Receta

Petulla me kos dhe jeshillëqe nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 8 Tetor, 12:01 | Përditesimi: 8 Tetor, 12:03

Petulla me jeshillëqe

Përbërësit:

2 gota miell
4-5 qepë të njoma
1 gotë kos (i thartuar)
3 kokrra vezë
Dhjozmë, kopër
Pak piper të zi të bluar
Pak sodë buke
Kripë sipas dëshirës
Vaj për skuqje

Përgatitja:

LEXO EDHE:
Gurabijet 5-lekëshe të nostalgjisë nga zonja Albana

Në fillim presim qepët e njoma shumë hollë. Qepën e shtypim fort me kripë derisa të firaset. Në një tas porcelani rrahim vezët. Më pas shtojmë kosin dhe vajin e ullirit. Shtojmë qepën, dhjozmë dhe kopër të grirë imët. I rrahim mirë. Në fund hedhim miellin me sodën. Përftojmë një brumë jo shumë të trashë, si brume petullash. E vendosim tasin afër zjarrit të mbuluar me një pecetë. E lëmë brumin që të vijë në enën të mbuluar me pecetë, derisa të dyfishohet volumi i tij. Në një tenxhere hedhim shumë vaj (zjarri duhet të jetë i mesëm). E provojmë që vaji është gati, kur ne kalojmë dorën mbi tenxhere dhe ndiejmë nxehtësi. Hedhim brumin lugë - lugë (një lugë gjelle për çdo petull të lagur në një gotë ujë). Petullat duhet t'i hedhim në tigan larg njëra-tjetrës pasi gjatë skuqjes brumi fryhet. Lugën pasi mbaron së hedhuri petullat e vendosim sërish në gotën me ujë. I kthejmë me kujdes dhe i bëjmë disa vrima që të piqen bukur. Vazhdojmë në këtë mënyrë derisa të kemi mbaruar gjithë brumin.

MC/Shqiptarja.com

TAG: