Ashtu siç edhe kishin paralajmëruar, disa pedagogë të Fakultetit Histori Filologji të Universitetit të Tiranës kanë nisur sot grevën si mbështetje ndaj protestës së studentëve. Pedagogët e FHH shprehen se kanë vendosur të solidarizohen me studentët për realizimin e tetë kërkesave të tyre. Mes pedagogëve bien në sy Mark Marku dhe Agron Gjekmarkaj, të cilët njëkohësisht njihen për afrimitetin e tyre me të djathtën dhe vecanërisht PD-në. Mark Marku ka qenë edhe deputet i PD, ndërsa Gjekmarkaj është aktivist i të djathtës. Edhe Romeo Hanxhari, pedagog i Gjeografisë te Filologjiku është gjithashtu një emër i njohur pranë opozitës si përfaqësues i disa kauzave të saj. Një tjetër emër i njohur i Filologjikut si pjesë e strukturave partiake është edhe Zylyftar Bregu, pedagog i gazetarisë, pjesë e LSI-së. Jonila Godole, gjithashtu pedagoge e gazetarisë, kohët e fundit është angazhuar pranë shoqatave të të përndjekurve politikë.
Në prononcimet për mediat, pedagogët janë shprehur se kërkesat e studentëve janë të drejta. Sipas tyre, "Pakti për Universitetin" i ofruar nga qeveria nuk është zgjidhja, ndërsa shtojnë se ata nuk janë pyetur për draftin e miratuar nga Këshilli i Ministrave me 12 pika ku i jepet zgjidhje pjesës më të madhe të tetë kërkesave të studentëve. Pas studentëve, edhe pedagogët kërkojnë shfuqizimin e Ligjit të Arsimit të Lartë. Nga ana tjetër, grupe të caktuara studentësh vijojnë bojkotin e mësimit te Fakulteti Ekonomik, Juridik dhe te Arkitektura. Të ndarë në grupe të vogla, studentë e disa fakulteteve kanë tentuar të pengojnë mësimi, por në fakt sic duket edhe në këtë video, mësimi është zhvilluar normalisht në 80% të auditoreve dhe studentët janë paraqitur në sallat e leksioneve dhe seminareve (Lexo këtu).
Megjithëse mësimi ka nisur në më të shumtën e Fakulteteve, në Fakultetin Juridik, situata vazhdon të jetë e tensionuar. Ditën e sotme, disa student kanë vazhduar të bojktojnë mësimin duke mos lejuar studentët e tjerë që të hyjnë në mësim. Kjo ka sjellë tensionimin e situatës, që ka degraduar në sharje dhe ofendime banale, ndërkohë që njëra nga studentët i thotë njërit prej djemve: O injorant mos më kap me dorë mua o ro*****.
Sherri tek Juridiku:
Protestuesi: Po dal për të drejta e mia.
Studentja: S’mund të na pengosh për të drejtat e tua, na lër të kalojmë. Dil protesto në rrugë. Dekani tha hapni derën, ju lutem hapni derën. O injorant mos më kap me dorë mua o ro*****.
Protestuesi: Ti më godite mua o femër idiote…
Zylyftar Bregu, pedagog i gazetarisë dhe njëherazi pjesë e strukturave të LSI, thotë se vazhdimësia e grevës së pedagogëve do vendoset nga Asambleja e profesorëve të Historisë dhe Filologjisë. "Greva e sotme ishte një vendim i Asamblesë së profesorëve të Fakultetit të Historisë dhe Filologjisë, dhe se çfarë do të ndodhë pas kësaj proteste 1 ditore, është prapë Asambleja që duhet ta marrë vendimin dhe studentët që kanë pjesën e tyre të vendimarrjes", thotë Bregu.
Edhe pedagogu i gazetarisë dhe njëherazi aktivist i Shoqërisë Civile, Ervin Goci, kundërshton Paktin e qeverisë për Universitetin. “Ajo që ne nuk ndryshojmë është qendrimi i prerë në lidhje me VKM-të që kanë dalë, që kanë lidhje me tekstet shkollore, tekstet universitare, kanë lidhje me statusin e pedagogut, autonominë e Universitetit, këto ne nuk i pranojmë", thotë Goci.
Ish-deputeti i PD, Mark Marku ka qenë protagonist i grevës së pedagogëve te Fakulteti Filologji Historisë ditën e sotme. Ai tha për mediat se Pakti për Universitetin përkeqëson gjendjen e arsimit publik në vend. "Mirëpresim cdo iniciativë shtetërore, nuk kemi kurrëfarë paragjykimi, çdo iniciativë që çon në zgjidhjen e problemeve të mëdhaja që ka arsimi publik në Shqipëri. Cili është problem? Të gjitha VKM-të dhe vendimet e qeverisë, në thelb, e përkeqësojnë gjendjen e arsimit publik".
Ka nisur me bojkot java për Universitetin e Historisë dhe Filologjisës ditën e sotme si pasojë e “grevës” së parlajmëruar nga dita e premte nga një grup studentësh dhe pedagogësh. Numri i studentëve prezent në grevë është i vogël ndërsa ishin të shumtë ata që ishin nisur për të vazhduar mësimin, dhe dhe janë vetëm dy pedagogë që kanë marrë “frenat” duke bllokuar e lidhur pa të drejtë dyer e korridore të Universitetit.
Në një letër publike asambleja e pedagogëve të këtij fakulteti (të përfaqësuar vetëm nga dy) shprehu disa shqetësime në lidhje me VKM-të e miratuara në qeveria në fund të vitit të kaluar dhe kërkojnë që ato të rishikohen, pasi sipas tyre shkelet autonomia universitare. Janë pikërisht pedagogët Agron Gjekmarkaj dhe Mark Marku ish-deputet dhe mbështetës të Partisë Demokratike të cilët po mundohen me çdo kusht për ta kthyer protestën e studentëve në “Çadrën e Lirisë” të Lulzim Bashës. Pasi hoqi dorë nga zgjedhjet në 2013 Marku vazhdon të mbështesë me zemër PD-në duke përdorur gjithashtu ndikimin e tij në universitet tek studentët edhe pse në dëm të tyre. /Lexo.al/
Deputetja e Partisë Demokratike Valentina Duka shprehet se kryeministri Edi Rama dhe kabineti i tij qeveritar duhet të braktisin menjëherë demagogjinë, mashtrimet e sulmet dhe të plotësojnë sa më mirë kërkesat e studentëve. Duka thotë se qeveria tanimë ka filluar një fushatë manipulimesh dhe kërcënimesh ndaj studentëve dhe stafeve universitare, e sipas saj kjo po shoqërohet edhe me një prirje arrogante për të denigruar e diskredituar pedagogët e universiteteve dhe duke u përpjekur që fajtori për gjendjen e arsimit të kërkohet tek ata (Lexo të plotë).
Ndërkohë që edhe në Shkodër një grup studentësh kanë nisur ngujimin në ambientet e Universitetit "Luigj Gurakuqi". Ata janë mbledhur sot duke përshkallëzuar protestën.
Pas disa ditësh tensioni, në të cilën studentë apo militantë të lidhur me partitë politike të opozitës penguan zhvillimin e mësimit me forcë në Fakultetin Ekonomik të Tiranës, ditën e sotme është rikthyer normaliteti. SiBurime brenda këtij Fakulteti bëjnë me dije se këtë të hënë po zhvillohen normalisht të gjitha lëndët dhe në mbi 80% të auditoreve. Grupet e vogla të studentëve që vazhdojnë bojkotin janë në masë të madhe të njëjtët që tentuan të ngujoheshin ose të bllokonin rifillimin e mësimit gjatë dy javëve të fundit.
Pavarësisht kësaj, pas plotësimit të kërkesave të paraqitura në protestat e muajit dhjetor, shumica dërrmuese e të rinjve është bindur për vazhdimin e mësimit. Gjithashtu, mësohet se në Fakultetin Ekonomik vijon aplikimi i studentëve ekselentë në portalin “Punë të Mbarë”, një portal i cili do të mundësojë punësimin automatik të më të mirëve në administratë. Aktualisht, janë mbi 800 vende pune në dispozicionin e studentëve me mesatare mbi 9, të ndarë pothuajse në mënyrë të barabartë midis atyre që kërkojnë Master dhe atyre që kërkojnë vetëm Bachelor.
Aplikimi në këtë portal eliminon intervistën e punës apo kërkesën për përvojë të mëparshme, duke sjellë punësimin e menjëhershëm të të rinjve në sektorët e kërkuar. Kriteri i vetëm në përzgjedhje është mesatarja, me më të mirët që do të zgjedhin të parët, e në vijim të gjithë të tjerët./lexo.al/
Komente
Lajme të tjera
-
Protesta e PD-së, 7 të arrestuar, 21 protestues në hetim! Noka goditi efektivin, procedohet penalisht bashkë me 39 deputetë e zyrtarë të opozitës (EMRAT)
24 Dhjetor, 09:44 -
Përfundoi në spital pas protestës, Mziu shpërndan memen me Gjekmarkajn: Me fat që është gjallë, duke ditur që s'ka shtyllë kurrizore! Pendohet dhe e fshinë
24 Dhjetor, 09:28 -
Policia përgënjeshtron Berishën: Gjekmarkaj s’u dhunua, u ndje keq dhe iku! Keqardhje për Nokën, goditi efektivët! Janë evidentuar shkelësit, do procedohen
23 Dhjetor, 20:14 -
Protesta/ Gjekmarkaj humb ndjenjat dhe rrëzohet në tokë! Kryetari i PD: E goditën efektivët! Reagon policia: Berisha gënjen (VIDEO)
23 Dhjetor, 18:54 -
Zgjedhjet e 2025/ Pas Tiranës Berisha cakton grupet e punës në Durrës, Elbasan dhe Lezhë, e Kukës (LISTAT)
5 Dhjetor, 18:27 -
Agron Gjekmarkaj: Sami Repishti iku, la pas një monument
27 Nëntor, 20:40
-
Partia Demokratike e dyzuar për protestën, ndahet në dy pjesë! Një palë me eurodeputetët, të tjerët në bllokim rrugësh e mosbindje civile
29 Tetor, 18:40 -
Më 29 tetor protesta e opozitës! Caktohet ora, PD: Mosbindja civile zbret në akset kryesore të Shqipërisë! Do bllokohen rrethrrotullimet
25 Tetor, 19:53 -
Grupi i PD takon Michael Gahler në Parlamentin Europian, ‘harron’ përsëri Metën: Rama ka urdhëruar 7 muaj para zgjedhjeve burgosjet e liderit dhe deputetëve të opozitës
24 Tetor, 16:57 -
Deputetët e PD vizitë në PE: Informuam “Renew Europe” për situatën në Shqipëri! Po synohet asgjësimi i opozitës
22 Tetor, 19:05 -
Rama ironizon “mosbindjen civile”: Manifestim politik për pushtet! Dy protesta ka pasur Shqipëria, atë të armëve kimike dhe studentëve
12 Tetor, 08:45 -
Dogjën karriget, dhunë e kaos në Kuvend! Ndëshkohen 24 deputetët e PD-së! Bardhi, Noka e Nallbati përjashtohen 2 muaj, 10 ditë për Palokën e 40 për të tjerët! Dëmet do i paguajnë nga rroga e tyre
2 Tetor, 14:58
Gjith pedagoget qe marin lek jan mbledhur ketu dhe kerkojn me shum kur tr na marin ne provime
Përgjigju