Nuse e vjehërr gatuajnë bashkë,
e ftuara speciale e Zonjës Tefta

Një person tepër i veçantë për Zonjën Tefta ishte mëngjesin e sotëm në ‘Këndin e Gatimit’, në Report Tv, ku solli disa gatime speciale në krah të zonjës tepër të njohur dhe të dashur të amvisave shqiptare.

Në kuzhinë ishte nusja e djalit të Zonjës Tefta, ku gatoi së bashku me këtë të fundit. Greiss Petroviç zbuloi disa nga karakteristikat më të veçanta të vjehrrës së saj, duke e cilësuar atë karizmatike, me një komunikim dhe karakter admirues.

“E vërteta është që ne nuk jemi zënë, por nuk e kuptoj pse të gjithë duan që ne të zihemi. Si gjithmonë Zonja Tefta është shumë e shkathtë në punët e shtëpisë, unë jam ‘aut’. Më pëlqen karakteri, komunikimi. Unë jam ndjerë si në shtëpinë time, kur kam filluar të bashkëjetoj me Ilirin. Bëjmë humor, fillojmë me pak humor shkodran. Kemi një xheloze në shtëpi, kunata”, tha Greiss.

Nga ana tjetër, Zonja Tefta na tregoi çfarë ka menduar për Greiss në takimin e parë dhe si ka ndodhur ai.

VIDEO/Emisioni gatimit në Report TV, e ftuar Greiss Petroviç

Çfarë mendove kur e takove për herë të parë?
Djali më tha që kjo është shoqja ime, por unë e kuptova. Unë isha duke shkuar për në shtëpi dhe këta se di ku po shkonin, dhe u takuam në një pikë. Ne i kishim shtëpitë afër, por unë nuk e kisha parë ndonjëherë Greissin dhe as kjo mua. Pasi u takuam, kur erdhi djali në shtëpi më pyeti ‘Mami të pëlqeu?’. I thashë që nëse ty të pëlqen, sigurisht që do më pëlqejë edhe mua.

Po Greiss çfarë mendoi ku e mori vesh që Iliri ishte djali i z.Tefta?
Të paktën ke një person publik, kështu që e kupton angazhimin tonë, që për një kohë nuk jemi. M’u bë qejfi, ajo që më pëlqeu më tepër ishte gjithë prezantimi i familjes, nga ishin. Më pëlqyen të gjithë elementet, që babi m’i kishte folur. 

d.c./shqiptarja.com