Institucioni i Avokatit të Popullit ka publikuar një raport me kronologjinë e protestës së banorëve të Unazës së Re që prej nisjes së kundërshtimit të projektit nga ana e tyre. Në raport theksi kryesor vendoset te protesta e 22 nëntorit para parlamentit, ku u plagosën 15 efektivë police, mes tyre efektivja Ina Nuka, që humbi dy gishta nga kapsolla që hodhi 18-vjeçari Daniel Drobaj (lexo ketu). Avokati i Popullit thotë se ndër protestuesit e ndaluar vetëm D.D., që është Daniel Drobaj ka denoncuar se është dhunuar nga punonjësit e policisë në gishtat e dorës së djathtë.
“Shtetasi D.D. ishte ndaluar në datën 23.11.2018, deklaroi se, në datën 22.11.2018 kishte marrë pjesë në protestë sepse edhe familja e tij prekej nga projekti i Unazës së Re. Pasi ka mbaruar protesta, rreth orës 12:15, në afërsi të Hotel “Plaza” ishte rrethuar nga një grup policësh civilë të cilët e kanë dhunuar atë duke e goditur me shqelma në pjesën e të ndenjurave dhe në gishtat e dorës së djathtë.
Sipas tij, nga goditja e marrë i ishin ndrydhur dy gishta të dorës së djathtë, ai tregues dhe i mesit. Me ndërhyrjen e disa protestuesve ai ka mundur t’u shpëtojë policëve dhe pasi ka hipur në një taksi është larguar dhe është fshehur për 24 orë. Gjithashtu ai pretendoi se në momentin që ishte kapur nga punonjësit e policisë tek Qendra tregtare “Globe” ishte goditur me shqelm në brinjën e djathtë nga një polic civil.
Sipas tij, edhe gjatë rrugës në makinën e policisë dhe në momentin që e kanë zbritur nga automjeti në oborrin e DVP Tiranë ishte dhunuar nga policiët duke u goditur me grushta dhe shpulla në kokë e në trup, por sipas tij nuk kishte asnjë gjurmë të dukshme për shkak të profesionalizmit të tyre”thuhet në raportin e AP. Ndërkohë që pas dëshmisë, AP shprehet se grupi i inspektimit ka konstatuar se përveç shenjave të një lëndimi të dukshëm në dorën e të Daniel Drobajt nuk ka pasur raportim tjetër prej dy të miturve për ndonjë shenjë tjetër të dukshme në trup.
Daniel Drobaj u arrestua në datë 23 nëntor për plagosjen e efektives së "Shqiponjave" Ina Nuka, pasi në drejtim të saj hodhi një kapsollë. Report Tv siguroi videon e momentit të ndalimit të 18-vjeçarit pranë "Ushtarit të Panjohur" nga disa policë. Por në ndihmë të tij mbërrijnë të afërm, përfshirë edhe të atin, protestues dhe deputetë të LSI si Luan Rama, Endrit Braimllari dhe Floida Kërpaçi. Ata arrijnë t'ia heqin policisë nga duart Drobajn, ndërsa nuk mungojnë as aktet e dhunës në drejtim të efektivëve të uniformave blu, të cilët goditen nga protestuesit e tjerë (shiko këtu).
Pas disa minutash tensioni policia vendos mos ta shoqërojë 18-vjeçarin, dhe kur e lirojnë pas ndërhyrjes së deputetëve të opozitës, në tension e sipër ai sërish tenton të godasë policët. Por arratia e 18-vjeçarit zgjati 24 orë, pasi u prangos në datë 23 nëntor, ndërsa gjykata e la në burg pa afat për plagosjen e polices Ina Nuka (lexo këtu) që është transportuar në Turqi për mjekim të specializuar, pasi humbi dy gishtat nga kapsolla që hodhi i riu në drejtim të saj në protestë (lexo këtu).
Komente
Lajme të tjera
-
Arrestimi i Ilir Metës/ Xhixho: Vilson Bala që e rrëmbeu, do drejtojë Policinë e Tiranës! Ballanca: Avokati i Popullit ka nisur hetimet, na ka shqetësuar rasti
13 Nëntor, 13:03 -
Pakti për emigrantët/ Bardhi: Marrëveshja tani e pazbatueshme! Ballanca: Kemi detyrimin të mbikëqyrim të drejtat e njeriut brenda kampit, koordinim me italianët
13 Nëntor, 12:28 -
Protesta e dhunshme e PD/ Braçe: S’ka ndodhur kurrë të rekrutohen e armatosen fëmijë për akte terrori! Pse hesht Avokati i Popullit, nga kush trembet?
9 Tetor, 17:27 -
EKSKLUZIVE/ EMRAT e 53 ekspertëve që do të angazhohen në Komisionin antikorrupsion të drejtuar nga Fatmir Xhafaj! Mes tyre gruaja e Sokol Olldashit e ish këshilltari i Metës
10 Shtator, 10:47
-
Politika 'kthehet' në punë, nesër Rama mbledh qeverinë në Dajt! Sesioni i ri parlamentar nis të hënën me ‘halle’ te vjetra, çështja 'Xhaçka’ e para
31 Gusht, 07:20
-
‘Ligjet’, Avokatja e Popullit: Në burgje ushqimi i pamjaftueshëm! Të dënurit në '41 bis' humbën nga 10 kg
21 Maj, 11:21 -
Minimuni jetik në Shqipëri 6 euro në ditë! Avokati i Popullit: Afro 1/3 e qytetarëve jetojnë në varfëri
7 Maj, 18:01
-
Dy vite pa mandat, Avokati i Popullit mbetet peng i politikës! Asnjë iniciativë nga PS e PD, burime nga palët: Jo diskutim konkret
22 Prill, 20:55
-
Sulmet e Metës, deputetja e PS: Shqetësuese! Protesta para bashkisë? Hipokrizi, një grup njerëzish po përdoren për interesa politike
19 Prill, 17:49 -
Rasti i rëndë i mjekut mbante 16 vjeçaren si gruan e katërt, Avokati i Popullit kërkon ndryshimin e ligjit: Mosha minimale për martesë të jetë 18 vjeç
26 Janar, 14:32 -
Kaosi në Kuvend ‘bllokon’ ligjet që kërkojnë 84 vota! Ngec ‘amnistia’, rreth 600 të burgosur ‘peng’ të sherrit! Asnjë hap para për Avokatin e Popullit e ‘Zgjedhoren’
25 Dhjetor 2023, 12:20
-
Përfaqësuesi i Avokatit të Popullit kritika ministrisë për amnistinë penale: Nuk u konsultua me ne, hera e parë që projektligji nuk na erdhi
7 Dhjetor 2023, 15:14
Ti duhesh varur në mes të Tiranës! Por bravo të qoftë se nuk kemi shtet
Përgjigju