Përdorimi pa kriter, shqiptarët rezistentë ndaj antibiotikëve, infeksionisti-mjekëve: Kujdes kur lëshoni recetat

“Antibiotik-rezistenca” që ka të bëjë me rezistencën që po krijojnë antibiotikët në trupin e njeriut është një sëmundje emergjente, që për mjekun infeksionist Arjan Harxhi, po sjell probleme tek shqiptarët. Kjo situatë vjen nga përdorimi pa kriter i tyre.

“Keqpërdorimi i antibiotikëve, ku hyn dhe fenomeni i përdorimit të antibiotikëve pa përshkrimin e mjekut është një fenomen që nuk duhet të ekzistojë. Edhe  dhënia e antibiotikëve nga mjeku duke mos respektuar dozën, kohëzgjatjen e kështu me radhë. Shfaqja e rezistencës antibiotike, është një sëmundje urgjente globale”, tregoi mjeku infeksionist, Arjan Harxhi.

Për reduktimin e riskut të shfaqjes së rezistencës, Harxhi u bëri thirrje mjekëve të jenë më të kujdesshëm kur shkruajnë recetat.

“Të ketë udhërrëfyes, protokolle , të ketë ekipe të dedikuara për këtë punë. Për kontrollin e antibiotikëve dhe mënyrës së dhënies së tyre. Të ketë mekanizma që kontrollojnë shfaqjen e fenomeneve të rezistencës dhe marrjen e masave përkatëse, sipas problematikës”, tha Harxhi.

Në konferencën e 7 kombëtare për reduktimin e dëmit, u dhanë këshilla edhe për parandalimin e sëmundjeve kardiovaskulare, infektie, si dhe për rëndësinë e inteligjencës artificiale në Mjekësi, që do të shërbente për t’u njohur me profilin shëndetësor të çdo pacienti.

Konferenca e Reduktimit të Dëmit mblodhi sot në Tiranë ekspertë të shëndetësisë shqiptarë dhe të huaj të cilët sollën në vëmendje rëndësinë e zvogëlimit të dëmit në praktika të ndryshme mjekësore.
Ndër temat që u trajtuan në konferencë ishin strategjitë e reduktimit të demit për duhanin, përdorimi i antibiotikëve, patologjitë kardiake, etj

Edicioni i shtatë i konferencës, shërbeu për vendosjen e fokusit mbi rëndësinë e reduktimit të dëmtimit, aksesi në informim për zgjedhje më të mira si dhe përdorimin e teknologjisë në të mirë të shëndetit publik. Ekspertët pjesmarrës dakordësuan në domosdoshmërinë e bashkëpunimit të qeverisë me institucionet e linjës në përfshirjen e strategjisë së reduktimit të demit në strategjinë kombëtare 2022-2023.

J.GJ./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të miratohet ligji për amnistinë fiskale deri në 2 milionë euro?



×

Lajmi i fundit

John

Përleshje e dy grupeve shqiptare në aeroportin e Perugias në Itali! 8 persona të arrestuar, momenti kur qëllohen me grushta e shkelma (VIDEO)