Detaje të reja janë zbardhur nga vrasja e Briken Sanajt pas identifikimit të autorit dhe bashkëpunëtorëve. Shqiptarët kosovar të shpallur në kërkim dyshohen se janë vrasës me pagesë në Shqipëri dhe Kosovë. Ata i kanë shitur automjetin autorit të kësaj vrasjeje Valmir Kola ne 24 tetor, 6 ditë para vrasjes.
Ata e kanë kaluar mjetin në mënyrë të rregullt në pikën kufitare të Morinës dhe shitjen e kanë bërë në një lokal në Shëngjin. Kjo është provuar nga kamerat e sigurisë së lokalit. Më pas, makinës i janë mbivendosur targa të vjedhura. Lëvizjet e Briken Sanajt nga ambientet e një lokali në Shëngjin pas dasmës së shokut të tij janë sinjalizuar nga një tjetër person i cili ndodhej gjithashtu në dasmë.
Për informatorin e lëvizjeve të viktimës po punohet për kapjen e tij, ndërsa tashmë është identifikuar nga blutë. Autori Valmir Kola mësohet se ka pritur 2 orë viktimën tek një pemë ulliri pranë garazhit ku do të parkohej automjeti. Autori Kola mësohet se ka hyrë ilegalisht në vendin tonë dhe po ilegalisht është larguar jashtë vendit, fillimisht drejt Malit të Zi dhe më pas dyshohet në Belgjikë. Në kërkim nga policia është edhe vëllai tjetër i tij Agustin Kola, i cili dyshohet se ndodhet në Spanjë. Ky i fundit dyshohet të ketë patur rol nxitës në ekzekutimin e Sanajt.
Si ndodhi vrasja
Të paktën katër persona dyshohet se morën pjesë në atentatin e 30 tetorit. Vepruan me saktësi dhe duket se nuk kanë lënë gjurmë në duart e policisë. Dy atentatorët u futën në rezidencë pasi çanë rrethimin e jashtëm, e qëlluan nga një distancë të afërt, nga një vend poshtë një peme ulliri.
Të ndihmuar nga një person i tretë, u larguan me shpejtësi me makinën tip “Mercedez Benz”, të cilën e dogjën. Personi i katërt ka pasur rol vëzhgues. Mënyra se si është ruajtur derisa të mbërrinte brenda rezidencës “Kodra e Diellit” dhe hyrja e autorëve nga rrethimi i pasmë i bind hetuesit se ishin vrasës profesionistë dhe me pagesë.
Itinerari që ndoqën autorët
Pasi dolën në Unazë, vijuan përmes ish-sheshit “Shqiponja” dhe hynë në autostradë, nga e cila hynë në rrugën dytësore pranë një qendre tregtare dhe disa kilometra më tej dogjën makinën në Qafë-Kashar, në afërsi të një biznesi pllakash. Një person tjetër i largoi. Targat e makinës tip 'Benz' i përkasin shtetasin Luan Qanushi, të cilat ishin të vjedhura. Brenda makinës janë gjetur dhe armë tip kallashnikov.
Plagosja në vitin 2012
Briken Sanaj dyshohet se u vra për plagosjen e kryer 10 vite më parë nga vëllai i viktimës, Antonio alias Renato Sanaj, për një vajzë. Në atë kohë, Renato qëlloi dhe plagosi Gentian Kolën. Dy familjet në Lezhë u futën në gjak dhe tentativat për pajtim ishin të pasuksesshme.
Lajme të tjera
-
Ekzekutimi i Briken Sanajt te Kodra e Diellit në Tiranë, arrestohet në Kosovë bashkëpunëtori në krim! I dha makinën vrasësit
1 Shkurt 2023, 11:04 -
Zbardhet vrasja e Briken Sanajt në Tiranë, në kërkim autori dhe 2 bashkëpunëtorët! 25-vjeçari nga Kosova shiti makinën që u përdor për ekzekutim
30 Nëntor 2022, 18:27 -
Vrasja për hakmarrje te ‘Kodra e Diellit’ në Tiranë, shpallet në kërkim autori i ekzekutimit të Briken Sanaj! Dyshohet se ndodhet në Belgjikë (Emri)
17 Nëntor 2022, 09:42 -
Atentati ndaj Briken Sanajt, merren ne pyetje anëtarët e familjes Kola! Hakmarrja pistë kryesore, po bëhen verifikime në Itali
2 Nëntor 2022, 17:42
-
Vrasja e Briken Sanajt te ‘Kodra e Diellit’/ I riu u nxor në pritë nga të njohur? Përdorte emrin e kushëririt për të hyrë në rezidencë! Pas 48 orësh, ende asnjë i dyshuar
1 Nëntor 2022, 15:21
-
Atentati në Tiranë/ 39-vjeçari u vra për hakmarrje, e qëlluan sapo la familjen në shtëpi! 2 autorët u futën te ‘Kodra e Diellit’ duke çarë rrethimin e jashtëm
31 Tetor 2022, 08:10 -
Atentat te ‘Kodra e Diellit’ në Tiranë, vritet me breshëri plumbash 39 vjeçari nga Lezha! Gjendet një makinë e djegur në Qafë-Kashar, dyshohet e autorëve (VIDEO)
30 Tetor 2022, 23:18
