Rinis mësimi te Fakulteti Ekonomik në Tiranë, 80% e auditoreve të populluara nga studentët (VIDEO)

Pas disa ditësh tensioni, në të cilën studentë apo militantë të lidhur me partitë politike të opozitës penguan zhvillimin e mësimit me forcë në Fakultetin Ekonomik të Tiranës, ditën e sotme është rikthyer normaliteti. SiBurime brenda këtij Fakulteti bëjnë me dije se këtë të hënë po zhvillohen normalisht të gjitha lëndët dhe në mbi 80% të auditoreve. Grupet e vogla të studentëve që vazhdojnë bojkotin janë në masë të madhe të njëjtët që tentuan të ngujoheshin ose të bllokonin rifillimin e mësimit gjatë dy javëve të fundit.

Pavarësisht kësaj, pas plotësimit të kërkesave të paraqitura në protestat e muajit dhjetor, shumica dërrmuese e të rinjve është bindur për vazhdimin e mësimit. Gjithashtu, mësohet se në Fakultetin Ekonomik vijon aplikimi i studentëve ekselentë në portalin “Punë të Mbarë”, një portal i cili do të mundësojë punësimin automatik të më të mirëve në administratë. Aktualisht, janë mbi 800 vende pune në dispozicionin e studentëve me mesatare mbi 9, të ndarë pothuajse në mënyrë të barabartë midis atyre që kërkojnë Master dhe atyre që kërkojnë vetëm Bachelor.

Aplikimi në këtë portal eliminon intervistën e punës apo kërkesën për përvojë të mëparshme, duke sjellë punësimin e menjëhershëm të të rinjve në sektorët e kërkuar. Kriteri i vetëm në përzgjedhje është mesatarja, me më të mirët që do të zgjedhin të parët, e në vijim të gjithë të tjerët./lexo.al/

Lajmi kryesor:

Pedagogë të PD dhe LSI në grevë: Solidarizohemi me studentët. Te Ekonomiku rinis mësimi, popullohen 80% e auditoreve (VIDEO)

TAG:
• fakulteti ekonomik
• protesta e studentëve