Opozita protestë para PE, Tabaku zbulon skenarët e 23 tetorit në Report Tv: Informim për situatën në Parlament! Kaosi në Kuvend ishte një shenjë revolte

Deputetët e opozitës kanë paralajmëruar një protestë para Parlamentit Europian në Strasburg më 23 tetor.

Lidhur me këtë u diskutua edhe në emisionin e sotëm ‘Sot Live në Shqipëri’ në Report Tv, ku depuetja e PD Jorida Tabaku zbuloi skenarët e protestës.

Ajo tha se kjo protesta do të bëhet për të informuar ndërkombëtarët lidhur me situatën në Kuvend dhe kauzat që ka opozita. 

“Grupi Parlamentar i PD është duke ngritur shqetësimet që po ngre edhe këtu në Tiranë edhe me partnerët ndërkombëtarë dhe është një fushatë ndërgjegjëimi që do të vijojë edhe më kolegë të Parlamentit Europian. Do të jetë informim për atë që po ndodh në Parlamentin e Shqipërisë dhe cilat janë kauzat kryesore që ka opozita”, tha ajo.

E pyetur nëse opozita do të vijojë me të njëjtin skenar me dhunë dhe djegie në seancat e Kuvendit, Tabaku u shpreh se grupi parlamentar i PD do të mblidhet për të diskutuar se si do të vijohet.

“Ajo që ndodhi dje në Kuvend është një shprehje revolte e grupit parlamentar dhe partisë në kuadër të ngritjes së ndërgjegjësimit dhe në kuadrin e protestave që kanë ndodhur, jo vetëm për situatën poltike, por edhe për situatën e zbatimit të vendimit të gjykatave, por edhe pas sulmeve politike që kanë ardhur në drejtim të opozitës. Për aksionin në vijim sigurisht që grupi parlamentar do të mblidhet për ta marr një vendim për në vijim, nuk ka një marrëdhënie normale me Parlamentin, nuk ka një bojkot, por situate është e tensionuar dhe po diskutohet dhe do të vendoset rast pas rasti edhe sipas çështjeve që janë për tu diskutuar në agjendën parlamentare”, tha Tabaku.

Teksa foli për informalitetin e pagave, Tabaku u shpreh se informaliteti i pagave vjen nga sistemi abuziv i taksave.  

“Informaliteti sot ka vetëm një përgjigje sistemin e taksave abuzive dhe fakti që sot në Shqipëri taksohet puna më shumë se çdo e ardhur tjetër në ekonomi. Elementë i dytë lidhet me largimin masiv dhe sot kemi një fenomen demografik, sot jemi 2.4 mln dhe 800 mijë banorë pensionistë dhe është përmbysur skema sepse ka qenë me moshën mesatare më të ulët dhe me një përqindje më të ulët të moshës së lartë dhe emigracioni ka larguar 40 për qind të krahut të punës”, tha Tabaku.

S.B/r.k./Shqiptarja.com

TAG:
• Sot Live në Shqipëri
• PD kaos ne kuvend
• PD
• Jorida Tabaku