Përgjigja për 15-30 minuta, ja si kryhen testet e shpejta për COVID-19 (VIDEO)

Ministrja e Shëndetësisë, Ogerta Manastirliu ka publikuar në Facebook një video ku demonstrohet se si kryhet testi i shpejtë.

Përgjigja e këtij testi vjen nga 15-30 minuta. Në këtë video shfaqen një grup mjekësh që shkojnë drejt një institucioni të cilësuar si vatër infeksioni dhe kryejnë testime të shpejta tek punonjësit ku dhe më pas jepen përgjigjet pas 30 minutash.

"Kjo është një vatër që e kemi hetuar paraprakisht. Kanë dalë 2-3 punonjës pozitivë. Ne ndërmorëm këtë hap për të marrë një dhe një rezultat sa më të shpejtë në kohë. Testet e shpejta na ndihmojnë ne në terren për shkëputjen e zinxhirit të infeksionit, hetimin e vatrave. Janë teste që kryhen  dhe rezultatet dalin brenda 15-30 minutash. Janë të njohura dhe nga OBSH për efektivitetin" - thotë një prej mjekeve.

LEXO EDHE:
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje 

Nga dita e sotme fillon aplikimi i testimeve të shpejta në Tiranë për të gjithë pacientët që shfaqin simptoma të koronavirusit përgjigjet e të cilave dalin brenda 15-30 minutash.

Më pas siç Shqiptarja.com mëson, pas datës 20 dhjetor, testimi do të bëhet me rezervim nga mjeku i familjes. Do të jetë pikërisht ai që do të përcaktojë se kush do t'i nënshtrohet këtij testi.

E.M./b.ha./Shqiptarja.com

TAG:
• koronavirusi ne shqiperi
• Viktimat Covid