TIRANË- Pas kritikave në lidhje me vendimin për t'i lënë gazetarët jashtë Komisioneve dhe seancave plenare, duket se Kuvendi ka 'reflektuar', ndërsa i ka thirrur ata në një takim ditën e nesërme.
Me një njoftim për mediat, Kuvendi bën me dije se gazetarët do të priten nga Sekretari i Përgjithshëm i Kuvendit, Genci Gjonçaj.
Takimi do të zhvillohet nesër, në orën 11:00, në sallën në katin e katërt të Kryesisë së Kuvendit.
"Në përgjigje të shqetësimeve tuaja për sistemin e ri Audio-Video të instaluar në Kuvend, shqetësime të ngritura edhe në letrën drejtuar Kryetarit të Kuvendit, z. Gramoz Ruçi, nga Unioni i Gazetarëve Shqiptarë, ju ftojmë në një takim me Sekretarin e Përgjithshëm të Kuvendit, z. Genci Gjonçaj, nesër, ditën e premte, në orën 11:00, në sallen në katin e katërt të Kryesisë së Kuvendit", thuhet në njoftimin e Kuvendit.
Gazetarët protestuan dje para sallës së seancave plenare, duke e konsideruar vendimin e Kuvendit si tentativë për të censuruar punën e tyre dhe jashtë çdo logjike.
Kuvendi reagoi pas protestës duke thënë se gazetarëve u mundësohet transmetimi i mbledhjeve të të gjitha komisioneve, pa regji qendrore dhe se sistemi i ri audio-video është i rekomanduar dhe i ndërtuar nga Delegacioni i BE-së në Shqipëri.
Por menjëherë as kësaj, delegacioni i BE-së në Shqipëri reagoi, duke shprehur keqardhje për mungesën e konsultimeve me mediat përpara miratimit të rregullave të reja nga Parlamenti dhe duke theksuar se këto rregulla nuk janë në përgjigje të udhëzimeve të BE-së ose këshillave të dhëna nën ndihmën e IPA-s, të nisura në këtë kontekst në vitin 2014.
Sipas disa ndryshimeve në Rregulloren e Kuvendit, të miratuara në Byronë e këtij institucioni, gazetarët do t’i ndjekin aktivitet vetëm nëpërmjet rrjetit të transmetimit në një sallë të posaçme për gazetarët çka pengon kontaktin e afërt me deputetët. Edhe nëse gazetarët do të duan që të marrin një prononcim apo intervistë nga deputetët në mjediset e këtij intitucioni, ata nuk do të lejohen nëse nuk kanë marrë më parë leje. Organizimi i intervistave me deputetët zhvillohet në bazë të kërkesës së partaqitur te zyra në Kuvend. Në vendimin e Byrosë theksohet se do të lejohen vetëm gazetarët e RTSH-së dhe ATSH-së që të lëvizin të lirë në Kryesinë e Kuvendit dhe sallën e parlamentit me status të veçantë.
Lajme të tjera
-
BE dhe Seuli dënojnë përfshirjen e Koresë së Veriut në luftën ruse në Ukrainë
4 Nëntor, 19:52 -
Kryepiskopi Anastas feston 95-vjetorin, merr urime të shumta nga personalitete të shtetit shqiptar dhe krerë të kishave Orthodhokse simotra
4 Nëntor, 17:48 -
Zgjedhjet në SHBA/ A ka Europa partner bisedimesh për Trumpin në rast krize marrëdhëniesh?
4 Nëntor, 09:18 -
Ilir Daja: S'ka ndeshje të lehta, nostalgjik për tifozët e Elbasanit
3 Nëntor, 21:14 -
Orban paralajmëron: Nëse Trump fiton zgjedhjet në Amerikë, Evropa duhet të rimendojë ndihmën për Ukrainën
3 Nëntor, 16:01 -
B40/ Veliaj me të rinj nga rajoni: Tirana si Kryeqyteti Mesdhetar i Kulturës, një mundësi për të treguar vlerat kulturore
3 Nëntor, 14:47 -
Drejtori i Policisë, Proda takohet me të Ngarkuarin me Punë të Ambasadës së Kuvajtit! Diskutohet edhe mundësia e shkëmbimit të metodave policore
2 Nëntor, 15:43 -
Pamjet me dron/ Shikoni punimet e Unazës së madhe në Tiranë
2 Nëntor, 15:37 -
Teatri i ri, Veliaj: E ndërtojmë për 100 vitet e ardhshme
2 Nëntor, 15:29 -
Tiranë/ Qëlloi 8 herë me thikë të riun, arrestohet 41-vjeçari i shpallur në kërkim për vrasje të mbetur në tentativë
2 Nëntor, 15:18 -
Veliaj në Torino, takon kryebashkiakun Lo Russo! Nis bashkëpunimi mes dy qyteteve, për Tiranën Kryeqyteti Mesdhetar i Kulturës në 2025
2 Nëntor, 11:31 -
Pse ka nevojë Europa për Shqipërinë? Shkrimtari austriak: Kryeministri Rama, interesant në politikën europiane! I vetmi kryetar shteti, artist
2 Nëntor, 10:12
