Atletët Luiza Gega dhe Franko Burraj u nisën këtë të hënë drejt Parisit, ku do të marrin pjesë në Lojërat Olimpike 2024, si përfaqësues të Shqipërisë.
Nga Rinasi kampionia e Europës Gega, tha se ishte optimiste për rezultatin që mund të korrë në garën 3000 metra me pengesa, por preferoi të tregohej racionale kur u pyet për një objektiv konkret, duke marrë parasysh se pjesë e garës do të jenë atletet më të mirë të botës.
‘Synimi im është fillimisht hyrja në finale. E kam provuar në Tokio. Kam besim më të madh edhe në saj të rezultateve vitet e fundit. Nëse gjëra shkojnë mirë do synoj pozicion më të mirë. Nuk deklaroi asgjë që do marr këtë apo atë medalje’, tha Gega.
Trajneri i saj, Taulant Stërmasi, synon që Luiza Gega të shënojë minimalisht një rekord të ri kombëtar më 4 gusht.
‘Pritshmëritë e mia janë rekord kombëtar, më të mirën që Luiza ka bërë ndonjëherë. Sigurisht jo gara e parë. Pasi do të jetë garë eliminatore, që do të jetë më datën 4 gusht, ku shpresojmë që Luiza të kualifikohet. Me llogaritë tona, besojmë se do të jetë e lehtë. Por sigurisht janë më të mirët e botës atje. 36 më të mirët e botës me investime të mëdha nga shtetet’, u shpreh trajneri Stermasi.
25-vjeçari Burraj, i cili po udhëton drejt Francës pa trajnerin e tij, tha se ishte stërvitur intensivisht dhe se ndihej në formë për të arritur një rezultat sa më të mirë në garën 100 metra, më 3 gusht.
‘Gara 100 metrash nuk është gara ime. Do të jetë e vështirë. Jemi stërvitur shumë dhe shpresoj të kemi një rekord të ri. Shpresa jonë është rekordi kombëtar, pikësëpari’, theksoi Burraj.
Franko Burraj do jetë në “Paris 2024” pa trajnerin e tij Bruno Rrotani, pasi këtij të fundit i është mohuar pjesëmarrja në Olimpiadë për mungesë kuotash. Dy sportistët nuk ishin pjesë e ceremonisë hapëse të Lojërave Olimpike më 26 korrik, pasi datat e garave në të cilat do të marrin pjesë ishin afro 2 javë larg dhe pjesëmarrja aq herët, për ta do ishte e lodhshme.
Lajme të tjera
-
Paris 2024/ ‘Darka e fundit’ në Olimpikë, organizatorët kërkojnë falje! Thyhet rekordi i Tokios, 191 atletë pjesë e LGBTQ
29 Korrik, 16:14 -
Paris 2024/ Priten kabllot me fibra optike! Arrestohet një ekstremist i majtë pasi tentoi një tjetër sabotim në tren
29 Korrik, 14:16 -
Olimpiada që ndau në dysh Francën dhe botën
29 Korrik, 13:19 -
Paris 2024/ Akil Gjakova vazhdon garën në Olimpiadë
29 Korrik, 11:43 -
Paris 2024/ Lukas Martens shkruan historinë, medalja e parë për Gjermaninë që prej 'Seul 1988'
28 Korrik, 19:57 -
Paris 2024/ Skena spiunazhi në Olimpiadë, kombëtarja e njohur dënohet me -6 pikë
28 Korrik, 19:12 -
Paris 2024/ Distria Krasniqi merr medaljen e argjendtë, humbet në finalen e xhudos me Diyora Keldiyorova
28 Korrik, 18:49 -
Paris 2024/ Vetëm 20-vjeçe, notarja i kërkon falje vendit të saj pasi nuk shkoi në gjysmëfinale dhe tërhiqet përfundimisht nga sporti
28 Korrik, 17:54 -
Paris 2024/ Ndotja në Senë, anulohet stërvitja e notit për atletët e triatlonit
28 Korrik, 17:49 -
Qyteti që do të presë Lojërat Olimpike 2028, pesë sportet e reja që do të shtohen
28 Korrik, 16:01 -
Paris 2024/ Rafael Nadal dhe Carlos Alcaraz, dyshja ikonike fitojnë në Lojërat Olimpike
28 Korrik, 15:26 -
Nuk mungon që nga viti 1988, njihuni me personin e vetëm që ka marrë pjesë në 10 Olimpiada radhazi
28 Korrik, 13:26
