POP 5

Lajmet më të lexuara të 5 minutave të fundit

Pika e zezë

Anti-KÇK, për inat të Edi Ramës, mbroj kriminelët

Ajo që po ndodh menjëherë pasi e ashtuthirrura nismë anti-KÇK po bën hapat e parë, lë pa fjalë këdo që në gjithë këto vite ka dëshiruar një Shqipëri pa kriminelë e të fortë.  Reaksioni, për fat të mirë i një pakice të shpallur tashmë antigjithçka që mendon të ndërmarrë qeveria aktuale, është total.  Këta individë të politikës, medias, apo shoqërisë civile, po bërtasin se mos preken të drejtat e njeriut dhe të pronës të të dënuarve, të akuzuarve apo të dyshuarve për krime të rënda e trafiqe, që janë me pasuri gjigande, të dukshme, të shpallur, në sytë e të gjithëve, të pacënuar deri më tani.

Anti-KÇK, për inat të Edi Ramës, mbroj kriminelët

Ajo që po ndodh menjëherë pasi e ashtuthirrura nismë anti-KÇK po bën hapat e parë, lë pa fjalë këdo që në gjithë këto vite ka dëshiruar një Shqipëri pa kriminelë e të fortë. Eshtë i natyrshëm skepticizmi, janë mëse njerëzore kritikat dhe dëshira për të pasur një ligj korrekt dhe të drejtë, por "ulërimat" dhe talljet  e kundërshtarëve edhe të uniformave OFL nuk tingëllojnë të tilla.

Reaksioni, për fat të mirë i një pakice të shpallur tashmë antigjithçka që mendon të ndërmarrë qeveria aktuale, është total. Janë hedhur në sulm frontal dhe pa kushte për të kundërshtuar nismën (jo për prishjen e shtëpive, jo për prerjet e lidhjeve të paligjshme të energjisë elektrike dhe ujit, jo për ndotjen e mjedisit, jo për mbrojtjen e të drejtave të fëmijëve, grave, të moshuarve, jo për administratë të drejtë dhe efikase, jo për arsim të mirë, jo për barazi në pagesën e detyrimeve fiskale etj), por për mbrojtjen e të drejtave të eksponentëve më të njohur të krimit të organizuar në Shqipëri. Këta individë të politikës, medias, apo shoqërisë civile, po bërtasin se mos preken të drejtat e njeriut dhe të pronës të të dënuarve, të akuzuarve apo të dyshuarve për krime të rënda e trafiqe, që janë me pasuri gjigande, të dukshme, të shpallur, në sytë e të gjithëve, të pacënuar deri më tani.

Në vend që të pyesin veten nëse me këtë ligj të posaçëm më në fund Shteti do të mund të fitojë betejën e parë kundër kriminalitetit, të cilën e ka shpallur pikërisht opozita gjashtë vjet më parë si një emergjencë kombëtare, pyesin të habitur se “ku është emergjenca” që justifikon Aktin Normativ të qeverisë kundër pasurive të kriminalitetit.

Kriminelët gjejnë tek opozita një avokat mbrojtës, që u kthehet në garant deri në atë pikë, sa nuk beson as edhe në vlerën e një vendimi të SPAK-ut dhe pretendon që, para se të konfiskohet pasuria e një bosi, duhet të kalohen tri shkallë të gjykimit, duke përfshirë këtu edhe një vendim të Gjykatës së Lartë. E çuditshme që po kjo opozitë dhe analistët e saj mjaftohen edhe me akuza anonime të qytetarit dixhital në faqen e Berishës në Facebook, apo me një thashethem online, për të dënuar publikisht kundërshtarët e tyre. E çuditshme që një politikan, një qytetar apo një gazetar, i cili konsiderohet si rival politik, mund të masakrohet publikisht me shpifjet e tyre dhe për ata nuk kanë vlerë të drejtat e njeriut, që, në të kundërt, opozita papritur kërkon që të respektohen për kriminelët, të cilëve ligji anti-KÇK synon t’u sekuestrojë pasuritë e paligjshme.

Në gjithë këto vite njihen bashkëpunimet e njerëzve të politikës, medias, shoqërisë civile me segmente të krimit të organizuar, ose më mirë me "arkat" dhe financimet e tyre. Një pjesë e mirë e opinionbërësve asnjëherë nuk ka dashur ta dijë apo nuk iu ka interesuar të mësojë se nga ç'prejardhje vinte rroga e tyre disafish më e lartë se rrogat normale të tregut të punës në Shqipëri.

Janë këto interesa të vogla ekonomike që i bëjnë sot të bërtasin kaq shumë kundër nismës së parë (ndoshta ende jo perfekte) për sekuestrimin e pasurive të krimit të organizuar, apo thjeshtë, për inat të Ramës, flirtojnë me të drejtat e njeriut... të kriminelëve?

xy/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • titi: 05/02/2020 09:56

    poicia i ka kapur cdo her criminelet por problemi eshte prokuroria dhe gjykata qe i lirojn sapo ju morin leket , pse nuk kapin keto qe vjedhin tendera qe i bejn me 3 fishin e cmimit cdo tender apo ky eshte rilindas , nuk behet ky vend edhe .

    Përgjigju
  • KÇK: 05/02/2020 09:14

    Nisma e kryeministrit eshte thjesht nje nisme antikushtetuese. Kryeministri dublon ose nxjerr jashte loje institucionet dhe kodin e procedures penale. Le tju kijtojme nje fakt. Kryeministri ka sjellur ne paralment dhe administrate publike trafikante droge dhe prostitutash. Kryebashkiaku Dako fiton zgjedhjet ne bashkepunim me boten e krimit, pergjimetflasin qarte.

    Përgjigju
    • Shkodrani: 05/02/2020 22:10

      Mos ma shani Dakon se e kam fiksim. Alamet burrit, i pashem e i gjate 1 meter e 1 qebap dhe kokrra e horit.

  • Tini: 05/02/2020 08:40

    Jo per inst te Rames por per te mbajtur gjalle krimin per te cilin kane investuar 30 vjet qe kur kane ardh ne pushtet . Eshte strategji e PD per te mbajtur popullin ne tension . Atyre nuk i intereson qetesia por vetem kaosi

    Përgjigju
  • tani: 05/02/2020 07:39

    Aman o zot? thojeni nje fjale te mire,vetem nje fjale te mire per qeverisjen e vendit o familje hajdutash te Shjakut

    Përgjigju
  • Tahir tarfyci: 05/02/2020 07:35

    Mir e kan se edhe opozita jon e ** nderuar** nuk ka ber me pak se kriminelat nga 30 vjet. Dhe tani bertet se kucedra RAMA po i shteron burimet e majme dhe skan ku te mbushin xhepat. Kjo ka qen politika jon e qelbur nga 30 vjet. Nje pyetje me vjen ndermend dhe sdi ta shpjegoj. Kur ka qen ndonjeher opozita jon qe per 30 vjet nuk i ka mbrojtur kriminelat. Vritesh ndonje kriminel i rendomt dhe ata me vrap thonin hapur se ishte eksponenti i tyre

    Përgjigju
  • Jon: 04/02/2020 21:43

    Për inat të s'ime vjerre vete fle me mullixhinë

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

24 Nëntor, 09:30