POP 5

Lajmet më të lexuara të 5 minutave të fundit

Sport

Parketi 'vjedh' tifozët e futbollit në Shqipëri

Volejbolli dhe basketbolli kanë marrë një vëmendje të shtuar javët e fundit. Faza finale play-off e ndeshjeve që siguruan edhe kampionët sezonalë, ka bërë që Pallatet e Sporteve në Shqipëri të popullohen me tifozë

Parketi 'vjedh' tifozët e futbollit në Shqipëri

Tirana kampione e Shqipërisë në basketboll

Volejbolli dhe basketbolli kanë marrë një vëmendje të shtuar javët e fundit. Faza finale play-off e ndeshjeve që siguruan edhe kampionët sezonalë, ka bërë që Pallatet e Sporteve në Shqipëri të popullohen me tifozë, duke u kthyer vite më parë, në kohën kur kubet shumësportësh kishin të tjera vlerësime.

Nëse i hedhim një sy ndeshjeve të fundit në volejboll dhe basketboll, mesatarisht në Pallatet e Sportit ka pasur më shumë se 2500 tifozë, një numër i konsiderueshëm për vendin tonë.

Finalja e djeshme e meshkujve në basketboll mes Besëlidhjes dhe Tiranës, fituar nga bardheblutë e Erkand Karaj, pa në "Asllan Rusi" 3200 tifozë. Nën një atmosferë të mrekullueshme, tifozët "Fanatics" dhe ata të ardhur nga Lezha krijuan një mjedis të ngrohtë, teksa herë pas here nuk mungoi adrenalina e të sharave në korr.

Veç kryeqytetit, në finalet e vajzave në volejboll, Pallati i Sportit "Tamara Nikolla" në Korçë pa 3000 tifozë në fazën finale, duke treguar edhe njëherë se sportdashësit përqafojnë garën e drejtë dhe të ndershme, duke i dhënë një mësim drejtuesve për më shumë aktivitete dhe stimul për tifozët.

Duket se javët e fundit, sportet e lojërave më dorë janë kthyer në vëmendje, duke lënë futbollin në plan të dytë. Nëse bëjmë një krahasim, vetëm derbi Tirana - Partizani në futboll ka më shumë tifozë se në ndeshjet e volejbollit dhe basketbollit. Në kushtet kur futbolli luan në fusha asnjëanëse dhe me dënime për tifozët, ultrasit kanë gjetur të tjera sporte për të mbështetur ngjyrat që ata dashurojnë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57