TIRANË- Menjëherë, pas përfundimit të provimit të matematikës, disa maturantë janë mbledhur për të tretën herë radhazi në protestë përpara ministrisë së Arsimit.
Kërkesa e tyre është e qartë, kërkojnë rivlerësim të provimit të Gjuhës Shqipe dhe Letërsisë, pasi sipas tyre formulimi i testit kishte shumë pasaktësi, ku pyetjet më shumë ngatërronin nxënësit, se testonin njohuritë e tyre të marra përgjatë këtyre 3 viteve. Edhe pse ministria e Arsimit ka deklaruar se nuk do të ketë një rivlerësim të provimit, ato kanë vijuar protestën edhe ditën e sotme deri në plotësimin e kësaj kërkese, duke qenë të bindur në të drejtën e tyre, teksa më herët kanë përgatitur një draft me 10 pika ku janpin argumente se përse testet duhet të rivlerësohen nga e para.
Pa maska, ngjitur me njëri- tjetrin, maturantët kanë bllokuar rrugën te Ministria e Arsimit, duke u ulur këmbëkryq. Ajo që vihet re, ndryshe nga protestat e tjera, studentët nuk mbajnë në duar pankarta, kjo pasi kanë dalë në protestë menjëherë pas përfundimit të provimit të matematikës.
Pyetja që ngjalli më shumë pakënaqësi e që bëri që maturantët të ngriheshin në protestë ishte pyetja e famshme "Çfarë bëri Turi", por edhe përfshirja e shkrimtarit Lasgush Poradeci, i cilësuar prej tyre si shumë filozofik dhe i vështirë për brezin e tyre. Por në një kohë që maturantët protestojnë prej 3 ditësh, ministrja Besa Shahini i ka cilësuar këto si protestat të stër-politizuara, e ndërsa duke u ndalur tek përmbajtja e testit, ajo tha se nuk kishin qëllim që të testonin vetëm njohuritë, por edhe aftësitë për t'i vënë ato në jetë.
Në dyert e shkollave, ku do të zhvillohet provimi i matematikës, është shpërndarë një fletushkë ku u bëjnë thirrje për një pjesëmarrje sa më të madhe në protestën e thirrur ditën e sotme. Motoja e kësaj proteste është "shpëto të ardhmen".
"Nëse abuzimi me testin nuk ishte mjaftueshëm i kobshëm sa për të të nxjerrë në rrugë, sot, në orët e pasdites u abuzua me dinjitetin e rinisë që do të kërkojë të drejtat e saj. Dil në rrugë për mundin tënd, për orët e tëra duke studiuak për presionin e paaftësisë që na ka rrethuar. Merr nesër me vete prindërit, motrat dhe vëllezërit për kauzën e përbashkët, arsim dinjitoz. Nuk ka mbetur më gjë për të humbur, kur po na bëjnë të humbim vetveten", shkruhet në pankartat e afishuara në dyer e shkollave.
Komente
Lajme të tjera
-
New York Times: Vuçiç 'sakrifikoi' kryeministrin që të fitojë kohë
28 Janar, 22:32 -
Dorëheqja e kryeministrit serb, Bilalli: Sjell zgjedhje të reja, fushata në Kosovë në fazë të nxehtë! Trump 3 oferta Rusisë për paqe me Ukrainën
28 Janar, 18:49 -
Dorëheqja e kryeministrit Vuçeviç në Serbi, gazetari për Report Tv: Janë protestat më të mëdha nga studentët që arritën të rrëzojnë një qeveri
28 Janar, 12:17 -
S'ndalen protestat në Serbi, plagoset një studente, kryeministri jep dorëheqjen: Vendimi im është i parevokueshëm
28 Janar, 11:20 -
Beogradi nën ‘pushtetin’ e studentëve, momenti i frikshëm kur një automjet futet mes protestuesve dhe përplas dy prej tyre (VIDEO)
24 Janar, 19:09 -
Laboratorë Smart për mbi 35 mijë nxënës, do shtohen edhe në 615 shkolla të tjera
24 Janar, 08:51 -
2 muaj nga vrasja e Martin Canit, babai: Heshtja vret më shumë! Nuk ishte grup kriminal, mund të zbardhej për 3 ditë! Krah prindërve të viktimës edhe shoku që mberi i plagosur
18 Janar, 11:39 -
Pankarta për Kosovën në protestat e studentëve në Serbi
16 Janar, 11:52 -
Shqipëri, shqetësim në rritje mbi dhunën në rrjete sociale te të miturit
13 Janar, 18:28 -
Moti i Keq/ Vendi përfshihet nga shiu e bora, bllokohet bypass i Murrizit e 'Rruga e Arbrit', edhe Vlora nën ujë! Pezullohet mësimi në 77 shkolla
12 Janar, 08:34 -
Serbi/ Studentët u rikthehen protestave në Beograd, bllokojnë pikat kryesore të qarkullimit në kryeqytet
10 Janar, 17:38 -
Meta nga burgu: Arsimi pa fonde shtesë, papërgjegjshmëri
26 Dhjetor 2024, 20:07
Kur lexova pergjigjen korrekte te ministrise per Turin,mendova qe ai qe e ka menduar ate pergjigje duhet te jete nga ata qe kujtojne se 1kg hekur eshte me I rende se 1kg pambuk.Sipas pergjigjes ,Turi u kthye ne anen tjeter e rrezikoi te permbyste barken me gjithe 3 shoket qe ishin nga ana tjeter.Ky Turi duhet te kete peshuar 500-600 Lb ose 1/2 ton pra morbit obeze qe ka rrezikuar 3 veta +barken!?Duhet te perdorin me shume logjiken ,para se te vendosin per pergjigje te tilla idiote.A e kane idene e peshave?
Përgjigju