Në Panairin e Librit në Lajpcig një tryezë diskutimi-homazh iu kushtua njërit prej shkrimtarëve më të mëdhenj të kohës sonë, Ismail Kadaresë.
Kadareja është një simbol i letërsisë shqiptare dhe një autor që ka bërë të mundur që Shqipëria të ketë një vend të merituar në letërsinë botërore.
Në këtë tryezë, ku i pranishëm ishte përkthyesi i Kadaresë në gjermanisht, Joachim Rohm, dhe ambasadorja e Shqipërisë në Gjermani, Adia Sakiqi, Alda Bardhyli, Mimoza Ahmeti, u diskutua për ndikimin e Kadaresë në letërsinë botërore, mënyrën se si veprat e tij trajtojnë temat e pushtetit, historisë dhe lirisë, si dhe rolin e tij si një urë mes Lindjes dhe Perëndimit.
Përkthyesi Joachim Rohm u shpreh që Kadare ka parashikuar tensionet e sotme botërore.
Ndër të tjera, ai vlerësoi veprën “Kur sunduesit grinden” (A Dictator Calls) e cila është botuar në gjermanisht nga shtëpia e njohur botuese “S. Fischer Verlage”, dhe tanimë pjesë e librarisë së njohur “Georg-Büchner-Buchhandlung”.
“Kjo vepër e shkrimtarit Ismail Kadare është pasqyra më e mirë e historisë, arkivës së saj dhe raportit mes politikës dhe artit në çdo kohë. Kadare, si një nga zërat më të fuqishëm të letërsisë moderne, e ka trajtuar shpesh temën e tiranisë dhe artit, por me këtë vepër të re, ai na sjell një tjetër rrëfim brilant”.
Ambasadorja e Shqipërisë në Gjermani, Adia Sakiqi, e vlerësoi figurën e Kadaresë dhe u shpreh se kjo vepër nuk është thjesht një libër mbi një telefonatë, por një reflektim i thellë mbi pushtetin, artin dhe frikën.
“Është një vepër që na tregon se edhe në errësirën më të madhe, fjala dhe mendimi mbeten forcat më të mëdha të rezistencës”, shprehet Adia Sakiqi, ambasadorja e Shqipërisë në Gjermani.
Romani “Kur sunduesit grinden” nga Ismail Kadare rrëfen një histori magjepsëse të pushtetit dhe strukturave politike, të marrëdhënieve midis shkrimtarëve dhe tiranisë.
Në tryezën me temë “Letërsia dhe gjeopolitika” gjithashtu u vu në pah sesi mesazhet e tij mbeten aktuale dhe të rëndësishme për botën e sotme.
Vepra e Kadaresë, e përkthyer në shumë gjuhë dhe e studiuar në universitete të ndryshme të botës, ka ndriçuar aspekte të historisë, politikës dhe shpirtit njerëzor me një stil të pakrahasueshëm.
Pse është ky libër i rëndësishëm sot?
“Historia e Pasternakut dhe Stalin-it nuk është thjesht një kujtim nga e kaluara. Edhe sot, në shumë vende të botës, fjala e lirë sfidohet, letërsia përballet me censurë, dhe shkrimtarët janë ende të rrezikuar për atë që shkruajnë. Ky libër na fton të reflektojmë mbi këto sfida dhe mbi përgjegjësinë që kemi si lexues, si krijues dhe si qytetarë të një bote që ende lufton me hijet e së kaluarës”, u shpreh Alda Bardhyli.
Kadare, si një nga zërat më të fuqishëm të letërsisë moderne, e ka trajtuar shpesh temën e tiranisë dhe artit, qoftë në "Pallati i ëndrrave", qoftë në "Dimri i vetmisë së madhe", dhe sot, me këtë vepër të re, ai na sjell një tjetër rrëfim brilant që na sfidon të mendojmë dhe të mos harrojmë.
Panairi i Librit në Lajpcig hapi siparin dje dhe stenda e Shqipërisë ka tërhequr lexues të shumtë.
Komente
Lajme të tjera
-
Kosova pjesë e rrjetit 'Traduki'? Lobimi i dy vendeve tona! Shqipëria në Panairin Ndërkombëtar të Librit Lajpcig 2025, ministri gjerman i apasionuar pas Kadarasë
27 Mars, 12:19
-
Kreshnik Spahiu: Cili kryetar partie do japë dorëheqje më 12 maj?
26 Mars, 16:40
-
Nga Gjermania drejt Mekës, 6 mijë kilometra me biçikletë! Aventura e jashtëzakonshme e çiklistit dhe blogerit të njohur turk
26 Mars, 15:44
-
'Mos i besoni Putinit', armatoset Gjermania, zhvillon stërvitje në vend të fshehtë
24 Mars, 17:17 -
Gjermania dhe riarmatimi i madh, mes nevojës për siguri e kapacitete parandaluese dhe hijes së historisë
22 Mars, 14:36
-
Gjermania miraton pakon e ndihmës për Ukrainën në vlerë prej 3 miliardë eurosh
21 Mars, 20:39 -
Itali/ Kishte bërë ‘kërdinë’ në Gjermani me 9 grabitje në seri, ‘skifteri’ shqiptar arrestohet në Bari pas 5 vitesh kërkime! Plaçkiti 140 mijë euro mall
20 Mars, 09:49 -
Bundestagu miraton miliardat për mbrojtje dhe infrastrukturë
18 Mars, 19:55 -
Shqipëria me rritjen më të madhe të turistëve nga Gjermania
13 Mars, 15:48 -
Pasojat e izolimit për të rinjtë nga koha e pandemisë
12 Mars, 10:14 -
Grevë në 13 aeroporte të Gjermanisë, anulohen katër fluturime nga Prishtina
10 Mars, 19:04 -
Gjermani/ Grevat në Aeroporte paralizojnë vendin: Mbi 500,000 pasagjerë do të humbin udhëtimet e tyre
10 Mars, 11:45
