POP 5

Lajmet më të lexuara të 5 minutave të fundit

Sport

Po kryen kimioterapi, por Mihajlovic nuk pyet për mjekët. Lë spitalin për ndeshjen e parë të Bologna-s

Sinisa Mihajlovic, trajneri i Bolonjas, i ka shtangur të gjithë këtë fundjavë teksa është paraqitur në pankinë për ndeshjen me Veronën përkundër këshillës së mjekëve.

Po kryen kimioterapi, por Mihajlovic nuk pyet për mjekët. Lë spitalin për ndeshjen e parë të Bologna-s

Një nga kampionatet më të bukur në botë, Seria A, u rikthyer këtë fundjavë për të zhvilluar javën e parë të sezonit, por krahas magjisë së futbollit të dielën më shumë se gjithçka vëmendjen e mori trajneri i Bologna-s, Sinisa Mihajlovic. Serbi 6 javë më parë u diagnostifikua me leucemi dhe si rrjedhojë prej disa ditësh po kryen kimioterapi intensive, por edhe pse mjekët bënë gjithçka për ta mbajtur në spital ai udhëtoi drejt Verona-s me një makinë private për të mos e lënë vetëm skuadrën e tij në ndeshjen debutuese.

Edhe pse shmangu hyrjen ne dhomat e zhveshjes, por edhe këshillën e drejtuesve të klubit për të ndjekur takimin në një dhomë veçmas pranë gazetarëve, Mihajlovic zgjodhi të shkonte në pankinë. Ky veprim sigurisht që solli edhe reagimin e tifozëve, të cilët në këmbë duartrokitën për një kohë të gjatë trajnerin.

Reagimet kanë qenë të shumta për atë që Mihajlovic bëri të dielën, por mbi të tjera dallonte ajo e gruas së tij, Arianna. Në rrjetet sociale ajo postoi një foto me bashkëshortin e saj ku shkruante: “Luftëtarit njihen që nga larg, dashiria ime.”

Për të lënë Bologna-n dhe për të shkuar në Verona trajnerit iu nevojit të merrte përgjegjësi për veprimin, pasi nuk u përkrah absolutisht nga mjekët. Ai u largua nga ndeshja pak minuta para vërshëllimës përfundimtare dhe u shoqërua jashtë stadiumit, aty ku mori një makinë për t’u rikthyer direkt në spital, natën vonë.  

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim

Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim

26 Dhjetor, 15:20