ashtu si komentuesi tjeter Andi edhe une punoj ne autostrade dhe nga eksprrienca eshte shume veshtire qe te vish ne shtepi per nje ore.kjo ben qe stresit nga koronavirusi ti shtohet edhe nje tjeter stres ai i gjobitjes dhe largqofte i sekuestrimit te makines nga policia me te drejten ligjore te shkeljes te orarit. Perse po vonohen nga policia lejet e kerkuara per automjetet nga kompania. Gjthashtu nga strukturat perkatese shteterore duhet bere kontroll tek kompanite private ne se i plotesojne kerkesat minimale higjenike aq te rendesishme ne kete kohe si Paisja me maska mbrojtese Largesia e kerkuar nga njeri tjetri Detergjente per larjen e duarve Dezinfektante per duart dhe ambjentin Krijimi i kushteve higjenike te domosdoshme gjate ngrenies te ushqimit Asnje prej ketyre kerkesave nuk eshte e ekzagjeruar por domosdoshmeri ne kete kohe te veshtire. Edhe ne qe nuk rime dot ne karantine se jemi te detyruar te sigurojme buken e femijeve dhe ecurine e kompanise kemi te drejte te kerkojme te na plotesohen keto kerkesa higjeno sanitare ne kete kohe vecanerisht

    Përgjigju
    • Ilir: 16/03/2020 05:27

      Edhe dicka, per te ndihmuar. Ne nje makine, ketu ku punoj une ne Itali, nuk lejohen me shume se 2 persona. Ai qe I jep 1,dhe tjetri ne sediljet mbrapa. Kjo per te respektuar distance 1 m.

    • Sgj: 16/03/2020 00:52

      Nuk e kuptoni qe ky idiot km eshte shkeputur fare nga realiteti. Si mund te kthehen te gjitha familjet nga korca pg etj duke u nisur pas ores 12 te nates, te pagjume,te stresuar , me femije e katandi dhe me nje trafik qe neser do te shihen pasojat. Zoti na ruajt. Ky kish marr dhe masat gjasme as maska e desinfektante nuk ka me leke, jo me qe duhet rw ishin falas. FKM

  • andi: 15/03/2020 19:59

    me falni ok per te ikur ne pune po ne qe kthehemi ne oren 5 masdite e punojme ne autostrade ku duam gati 1 ore e me shume per te ardhur ne tirane ne shpi si do ja bejme. puna nuk ka autobusa max nje makine personale te tyre qe mund te na cojne po si do kthehemi me avjon ?

    Përgjigju
    • Corona: 16/03/2020 09:05

      Ore 1 milion here e kane thene qe duhet te marresh leje nga policia per raste te vecanta dhe nese punon me sherbime emergjence mund te qarkullosh i lire. Ju tani ca doni? Eshte nje bote e tere qe po izolohet, sot edhe ne new york ka filluar izolimi. Kuptohet qe jeta nuk eshte normale me persa kohe jemi ne lufte me kete virusin.