'Po fsheh shifrat e viktimave me COVID', Basha: Ramës i duhen dy ditë të përgjigjet, po manipulon faktet

Kreu i Partisë Demokratike Lulzim Basha ka akuzuar kryeministrin Rama se po manipulon faktet dhe po fsheh të vërtetën e shifrave të viktimave më COVID-19. Duke iu referuar lajmërimit të Ramës se do të flas sot në orën 18:00 për këto akuza të opozitës, 10 minuta para mesazhit që pritet të jap kryeministri, kryedemokrati Basha thotë se atij iu desh dy ditë për t'u përgjigjur ndaj këtyre denoncimeve në një kohë që sipas tij, të gjithë panë të vërtetën me fotot e publikuara nga morgu i Tiranës.

"Pasi denoncimit të fakteve se gënjeu për numrin e viktimave të Covid-19, Ramës ju deshën dy ditë për t'u përgjigjur. Dy ditë përpjekje për të manipuluar faktet dhe për të fshehur të vërtetën që pamë të gjithë. E ka kot sepse askush nuk i beson më! Kush gënjen për një çështje kaq të ndjeshme, gënjen për gjithçka. Shqiptarët kanë nevojë për një qeveri që punon për ta dhe nuk merret me gënjeshtra natë e ditë", shkruan Basha.

LEXO EDHE:
Vizita e Ramës në Athinë, Mitsotakis: Greqia s'do ta ndalonte kurrë një lider të huaj të takonte bashkëatdhetarët e tij! Koha, jo e duhura

Lajmi kryesor:

Rama: Basha-Meta lojë politike me të vdekurit e COVID! Viktimat s'janë vota që vidhen në PD apo kuti këpucësh me lekë të zeza që vijnë nga Gjiri i Lalzit për burime mediatike

/b.ha./Shqiptarja.com

TAG:
• edi rama
• lulzim basha
• koronavirusi ne shqiperi
• Viktimat Covid