Paraguai tërheq notaren e vet nga Parisi për 'sjellje të pahijshme'

Një nga yjet më magjepsës në Lojërat Olimpike është hequr nga kampi zyrtar i atletëve pasi dyshohet se ka krijuar një 'ambient të papërshtatshëm' përmes sjelljeve të saj të pahijshme. Ka qenë shteti që ajo përfaqësonte Paraguai që ka kërkuar largimin e notares Luana Alonso nga Parisi.

Atletët që garojnë në Lojërat Olimpike bashkëjetojnë në një 'kamp' ku garuesit lejohen të përzihen së bashku, të stërviten, të hanë dhe të pushojnë me njëri-tjetrin. Megjithatë, skuadra e Paraguajit i ka kërkuar notares të largohet nga kampi duke refuzuar ta lejojë të qëndrojë deri në fund të kompeticionit që mbyllet zyrtarisht të dielën, më 11 gusht.

Notarja Luana Alonso dhuroi një pjesëmarrje të zjarrtë në Lojëra, pasi përfundoi e gjashta në 100 metra në stilin flutur 0.24 sekonda prapa Ana Nizharadze e Gjeorgjisë dhe për pak humbi kualifikimin për në gjysmëfinale të ngjarjes.

Ajo më pas njoftoi në mënyrë sensacionale tërheqjen e saj nga noti në një postim në rrjetet sociale për afro 500,000 ndjekësit e saj në Instagram, por që atëherë ndodhet ende në Paris.

Tani, skuadra paraguaiane e ka larguar 20 vjeçaren nga kampi i atletëve dhe ka përmendur 'sjelljen e papërshtatshme' të Alonso-s si justifikim për ta bërë këtë pasi Olimpiada hyn në javën e saj të fundit të garës. Në deklaratë nuk jepeshin detaje se cila ishte sjellja e pahijshme e notares.

M.Q./Shqiptarja.com

TAG:
• paris 2024
• Lojërat Olimpike
• Luana Alonso