TIRANË- Avokati Besart Logu i ftuar në Report Tv komenton përplasjen e fundit mes Gjykatës Kushtetuese dhe Gjykatës së Lartë për deklarimin e përfundimit të mandatit të Holta Zaçajt. Kjo fundit thërriti një ditë më parë mbledhjen e Konferencës së Gjyqtarëve për deklarimin e përfundimit të mandatit, por nuk u arrit një vendim.
Në emisionin ‘Studio Live’ me gazetarin Arbër Hitaj, Logu thotë se Zaçaj nuk ka mandat të plotë, pasi zëvendësoi Vitore Tushën dhe sipas tij ligji e parashikon që mandati i përfundon më datë 10 mars 2025 dhe jo në fund të vitit 2025 siç pretendon Zaçaj.
Sipas avokatit, përplasja ka rrënjë politike dhe lidhet me përpjekjet për të shtyrë afatet e mandateve në kundërshtim me ligjin. Logo e cilëson këtë situatë një grusht shteti, që sipas tij ka prapavijë politike.
“Kjo histori nisi me krijimin e vakancës si pasojë e dorëheqjes së Toskës, ku me zell të Spiropalit hapur u tentua të shtyhet afati i mandatit me 3 vjet. Duke pasur parasysh çështjen Xhaçka dhe të anëtarëve të Kushtetueses, sjelljet që kanë pasur Nikolla dhe Spiropali i bie të themi ku je Gramoz Ruci. Kam shfaqur mungesë të theksuar paaftësie dhe papërgjegjshmërie.
Komisionit të Venecias i ka kërkuar opinion nga Ruci ka bërë përshkrim të saktë të anëtarëve që ka pasur Kushtetuesja kur u miratuan ndryshimet. Para reformës në drejtësi kemi pasur një GJK pothuajse me mandate të mbaruara, i bë një ndarje, 3 anëtar i zgjedh president, 3 kuvendi dhe Gjykata e Lartë.
Këto duan të shkruajnë precedentin. Toska u tërhoq dha dorëheqje, këta tentojnë ti shtyjnë mandatin, i saj ka qenë deri në 2025. Nuk ka mandat të plotë, po tentojnë të shtyjnë afatet. Padiskutim që ka ndërhyrje politike, ka disa kërkesa në Kushtetuese të ngritura si për shpalljen e pavlefshmërisë së Sky dhe Encro dhe të goditjeve që po u bëhen si për çështjen Xhaçka dhe çdo paligjshmëri që po bën Kuvendi. Ka interes politika sepse po shohim sulm frontal ndaj reformës në drejtësi. Çështja Xhaçka është sulm ndaj institucioneve të drejtësisë, edhe çështja Berisha që nuk iu hoq mandati. Ka rakordim, është mburojë politike, që politika po ja vesh vetes. Po vendosen përballë Gjykatës Kushtetuese, ky është me plot gojën grusht shteti”, tha Logu në Report Tv.
Edhe avokati Leonard Karaj hedh dyshime se pas kësaj përplasje për mandatin e Zaçajt fshihen dy partitë PS e PD, që cilët kërkojnë që mos të ketë ndryshime në Gjykatën Kushtetuese.
“Zacaj sot është në Gjykatën Kushtetuese duke bërë mandatin që duhej të përfundonte Vitore Tusha. Bardh Spahia në Shkodër fitoi zgjedhjet më 6 mars 2022, 1 vit ndenji në detyrë, jo 4. Vetë Zaçaj kur ka kandiduar për postin e GJK ka shkruar vetë që mandati i përfundon më 10 mars 2025. Nuk e kuptoj se ca arsyetimi ligjor duhet të ketë. Politika kërkon ta mbajë Gjykatën Kushtetuese siç është. Janë bashkë, edhe PS dhe PD, kanë historitë e tyre, opozitës nuk i intereson më shumë se Zaçaj, se Bejtja. Atë duan që ta mbrojnë. Duan të kenë dorë me patjetër”, tha Karaj.
Avokati Romeo Kara komenton në Report Tv çështjen e mandatit të kryetares së Gjykatës Kushtetuese, Holta Zaçaj. Sipas tij, ligji e shpreh qartë që mandati i përfundon më 10 mars 2025 dhe jo në fund të vitit 2025, siç Zaçaj këmbëngulte.
Sa i takon përfshirjes së politikës mbi këtë çështje, Kara ndalet tek sulmet që Berisha bëri sot ndaj Gjykatës së Lartë duke marrë në mbrojtje Zaçajn. Kara thotë se kryetarja e Kushtetueses mund të ketë qenë e suportuar apo e nxitur nga kjo pjesë e politikës shqiptare.
“Ky rast nuk lë mundësi për të kaluar në një ironi të fatit, që vetë Gjykata Kushtetuese dhe kryetarja e saj, kërkon të bëjë interpretim nga Komisioni i Venecias. Kjo është e qartë, s’ka ambiguitet në shprehjet ligjore. Në këtë rast ka qenë vetëm Berisha që ka goditur, duke goditur Sokol Sadushin. Përveç se ka denigruar me emër ka kërkuar edhe hesap për nisjen e procedurës së vakancës. Ndërhyn dhe jep mend për procedura ligjore edhe pse ka rreth vetes tutkunët më të mëdhenj juridik. Mund të ketë qenë e suportuar apo nxitur edhe nga kjo pjesë e politikës shqiptare. Ka bërë mirë që e ka kuptuar dhe është tërhequr”, tha Kara.
Lajme të tjera
-
Eduard Zaloshnja: Gjysma e elektoratit historik të PD-së ka firuar…
13 Dhjetor, 17:35
-
Odiseja e 'Xhaçkës' s'ka fund! Bardhi kërkon rivotim në Kuvend! Vë në dijeni dhe ambasadat
13 Dhjetor, 14:22
-
Berisha nuk heq dorë nga skenaret e dhunës, nxit emigrantët: Gjuani me vezë dhe domate punonjësit e ambasadave shqiptare
13 Dhjetor, 14:13 -
Sondazhi i Report Tv/ Nëse votohet sot, PS merr mandatin e 4! Bie mbështetja për PD, rriten me 5% partitë e reja! Dumani kampion i antikorrupsionit, diaspora: Mesazh kundër Berishës
12 Dhjetor, 22:59 -
Berisha te FRPD, motivon të rinjtë e sulmon Ramën: Në kohë lufte duhet të sakrifikosh! Pasi mori drejtësinë e zgjedhjet, donte me puç dhe opozitën
12 Dhjetor, 20:27 -
Ylli Pata: Kush e ka themeluar Partinë Demokratike?
12 Dhjetor, 19:59
-
Ben Andoni: E vërteta tek shqiptarët, si liri për të mos u dëgjuar!!
12 Dhjetor, 18:14
-
Tërhiqet Zaçaj, kërkon deklarimin e përfundimit të mandatit, s’ka vendim në Mbledhjen e Gjyqtarëve! Sulmon Gjykatën e Lartë: Tejkaloi kompetencat, e paprecedentë
12 Dhjetor, 17:57 -
Dokumenti/ Si e përjashtoi Berisha Azem Hajdarin nga PD: Je spiun i sigurimit të Shtetit, shërbëtor i Ramiz Alisë! Demalia: Saliu ishte sekretar partie
12 Dhjetor, 17:56 -
Gjykata e Lartë rrëzon rekursin e Klemend Balilit, lë në fuqi dënimin me 10 vite burg
12 Dhjetor, 14:48
-
Berisha mbetet non grata, Nesturi në 'Repolitix': Goditje e fortë nga Britania, mbështetje edhe për SPAK! Çaça: U regjistrua si kryetar i PD, mori fund teatri
11 Dhjetor, 21:18 -
PD përkujton 34-vjetorin e themelimit, Salianji mesazh nga qelia: Do jemi bashkë për të festuar triumfin e së mirës mbi të keqen
11 Dhjetor, 20:18
