Ish-deputeti Gerti Bogdani, humbi jetën papritur mesditën e të mërkurës (17.09.2023), pas një arresti kardiak. Vdekje e beftë e tij ka tronditur familjen, miqtë dhe jo vetëm të gjithë ata që e njihnin.
Albert Gjoka ka qenë një nga personat e fundit me të cilin ish-deputeti ka shkëmbyer mesazhe. Në postimin e tij në Facebook, menaxheri i Bukinisti.al, ai shprehet se e kishin lënë të takoheshin, por Bogdani i kishte dërguar një mesazh ku i thoshte se e kishte të pamundur ta takonte, pasi nuk ndihej mirë.
I dashur Gert
E kishim lënë sot në orën 11.00 të takoheshim bashkërisht, por më dërgove një mesazh në prag të orarit se “e kishe të pamundur” dhe doje që të takoheshim një ditë tjetër. Të mirëkuptova si mik prej më shumë se 20 vitesh, por nuk po u besoja syve se vetëm pak minuta më pas, pashë në ekran lajmin e hidhur të ikjes tënde… Më shkruaje në fund të mesazhit se “nuk jam mirë” dhe këto fjalë i kam si gozhdë në mendjen time edhe tani. Mbase, këto mund të kenë qenë edhe fjalët e fundit….
Edhe sot e kishim lënë për të biseduar rreth librit të mikut tënd Rolf Moëatt – Larssen, “Midis CIA -s dhe Besimit” dhe shumë çështjeve të tjera që na bashkonin në bisedat që zgjasnin shumë. Ti ke qenë prej shumë vitesh në politikë, por nuk hoqe dorë kurrë nga përpjekja për ta bërë politikën më të moralshme, – më etike dhe më të mirë për njerëzit dhe për vendin. As për miqtë.
Të gjithë jemi vdekatarë, por soji i shumtë i politikanëve tanë janë matrapazë shpirtrash; e ti nuk ishe i tillë. Studiove jashtë, por u ktheve këtu dhe nuk e braktise vendin për asnjë çast, përkundrazi, – e provove veten pa u dorëzuar për asnjë çast: Ti hyre në politikë me shpresa dhe energji për të bërë ca gjëra më mirë se shumë të tjerë dhe nuk hoqe dorë deri në dekikën e fundit. Si pakkush u përpoqe ta bëje politikën dhe besimin bashkë, duke i dhënë vlerë të parës edhe përmes shembullit tënd. Për këtë arsye, e mbështete pa kusht edhe librin “Midis CIA-s dhe besimit”.
Sot ike beftë, duke na lënë të shokuar të gjithë ne, miqtë e tu. Ike, teksa ne nuk kemi fjalë për të ngushëlluar as mikeshën tonë dhe bashkëshorten tënde, Edlira dhe as dy engjëjt e tu. Ike me pengun se nuk u takuam sot dhe as do të takohemi më fizikisht, por, na ke lënë shenjën e spikatur të mikut të fisëm, prindit shembullor, politikanit ndryshe dhe njeriut që i do fort njerëzit, qytetin dhe vendin e vet. Besimi jot në Zot dhe mirësia jote të dhëntë jetën e pasosur në udhëtimin e përjetshëm që sapo ke nisur! Shën Maria të pastë në prehër përjetësisht! Besimi dhe shembulli jot mos u harrofshin kurrë, mik i dashur!
Unë dhe Dori Gjoka jemi pranë teje me zemër dhe shpirt, e dashur Edlira Çepani në këto momente të vështira", shkruan ai.
Komente
Lajme të tjera
-
Sot je, nesër s’je
18 Shtator, 22:51
-
Ndarja nga jeta e Gert Bogdanit/ Alimehmeti: Iku një djalë fisnik, pinjoll i një familje të madhe! Nesturi: Imazhi i tij bënte ndryshim! Çaça: Ishte mik me të gjithë
18 Shtator, 22:09 -
Rikthimi i VMRO-së/ Galdini në 'Studio Live': Kurti i bëri llogaritë gabim! Bogdani: Përçarja e shqiptarëve i bën të dobët
10 Maj, 17:43 -
Vizita e Blinken, ish-deputeti i PD: Tregoi se SHBA-të shohin Shqipërinë partner kryesor në Ballkan! Xhafaj: Kemi kaluar në një nivel të ri zhvillimi
16 Shkurt, 17:48 -
Bogdani në Report Tv: PD ka nevojë për rinovim dhe riformim, duhet lider i ri! Berisha e Basha, njerëz që s'kanë lënë gjë pa thënë për njëri-tjetrin
6 Qershor 2023, 17:34 -
Dy standardet: Kolegu i Këlliçit që bëri 5 vjet shkollë në Harry Fultz
26 Prill 2023, 17:29 -
15-vjetori i Pavarësisë së Kosovës, Zeka në ‘Pa Protokoll: Kurti e Osmani 'harruan' Thaçin! Krashi: Shqipëria në krah të Prishtinës! Bogdani: Rama mik i Vuçiç
17 Shkurt 2023, 22:25 -
Prezantohen 7 kandidaturat për primaret e 'Rithemelimit' në Tiranë/ Bogdani: Do shtoj parqet e gjelbra! Alimehmeti: Na duhen edhe të majtët për të fituar
20 Nëntor 2022, 12:11 -
Bogdani: Nëse bëhem kryetar Bashkie do rregulloj trafikun në Tiranë! Transport falas fëmijëve në fillore! Jo ndërtime 'sot për sot', por me prespektivë
10 Nëntor 2022, 17:41 -
Zaloshnja: Këlliçi kandidati më konkurrues përballë Veliajt
7 Nëntor 2022, 12:32
-
Primaret e Rithemelimit për bashkinë e kryeqytetit, pas Këlliçit e Bogdanit në garë futet edhe mjeku Ilir Alimehmeti: Tirana është sëmurë, ta shërojmë
2 Nëntor 2022, 10:00 -
Mero Baze: 'Primaret' që mund ta ndajnë për herë të dytë PD
30 Tetor 2022, 21:22
DJALE I PERSOSUR ,,,QE U PERPOQ TE RREGULLOJE NJE VEND TE CMENDUR....PO NA IKIN TE MIRET DHE PO NA NGELIN HAJDUTET....NDERSHKOI O ZOT...
Përgjigju