POP 5

Lajmet më të lexuara të 5 minutave të fundit

Politikë

Nuk ka konsensus, PS-PD me dy raporte për ‘Territorialen’! Socialistët s'pranojnë ndryshimin e hartës, demokratët betejë për të shtuar 33 bashki

Demokratët dhe socialistët dolën të ndarë nga tryeza për reformën territoriale, e cila përmbylli punën disa mujore këtë të premte. Partia Socialiste nuk ndryshon qëndrim nga 61 bashki, ndërsa PD sugjeron 94 bashki që e ka depozituar edhe si projektligj në Kuvend.

Të majtë e të djathtë, në shkurt të këtij viti parlamenti votuan për ngritjen e Komisionit Parlamentar për një reformë të re administrative. Por, muaj pas uljes në një tryezë, PD e PS nuk arritën të gjenin dakordësinë për një ndarje të re të hartës së vendit, duke u ngritur nga tryeza këtë të premte me dy raporte të ndryshme për reformën.

Anila Denaj tha se socialistët i qëndrojnë ndarjes së vendit në 61 bashki, me vetëm disa rekomandime që sipas saj do të përmirësojnë reformën e 2014, por jo shtim të numrit të bashkive.

“Përfaqësimi i zonave rurale mund të rishikohet. shtimi I taksave të ndara. Rritja e kompetencës së administratorëve në ofrimin e shërbimeve publike, rishikimi I nivelit të pagave, qartësimi I kompetencave të vetëqeverisjes vendore, plotësimi dhe përmirësimi sektorial, rishikimi I kompentecave të qarkut. Rekomandojmë vazhdimin e përpjekjeve të përbashkëta për konsolidimin e 61 njësive vendore si vetëqeverisje e hapur vendor, qartësimi i kompetencave të 12 këshillave të qarqeve, rishikim të kufijve në disa zona rurale në ndarjen e njësive vendore”, tha Denaj.

Duke përsëritur rezervat për reformën e 2014 që sipas demokratëve ka larguar krejtësisht qytetarët nga marrja e shërbimeve, bashkëkryetarja e komisionit Dhurata Çupi tha se PD I qëndron propozimit për shtimin e 33 bashkive.

“Njësitë e qeverisjes vendore, nga 61 në 94, popullsia mesatare nga 75 mijë në 50 mijë në njësitë vendore, të ardhurat me një rritje minimale, shpenzimet, pritshmëria është për rritje,, në 2114 këshilltarë. Nëse do të shkojmë në 6 qarqe të mëdha, ath kemi rreth 15 njësi vendore për qark, decentralizim financiar”, tha Çupi.

Dy raportet tashmë do t’i dërgohen parlamentit që do të miratojë apo rrëzojë njërin prej tyre.  Gjithsesi demokratët betejën për të shtuar numrin e bashkive në vend, do ta vijojnë, pasi të dyja kampet e PD kanë dorëzuar në Kuvend edhe si projektligj kërkesën për ndarjen e re administrative-territoriale.

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01