Opozita rrethon kryeministrinë, marshim protestues nën udhëheqjen e Flamur Nokës

Marshim protestues rreth kryeministrisë. Në një lëvizje të papritur nga para kryeministrisë, protestuesit kanë nisur një marshim nga sheshi përpara kryeministrisë, në rrugën "Ismail Qemal", që ndan Hotel Rogener me kryeministrisë, për në drejtim të anëve të tjera të kryeministrisë, për ta rrethuar atë.

Turma u nis në këtë marshim protestues rreth kryeministrisë pas thirrjes së ish-deputetit të PD-së, Flamur Noka, që çeli fjalimet në protestë dhe mori pas vetes turmën rreth kryeministrisë. Turma ka kaluar pranë rrethimit metalik rreth kryeministrisë, por pa tentuar në asnjë moment të ketë përplasje me kordonët e policisë.

Një pjesë kanë ndjekur Flamur Nokën, një pjesë e protestuesve kanë qëndruar para kryeministrisë.

Mesa duket ky plan i PD-së, është ditur edhe nga autoritetet, pasi kryeministria ishte e rrethuar me gardh metalik në të gjitha anët e saj.

Lajmi kryesor:

Opozita 4 orë marshime rreth kryeministrisë dhe sulmon Parlamentin (VIDEO)

G.M./b.ha./Shqiptarja.com

TAG:
• opozita
• djegia e mandateve
• kriza politike
• protesta e 16 marsit