Në dhjetor 1920 Avni Rustemi u kthye në Shqipëri dhe u përpoq të bashkonte shoqëritë e ndryshme. Për bashkimin e tyre më 25-28 prill 1921 në Vlorë u mbajt një kongres, i cili krijoi Federatën "Atdheu". Kryetar nderi i saj u zgjodh Avni Rustemi. Për këtë federatë deputetët miratuan edhe një ndihmë financiare. Federata kishte qëllim depërtimin tek nëpunësit e shtetit dhe kapjen e pushtetit në rrugë antikushtetuese.
Federata bëri përpjekje që degët e saj t`i shtrinte edhe në diasporën shqiptare në ShBA. Kryetari i saj Kol Tromara i shkroi shumë miqve të tij, por të gjitha përpjekjet dështuan për shkak se anëtarët e kësaj organizate ishin deklaruar kundër “Vatrës”. Për këtë arsye, drejtuesit e saj i propozuan “Vatrës” një “marrëveshje vëllazërore” dhe bashkëpunim mes dy federatave. Por diaspora shqiptare e Amerikës nuk pranoi.
Në shtator 1921 u kthye në ShBA Faik Konica, i cili mori kryesinë e “Vatrës”. Ai konstatoi korrespondencën me Federatën “Atdheu” dhe nisi një investigim për aktivitetin politik dhe qëllimet e kësaj shoqërie. Pak kohë më parë Konica kishte qenë i pari personalitet që kishte denoncuar publikisht në parlament Avni Rustemin si “assassino” (“vrasës”).
Në një artikull që botoi në gazetën “Dielli” Konica rreshtoi gjashtë pika përse mes Federatës “Vatra” dhe “Atdheu” nuk mund të nënshkruhej një “marrëveshje vëllazërore”. Në pikën e parë ai shkruante se të dy shoqëritë kishin ideale të ndryshme. Federata “Vatra” besonte se një shtet mund të funksiononte vetëm mbi bazën e ligjit. Ndërsa Federata “Atdheu” besonte të kundërtën, se vrasja politike ishte diçka patriotike dhe për tu lavdëruar. Ai akuzonte përpjekjet e Federatës “Atdheu” se me anën e Kol Tromarës i cili kishte qenë një nga drejtuesit kryesorë të diasporës në ShBA ishte përpjekur të vidhte listat e anëtarëve të “Vatrës” për t`i rekrutuar ata në organizatën e tyre. Sipas Konicës thuhej se në Statutin e Federatës “Atdheu” kishte një pikë të fshehtë për vrasjen e kundërshtarëve politikë. Megjithëse ai kishte rezerva për vërtetësinë e kësaj pike, i vinte keq që asnjëherë diçka e tillë nuk ishte përgëgjeshtruar nga drejtuesit e Federatës “Atdheu”, as me fjalë dhe as me vepra.
Për shkak të tendencave antikushtetuese të Federatës “Atdheu” qeveria e Xhaferr Ypit më 16 gusht 1922 urdhëroi shpërndarjen e saj. Një arsye tjetër ishte abuzimi me financat e kësaj organizate. Nga kontrolli i prefekturës së Vlorës rezultoi se 13.000 franga ari që i kishte dhënë arka e shtetit ishin shpenzuar vetëm për rroga dhe degët e saj nuk kishin bërë asnjë relacion financiar. Kontrollin në degën e Durrësit e zhvilloi gjyqtari Ali Tabaku dhe kryesekretari i prefekturës Mihal Bellkameni, të cilët raportuan shkelje të rënda financiare. Ata iu lutën qeverisë për të mbyllur këtë shoqëri për të mos dëmtuar popullin. Në këto kushte Avni Rustemi më 13 tetor 1922 themeloi në Tiranë shoqërinë "Bashkimi". Për këtë ai kishte hyrë në kontakt me diplomatët sovjetikë në Romë. Qëllimi i kësaj shoqërie ishte tërheqja e rinisë në radhët e saj dhe shkatërrimi i klasës politike nëpërmjet metodave terroriste.
Në fjalimin e themelimit të kësaj organizate Avni Rustemi do të deklaroi se anëtarët “Bashkimit” që nuk i bindeshin urdhrave për detyrat e ngarkuara do t`i nënshtroheshin penaliteteve respektive. Përpjekja për vrasjen e kryeministrit në sallën e Kuvendit Kushtetues nëpërmjet Beqir Valterit më 23 shkurt 1924 si dhe dhënia me zor deputetëve të opozitës vaj recini në rrugët e kryeqytetit ishin disa nga praktikat terroriste të anëtarëve të Federatës “Atdheu” dhe transformimit të saj më pas në organizatën “Bashkimi”.
Duhet theksuar se jo të gjithë të rinjtë e shkolluar në këto organizata ishin implikuar në veprimtari antikushtetuese. Prandaj në vijim ata do të mbajnë detyra të larta shtetërore siç ishte Fuad Asllani i cili do të bëhet ministër i Jashtëm etj.
Komente
Lajme të tjera
-
A ka pasur lobe shqiptare në Perandorinë Osmane?
14 Prill, 20:23
-
Hasan Bello: Letër e hapur kryeministrit të Kosovës, Shkëlqesis së Tij, z.Albin Kurti
7 Prill, 18:00
-
Sa xhami, mesxhide dhe teqe kishte Shqipëria në vitin 1932?
17 Mars, 09:50
-
Hoxhë Hasan Tahsini për gjuhën shqipe dhe për krijimin e një gjuhë të përbashkët botërore para se të shpikej Esperanto
10 Mars, 10:07
-
Biblioteka e Preng Bib Dodës
3 Mars, 19:54
-
Hasan Bello: Si e organizoi Serbia vrasjen e Haxhi Zekës në vitin 1902
11 Shkurt, 09:55
-
Hasan Bello: Ligji mbi vagabondat i vitit 1922
4 Shkurt, 09:58
-
Ana e panjohur e deputetit terrorist vlonjat: Avni Rustemi, kundrejt pagesës, u ofrua dhe vrau Esat Pashën në Paris, për interes të kundërshtarëve të tij politikë…
26 Dhjetor 2023, 07:27
-
Hasan Bello: Si dështoi komploti i organizuar nga Ismail Qemali për të rrëzuar sulltan Abdylhamidin II
26 Nëntor 2023, 11:58
-
Historiku i Sigurimit për sekretarin e Faik Konicës: Pas burgut, banoi në një xhami në Tiranë e më pas në Tepelenë! Vdiq në spitalin e Gjirokastrës, ku Komunalja hapi një gropë…
23 Nëntor 2023, 07:30 -
Emisionet në gjuhën shqipe të “Radio Beogradit” në vitin 1936
19 Nëntor 2023, 12:09 -
Hasan Bello: Plani i Esat Toptanit për krijimin e një kompanie koncensionare për ndriçimin e Shkodrës
29 Tetor 2023, 09:32
Sa zyrtare ka vrare kjo organizata “terroriste” Bashkimi? Asnje. Atentatin e deshtuar ndaj Zogut ne parlament e beri vete Zogolli me ndihmen e matjanit Beqir Valterri te cilit i kishte dhene edhe burse. Vrasjet e urdheruara nga Zogu dihen: Avni Rustemi, Luigj Gurakuqi dhe Hasan Prishtina (pa llogaritur Bajram Currin qe ra duke luftuar). Dihet edhe me çfare ushtrie u sigurua “triumfi i legalitetit” (serbo-ruse) dhe me cfare fondesh u mbajt ne kembe monarkia e bananeve qe ngriti Zogu (kredi nga Musolini). Dihet edhe cfare mori me vete Noli kur u largua nga pushteti (nje manuskript libri) por nuk dihet ende sa napolona vodhi “Naltmadhnia” kur çau ferren ne 39-n.
PërgjigjuIk mor bajge se nuk rehabilitohen bashkuntore e nazi fashismit e tradhetaret e tjere si esat toptani me shoke, apo hajduti zog dhe gjobaxhiu faik konica! Beri gam gam sa i lidhi zogi pensionin dhe ra squp! Poshte bajgat rrofshin burrat si avniu me shkoke!
Përgjigju