POP 5

Lajmet më të lexuara të 5 minutave të fundit

Sociale

Pakoja e Vitit të Ri për pensionistët, nesër nis marrja e shpërblimit, datat si do shpërndahet (Grafiku)

Të 650 mijë pensionistët në Shqipëri, do të mund të tërheqin shpërblimin prej 5 mijë lekësh të vendosur nga qeveria, duke filluar nga dita e nesërme e deri më 29 dhjetor. Kreu i Institutit të Sigurimeve Shoqërore Astrit Hado nëpërmjet një njoftimi ka publikuar edhe grafikët e shpërndarjes së shpërblimeve, sipas dative që pensionistët marrin pensionin.

Nga data 17 dhjetor nis shpërndarja e shpërblimit për pensionistët. Më shumë se 650 mijë pensionistë do të nisin ditën e hënë të marrin 5 mijë lekë, shpërblim të vendosur nga qeveria. Kush nuk e ka marrë ende pensionin do ta marrë shpërblimin bashkë me pensionin. Ndërkohë që ata të cilët e kanë marrë pensionin, do ta tërheqin shpërblimin duke filluar nga dita e hënë. Shpërblimi do të merret në postë. Edhe Drejtori i Përgjithshëm i Institutit të Sigurimeve Shoqërore Astrit Hado, i kontaktuar nga gazeta, thotë se nga dita e hënë pensionistët duhet të paraqiten në postë për të tërhequr shpërblimin. 

 “Nga data 17 dhjetor do të nis procesi i shpërndarjes së shpërblimeve dhe të gjithë ata që kanë datën në këtë grafik, pavarësisht nga llojet e pensioneve, do ta marrin shpërblimin bashkë me pensionin. Dhe të gjithë ata, po themi ata që e kanë marrë pensionin ditën e hënë, 3 dhjetor do të lihet që të hënën pasdite të marrin shpërblimet, në varësi të grafikut të cilin do ta publikojmë. Duke filluar nga ora 8 e mëngjesit deri rreth mesditës, punonjësit e Postës do t’u shpërndajnë pensionin atyre që kanë ditën dhe pasdite do të shpërndajnë shpërblimin vetëm për ata persona që u ka kaluar data e marrjes së pensionit. Sigurisht, që do të punojmë me orar të zgjatur. Numri total i përfituesve është 650 mijë e 600 përfitues”, – u shpreh Astrit Hado.

NJOFTIMI
Për të realizuar në kohë dhe me korrektësi  dhënien e këtij shpërblimi është realizuar një grafik në të gjitha qendrat paguese të postës. Sipas këtij grafiku, të miratuar për këtë qëllim, do të punohet me orar veprimi nga ora 7.30 deri në orën 20.00, çdo ditë, duke filluar nga data 17.12.2018. Sipas këtij grafiku çdo ditë deri në orën 14;00 do të realizohet pagimi i pensionit dhe shpërblimi për ata pensionistë që kanë datën e tërheqjes së pensionit dhe pas kësaj ore do të paguhet shpërblimi për pensionistët që e kanë tërhequr pensionin para kësaj date sipas grafikut të mëposhtëm. Pensionistët që e tërheqin pensionin pranë bankave të nivelit të dytë, në datën e pagesës së pensionit 20.12.2018,  do ju transferohet edhe masa e shpërblimit.  Për pensionistët qe e tërheqin pensionin në zyrat postare në fshatra, shpërblimi do të paguhet sipas datave të pagesës së pensioneve, duke filluar nga data 18 dhjetor e në vazhdim.

Shpërblimi
Shpërblimin do të marrin të gjithë pensionistët. Edhe në rastet kur është një kryemfiljar pensionist, si dhe bashkëshortja e tij pensioniste, përsëri secili prej tyre do të përfitojë 5 mijë lek shpërblim. Në aktin normativ që ndryshoi buxhetin e vitit 2018 pak muaj më parë, qeveria ka akorduar një fond të posaçëm 3 miliardë lekë ose rreth 28 milionë dollarë që do të përdoret si shpërblim për pensionistët, çka nuk ishte parashikuar në buxhetin e miratuar në fillim të vitit. Po kështu shpërblim pritet të ketë edhe për kategoritë e tjera në nevojë. Vitin e kaluar, shpërblimi me rastin e festive të fundvitit ishte në masën 3 mijë lekë të reja, ndërsa një shpërblim prej 2 mijë lekësh iu dha edhe kategorive të veçanta si përfituesit nga skema e ndihmës ekonomike.

Përfituesit
-499.000 persona që marrin pension pleqërie, invaliditeti familjar dhe pension qyteti
-133.000  persona që marrin pension si anëtarë të kooperative bujqësore 
-981 persona me trajtim të veçantë financiar, dhe persona që kanë punuar në disa ndërmarrje të industrisë ushtarake. 
-11.876 persona që marrin pension të parakohshëm për vjetërsi shërbimi.

Grafiku i shpërndarjes së pensioneve

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hasan Pordha: 16/12/2018 18:21

    Ku ka me pensioniste Mosha e daljes ne pension ka shkuar 75 vjec

    Përgjigju
  • Popull: 16/12/2018 18:00

    Prindërit tanë të dashur, punuan një jetë të tërë, dhe tani marrin talljet nga këta mutër politikan që kemi për 28 vjet.

    Përgjigju
  • UNE JAMMMM: 16/12/2018 17:42

    QE PREJ IKJES SE KOMUNIZMIT DHE MBRITJES SE KESAJ QE E KA EMERIN DEMOKRACI NE SI FAMILJE KEMI BERE SHUME NDRYSHIME,,,PO JU SHUAJ DISI KURESHTJEN TRAHANIN E HOLLE DHE TE TRASHIN NUK LARGOHET NGA MENUJA JONE E PERDITSHME DHE ME MGRITJEN 3-4% TE PENSIONIT SHTUAM DHE NJE GJELLE SHUME SPECIALE E CILA ESHTE FASULJA QE TE SHIJON KUR E HA POR DUHET TE DALISH TE RISH JASHTE ,SE ASHTU E KA QEF SE NUK RI DOT PA LEVIZUR NE BARK,,BESOJ SE ME KUPTONI,PER AVENTUREN E FASULES,,,,

    Përgjigju
  • Pencionist: 16/12/2018 16:04

    SA TE VARFER QE JEMI RAMA I GENJEN PECIONISTET ME 50 $ TURP PENCIONISTET DUHET TE NGRIHEN DHE TE KERKOJNE NGA QEVERIJA PENCINE JO ME PAK SE 250 $ GJE QE ESHTE E MUNDUR

    Përgjigju
    • MOS I BJERE FYELLIT NE NJE VRIME: 16/12/2018 17:29

      UNE JAM ME PENSIONIN QE KEMI,SE KUJTOJ NJE THENIE PO NUK QAU FEMIJA NENA NUK I JEP TE PIJE,,POOOOOR NUK E MAR VESH GJITHE KY GEZIM QE ME KA MBERTHYER SHPIRTIN ,SEPSE MBAS PLOTESIMIT TE KERKESAVE TE STUDENTEVE DO TE NGRIHEN NE PROTESTE DHE PENSIONISTET PER NGRITJE PENSIONI,SE NUK NA DALIN AS PER ILACE,[TE SKADUARA ] POR KAM SHPRESE SE QEVERIA DO TE KETHEJE KOKEN DHE NGA PENSIONISTET QE KANE PUNUAR NJE JETE TE TERE PER NDERTIMIN E KETI VENDI ,QE POLITIKANET DHE QEVERITE E KETYRE 28 VJET E SHKATERUAN KREJT....

    • shqipe: 16/12/2018 17:09

      Po ca te bejne te shkretet pensioniste. Po genjehet Noizi per 50 $ jo kto fukarejte.

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Lufta/ Sulm masiv me dron dhe raketa, Rusia goditet një ndërtesë në Sumy, humbin jetën 10 persona

Lufta/ Sulm masiv me dron dhe raketa, Rusia goditet një ndërtesë në Sumy, humbin jetën 10 persona

18 Nëntor, 08:18