Një 65-vjeçar pranë një poste në Korçë ka plagosur me thikë një 60 -vjeçar. Mësohet se shkaku ka qenë një konflikt çasti mes dy personave, ndërsa i plagosuri ka marrë një plagë të lehtë në pjesën e qafës. Sipas të dhënave, ky i fundit është jashtë rrezikut për jetën.

Pak pas ngjarjes, shërbimet e komisariatit kanë bërë të mundur kapjen e autorit, me iniciale N.H. Vijojnë hetimet për zbardhjen e plotë të rrethanave.

Njoftimi i policisë:

Korçë

Plagosi me thikë një shtetas gjatë një konflikti për motive të dobëta, kapet pas 3 orësh autori i dyshuar i ngjarjes.

Rreth orës 18:40, në rrugën “Edit Durham”, Korçë, shtetasi N. H., 67 vjeç, dyshohet se gjatë një konflikti për motive të dobëta ka goditur me mjet prerës (thikë) shtetasin A. F., 59 vjeç, i cili po merr mjekim në spital dhe është jashtë rrezikut për jetën.

Shërbimet e Policisë bënë të mundur që, pas tre orësh kërkimesh, të lokalizojnë, kapin dhe shoqërojnë në Komisariat, për veprime të mëtejshme, 67-vjeçarin.

Ndërkohë, grupi hetimor, në bashkëpunim me Prokurorinë, vijon punën për zbardhjen dhe dokumentimin e plotë të rrethanave të rastit.

-------------------------------
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë