Shqipëria po shkon drejt objektivit për sovranitet të plotë energjetik brenda kësaj dekade tha kryeministri Edi Rama, gjatë prezantimit të projektit për Parkun e energjisë së erës në Tropojë.

Ky projekt, investim i kompanisë amerikane CËP, që është lider i energjisë së rinovueshme në Evropën Juglindore, do të ndikojë në uljen ndjeshëm të varësisë nga importet, tha kryeministri Rama.

“Ne shpresojmë që gjithçka të shkojë ashtu si duhet dhe në harkun e 12 muajve pa llogaritur periudhën kur dimri është intensiv, ky park i madh i energjisë së erës në Tropojë të hyjë në rrjetin e prodhuesve të energjisë së rinovueshme në vendin tonë. Ne do të jemi në kategorinë e atyre jo shumë vendeve që gëzojnë pavarësi të plotë kur vjen puna tek prodhimi i kësaj lënde vitale për organizmin e një shteti”, tha Rama.

Praninë e kompanive ndërkombëtare në garat e sistemit energjetik, Rama i cilësoi sukses, ndërsa korrupsionit në këtë sektor sipas tij është një fenomen i lënë pas.

“Sektori energjetik është sektori i garave të hapura ndërkombëtare dhe i një pranie masive të kompanive me reputacion të padiskutueshëm ndërkombëtar në pjesëmarrjen në këto gara dhe më vjen jashtëzakonisht mirë ta nënvizoj, meqë jemi në një faze të historisë sonë kur fjala korrupsion është si ato këpucët e modës, që po nuk e nxori njeriu nga goja duket sikur nuk është në mode. Nuk ka një kompani të vetme, serioze që ka marrë pjesë në këto gara, që të ketë shprehur një rezervë sado të vogël, lidhur me integritetin e garave dhe me proceset e stabilizuara dhe të konsoliduara në këtë sektor”, tha Rama.

Parku eolik në Tropojë me një kapacitet prej 600 MË, i mbështetur edhe nga Komisioni Evropian, konsiderohet një nga projektet më madhore energjetike të Shqipërisë. Më herët përfaqësues të qeverisë e kanë cilësuar si ndër më të mëdhenjtë në Evropë.

Deri në 2030-tën, qeveria synon të diversikojë portofolin energjetik me atë të rinovueshme nga era dhe dielli që pritet të arrijnë në vlerën e 30% të prodhimit të brendshëm energjetik në vend.

Rendit zhvillimet sipas orarit:
Ora 11:10
‘Fjala korrupsion si këpucët e modës’, Rama nga Tropoja: Garë e hapur dhe transparente në sektorin energjetik! Pyesni amerikanët dhe kompanitë serioze

 

Kryeministri theksoi se Shqipëria ka ndërtuar një reputacion pozitiv në garat ndërkombëtare për investime. Ai deklaroi se energjia është një sektor me konkurrencë të fortë dhe standarde të larta ndërkombëtare, por deri më sot nuk ka asnjë kompani serioze pjesëmarrëse që të ketë ngritur dyshime apo rezerva mbi integritetin e garave dhe proceset e ndjekura.

“Ne ndërkohë kemi realizuar një proces besueshmërie. Sektori energjitik është sektor i garave ndërkombëtare dhe me reputacion të rëndësishëm ndërkombëtar. Dhe më vjen mirë ta nënvizoj meqë jemi në një fazë ku fjala korrupsion është në këpucët e modës, që po nuk e nxorëm nga goja nuk është në modë, në këtë sektor nuk ka një kompani të vetme serioze që ka marrë pjesë në këto gara e të ketë shprehur një rezervë sado të vogël lidhur me integritetin e garave dhe proceset e stabilizuara në këtë sektor.

Të njëjtën dëshmi ta japin fare mirë amerikanët që janë këtu nga sektori privat, sepse jo vetëm që nuk kanë ndeshur në Tiranë asnjë pengesë të kësaj natyre, por e kanë pasur qeverinë në krah në çdo hap edhe për të kaluar pengesa absurd në nivelin vendor ku është e mirëkuptueshme për një bashki të vogël, të pamësuar në futjen e territorit të projekte të një ariu kaq të madh që të kishte dhe ndrotje, ngurrim, rezerva etj. Por sot jemi këtu”, tha Rama.

K.B/Shqiptarja.com