27 maji i vitit 2017 është i ngulitur në historinë e futbollit shqiptar dhe jo vetëm të tifozëve bardheblu, pasi Tirana e futbollit për herë të parë në histori rrëzohej nga elita e futbollit dhe luante në sezonin pasardhës në Kategorinë e Parë.
Më shumë se shtatë vite pas, te KF Tirana po kthehen makthet e së shkuarës dhe kjo për shumë faktorë. Goditja e fundit erdhi të premte nga Disiplina, me FSHF-në që dënoi klubin më të titullar në Shqipëri të luaj pjesën e mbetur të sezonit pa tifozë. Arsyeja? Një flakadan në fushë dhe dy 19-vjeçarë nën procedim.
'Plagët' e KF Tiranës së këtij sezoni nisin pa filluar ende sezoni, me drejtuesit e klubit që janë në gjyq për çështjen e pronësisë së klubit, e si të mos mjaftonte kjo në ekip ndodhi një "revolucion" i vërtetë. Thuajse 90 përqind e ekipit të një sezoni më parë u largua dhe bashkë me ta edhe trajneri, për të emëruar në stol Bledi Shkëmbin dhe në 'regji' si trurin e merkatos Agim Ibraimin.
Tirana pa stadium
16 gusht 1920. Kjo është data e themelimit të klubit bardheblu, që është i dyti më i vjetër në Shqipëri pas Vllaznisë (1919). Në më shumë se 104 vite histori, edhe në kohën e Luftës së Dytë Botërore, apo edhe gjatë periudhës Komuniste e më pas viteve të para të vështira në Demokraci, KF Tirana nuk kishte vuajtur për shtëpi.
Në javët e fundit KF Tirana ka shtegtuar në Vlorë, Korçë dhe Lushnjë në kërkim të një strehe. Kjo pasi "Selman Stërmasi" është lënë në gjendje të mjerueshme dhe në të nuk mund të luhet futboll.
Shtëpia e Tiranës është kthyer në shtëpinë e ahengjeve gjatë gjithë verës dhe askush nga ata që duhet të mirëmbajnë fushën nuk i kanë përmbushur detyrat. Me "Air Albanian" që është "kyçur" nga FSHF për ndeshjet e Kombëtares, nuk është çudi që KF Tirana si vendase të degdiset në çdo qytet të Shqipërisë për një stadium, ndërsa vetëm në kryeqytet nuk do mundet të luajë.
Tirana pa ekip
Ndryshimet e verës sollën shumë lojtarë të rinj në skuadër. Detyra e stafit teknik dhe Bledi Shkëmbit është që të krijojnë një ekip, gjë që në 11 javët e para të sezonit nuk është parë.
11 pikë, vendi i shtatë, një fitore, tetë barazime dhe dy humbje; 13 gola të shënuar dhe 15 të pësuar flasin për një klub që ende nuk ka mundur të krijojë një ekip.
Tirana pa tifozë
Nëse nuk do ketë një amnisti, KF Tirana për pjesën e mbetur të sezonit nuk do ketë asnjë mbështetës në stadium. Në humbjen 3-4 kundër Vllaznisë në stadiumin e Lushnjës, dy mbështetës të "Tirona Fanatics" hodhën në fushë sende piroteknike pas golit të katërt të Vllaznisë, që dëmtuan tre lojtarë miq dhe Esat Mala mori ndihmë në spital.
Policia identifikoi autorët, dy 19-vjeçarë që po procedohen në gjendje të lirë. Paçka se autorët e "krimit" janë gjetur, Disiplina pranë FSHF-së riktheu dënimet kolektive që të kujtojnë diktaturën dhe KF Tirana do ketë më së paku 200 mijë euro mangut në bilance, kjo sa i takon biletave nga tifozët (pjesa e luanit nga derbi kundër Partizanit).
Pa stadium, pa tifozë dhe pa një ekip që konkurron (deri në javën e 11-të), te Tirana duhen të punojnë më shumë për anën psikologjike me lojtarët, që kanë një ngërç jo për faj të talentit në këmbë; por për shkak të shumë rrethanave që kanë çuar klubin më të titulluar në Shqipëri të shohë makthe me rikthimin në Kategorinë e Parë.
Lajme të tjera
-
Veliaj në Torino, takon kryebashkiakun Lo Russo! Nis bashkëpunimi mes dy qyteteve, për Tiranën Kryeqyteti Mesdhetar i Kulturës në 2025
2 Nëntor, 11:31 -
Zbulohet vatër e gripit të shpendëve në Tiranë! Ministria: Vatra u karantinua! Ndalohet lëvizja e shpendëve nga fermat Vorë dhe Kamëz
2 Nëntor, 09:28 -
Dëmtuan 3 lojtarë të Vllaznisë me lëndë plasëse, Disiplina 'shuplakë' të rëndë Tiranës: Ndeshjet e mbetura të sezonit do t'i luajë pa tifozë
1 Nëntor, 19:27 -
Për herë të parë në Shqipëri, mbahet mbledhja e Komitetit të Medias së UEFA-s
1 Nëntor, 16:51 -
Vrojtimi i Bankës së Shqipërisë: Turizmi mban në ‘këmbë’ besimin në ekonomi! Ngec sektori i ndërtimit, më pak porosi për apartamente
1 Nëntor, 15:43
-
Transformohet një bllok banimi në Njësinë 3, Veliaj: Premtim i mbajtur, rritet vlera e pronës për banorët e zonës
1 Nëntor, 15:35 -
Gazetari Elton Qyno paraqitet në SPAK, i kthejnë telefonin e të birit
1 Nëntor, 15:18 -
Censi 2023/ 60 mijë familje në Tiranë pa shtëpi por 85 mijë banesa janë bosh
1 Nëntor, 15:15
-
Progres-Raporti i BE/ Ina Zhupa: Situata e lirisë së medias është përkeqësuar, propozimet tona janë rrëzuar nga mazhoranca! Të mos injorohen rekomandimet
1 Nëntor, 13:47 -
Tiranë/ Goditet banda e vjedhjes së makinave në Yzberisht! 3 të arrestuar, një në kërkim e një tjetër nën hetim! Kamera e sigurisë i tradhtoi (VIDEO+EMRA)
1 Nëntor, 12:05 -
Dritan Hila: Mësimi që na dha Fred Beleri!
1 Nëntor, 11:58
-
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18
