Mungesa e subvencioneve dhe flotës së posaçme po e mban zënien e peshkut në ujërat tona në vendnumëro. Teksa kërkesa për konsumin e peshkut dhe prodhimeve të detit pëson rritje nga viti në vit, zëna nuk pëson të njëjtën rritje.
Sipas të dhënave të INSTAT, në vitin 2019, zënia e peshkut nga të gjitha kategoritë ujore, ka qenë 15.011 tonë nga 14.875 tonë që ishte në vitin 2018, duke shënuar një rritje me 0,91 %.
Kategoritë ujore të peshkimit janë: det, bregdet, laguna, ujëra të brendshme, akuakulturë dhe molusqe. Dy janë kategoritë kryesore që zëne përqindjen më të lartë të peshkimit, përkatësisht peshkimi “Detar” me 36,64 % dhe “Akuakultura” me 34,83 %, pasuar nga ujërat e brendshme me 18,46 %, ndaj prodhimit gjithsej.
Në vitin 2019, rritjen më të madhe, e ka shënuar kategoria “Ujërat e brendshme” me 14,20 % të zënieve gjithsej, krahasuar me një vit më parë, ndjekur nga kategoria “Bregdeti” me 8,56 % dhe kategoria “Akuakultura” me 1,77 %. Kategoria ujore “Laguna” ka pësuar rënie me 73,25 %, krahasuar me një vit më parë, pasuar nga kategoria “Molusqe” me 2,98 %.
Zëniet sipas specieve kryesore Në vitin 2019, për sa i përket kategorive ujore, det, bregdet dhe laguna, specia e cila ka rezultuar me përqindjen më të madhe të zënë është “Açuga” me 20,67 % ndaj zënieve gjithsej, pasuar nga “Karkaleci i thellësisë” me 16,21 % dhe “Merluci” me 12,32 %. Përsa i përket zënieve në ujërat e brendshme, specia “Krap” ka përqindjen më të madhe zënieve gjithsej, me 23,52 %, pasuar nga “Skorta” me 19,41 % dhe specia “Karas” me 18,87 %.
Flota detare Në vitin 2019, janë 651 subjekte të liçencuara për të ushtruar aktivitetin e peshkimit. Flota vepron pothuajse plotësisht në Nën-Zonën Gjeografike (NZGJ) 18 (Adriatiku i Jugut). Janë 19 subjekte të liçencuara më shumë se një vit më parë. Flota detare sipas porteve të peshkimit Në vitin 2019, porti me numrin më të madh të anijeve të liçencuara është porti i Durrësit, me 37,33 % të flotës së përgjithshme. Porti i Vlorës ka 30,41 % të numrit të përgjithshëm të flotës, pasuar nga porti i Sarandës me 15,82 %. Portet e peshkimit me përqindjet më të vogla të subjekteve të liçencuara për peshkim janë ato të, Himarës me 2,30 % dhe Lushnje-Fier me 2,00 %.
Flota detare sipas llojit të anijes Flota detare shqiptare nisur nga qëllimi i anijes ndahet në gjashtë lloje të ndryshme anije peshkimi. Pjesa më e madhe e flotës sonë është e përbërë nga anije me njica me 66,67 % si dhe anije peshkimi me tërheqje (fundore dhe pelagjike), me 27,65 %, të cilat përdoren kryesisht për të peshkuar peshqit fundorë. Pjesa tjetër janë anije shumëpërdorimshe dhe anije për qëllime të tjera./Monitor
Komente
Lajme të tjera
-
ANALIZA e shifrave mbi nëndeklarimin/ Informaliteti në paga, një pjesë në dorë e tjetrën në bankë ‘krim ekonomik’ në kurriz të punonjësve
24 Tetor, 16:47
-
Sa të vjetra janë ndërtesat ku jetojnë shqiptarët? Dominojnë banesat e 1981-2000
20 Tetor, 07:45 -
Zhvlerësimi i valutave godet prodhimin vendas, në 9 muaj eksportet u ulën 47 mld lekë! ‘Made in Albania’ vlejnë më pak se vjet
18 Tetor, 21:06
-
Tregu i apartamenteve/ Të etur për prona, bum shitjesh të pasurive të paluajtshme! INSTAT: Në 6 muaj u shitën prona me vlerë 58 mld lekë
13 Tetor, 17:34
-
Shqiptarët shpenzojnë 40% të të ardhurave për ushqime, produktet e mishit ‘zbrazin’ portofolin! Kukësi e Dibra qarqet më të varfër
4 Tetor, 12:08
-
Ekonomia u rrit me 4.06% në tremujorin e dytë! Ndërtimi ‘mundi’ turizmin, ngecin shitjet e pasurive të paluajtshme
1 Tetor, 13:00
-
Shqipërinë e vizituan mbi 8.5 mln turistë në 8 muaj! Vetëm në gusht mbi 2.1 mln të huaj
25 Shtator, 17:10
-
Turizmi nuk e rriti konsumin, tregtia në rënie të fortë! Krahasuar me korrikun, eksportet ranë me 32% dhe importet me 19%
17 Shtator, 16:41
-
Bien industria dhe energjia në tremujorin e dytë të 2024, prodhimin e mban në këmbë ndërtimi
17 Shtator, 07:40 -
Turizmi nxit shërbimet, rritën të ardhurat dhe pagat, kryesojnë hotelet e restorantet
17 Shtator, 07:33 -
Paga mesatare në Shqipëri 75.114 lekë, në shtet 15 mijë lekë më e lartë se në privat! Bizneset dorështrënguar në paga dhe pse s’kanë punonjës
10 Shtator, 20:16
-
Buxhetit i mbeten 'stok' paratë e bonusit të bebeve, në 7 muaj shpërndahen 11 milionë euro
7 Shtator, 21:51
nuk eshte mungesa e subvencioneve ne renien e zenieve por gjendja jo e mire e resurseve ne Mesdhe. Ne te njejten situate eshte peshkimi ne te gjitha vendet. Ka ikur koha qe deti te shikohet si nje burim i pafund. Dhe fatkeqesisht kjo situate do te jete afatgjate. Shqiperia kete vit ndaloi me ligj rritjen e numrit te anijeve te peshkimit. Nuk vjen rritja nga zenia pa fund por nga rritja e vleres se asaj qe peshkohet.
Përgjigju