POP 5

Lajmet më të lexuara të 5 minutave të fundit

Sociale

Ngacmimet seksuale në hapësirat publike në Tiranë, zonat e rrezikuara qendra dhe Astiri

Qendra e Tiranës dhe zona e Astirit rezultojnë zona problematike për sa i përket ngacmimeve seksuale ndaj vajzave dhe grave. Sipas një studimi të kryer nga instituti Idra dhe UN Woman, faktorë rreziku rezultojnë mbipopullimi i autobusëve, ndriçimi i pakët në zona specifike dhe mungesa e policëve. Fenomeni nuk është i përhapur vetëm në Tiranë por edhe në qytete të tjera ne vend.
 

Një studim i institutit Idra dhe UN Woman sjellin fakte tronditëse për ngacmimet seksuale të vajzave dhe grave në disa qytete të Shqipërisë. Studimi i titulluar “Ngacmimi seksual dhe llojet e tjera të dhunës me bazë gjinore në hapësirat publike në Shqipëri” duke trajtuar këtë fenomen sjell me detaje shkaqet e ngacmimeve të kësaj natyre.  Studimi është përqëndruar në sigurinë e hapësirave urbane të bashkive në Tiranë, Durrës dhe Fier. 

Për efekt të këtij studimi në qytetin e Tiranës janë zhvilluar gjithsej 350 intervista me gra dhe vajza, në zonën e Astirit dhe në qendër. Studimi mbërrin në përfundimin se, faktori më i lartë i rrezikut për zonën e Astirin konsiderohet të jetë mungesa e mjediseve të sigurta për gratë dhe vajzat, sidomos mbipopullimi i autobusëve.  Ndërsa për qendën e Tiranës, faktori më i lartë i rrezikut konsiderohen të jenë burrat dhe djemtë që konsumojnë substanca narkotike.

Një tjetër problematikë që ky studim evidenton është rreziku si pasojë e ndriçimit të pakët në zona të ndryshme në kryeqytet, dhe mungesa e theksuar e policëve, sidomos në zonën e Astirit, fenomen që vërehet edhe në qyetete të tjera. 

Migena Kokero, drejtore e Drejtorisë së Mbrojtjes dhe Përfshirjes Sociale në Bashkinë e Tiranës, tregon se ende ka shumë për të bërë. 

Bashkia e Tiranës sigurisht ka sektorin e barazisë gjinore, ku ka mbajtur një kontakt të veçantë jo vetëm me inciatorët, jo vetëm me gjetjet paraprake të këtij studimi, por sektori i barazisë gjinore i ka kushtuar një rëndësi të veçantë.

Migena Kokero, drejtore e Drejtorisë së Mbrojtjes dhe Përfshirjes Sociale në Bashkinë e Tiranës

Gjetjet e këtij studimi janë një këmbanë alarmi për autoritet vendore dhe qëndrore përfshirë policinë për të frenuar ngacmimet seksuale të vajzave dhe grave në ambientet publike.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50