Panik në Serie A, atak kardiak për drejtorin e miqve! Shtyhet Atalanta - Fiorentina

Panik në Serie A, atak kardiak për drejtorin e miqve! Shtyhet Atalanta - Fiorentina

Stadiumi i Atalantës

BERGAMO, ITALI - Momente frike te Fiorentina. Menaxheri i përgjithshëm i "Vjollcëve", Joe Barone (57 vjeç) u ndje keq dhe u transportua urgjentisht me helikopter në spitalin 'San Raffaele' në Milano. Dyshohet se Barone pësoi një atak kardiak, me ANSA që bën me dije se gjendja e tij është e rëndë. Ndeshja kundër Atalantës, e planifikuar për në orën 18:00 në stadiumin 'Geuiss' në Bergamo është shtyrë.

“Ju njoftojmë se ndeshja Atalanta - Fiorentina e planifikuar për sot, më 17 mars 2024 me fillim nga ora 18:00 dhe e vlefshme për ditën e 29-të të kampionatit në Serie A, është shtyrë për një datë të mëvonshme”, thuhet në komunikatën nga Serie A League.

Karriera / Joe Barone, i lindur në Pozzallo (Sicili) më 20 mars 1966, u transferua në Brooklyn me familjen e tij në moshën 8-vjeçare dhe për këtë arsye ka nënshtetësi amerikane. Filloi të punonte në një institucion bankar dhe më pas kaloi në Mediacom, kompania e Rocco Commisso. Në 2017 mori rolin e tij të parë në futboll si nënkryetar i New York Cosmos në pronësi të vetë Commisso, i cili më pas bleu Fiorentinën dhe promovoi Barone si drejtor të përgjithshëm në 2019.

Joe Barone

 

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

'U lejua flamuri i Shqipërisë së Madhe i UÇK-së', tërbohen mediat serbe: Ne nuk na lejohet të përporim flamurin

'U lejua flamuri i Shqipërisë së Madhe i UÇK-së', tërbohen mediat serbe: Ne nuk na lejohet të përporim flamurin