POP 5

Lajmet më të lexuara të 5 minutave të fundit

Sport

Po mahnit Anglinë, Rocco Vata ndiqet nga Man. United! Drejtoria teknike në FSHF është 'në gjumë'

Rocco Vata ka bërë lëvizjen e duhur. Djali i ish-kapitenit të Kombëtares shqiptare Rudi Vata po quhet “djaloshi i mrekullive” pasi po mahnit “Championship”-in”, (kategoria e dytë angleze).

Po mahnit Anglinë, Rocco Vata ndiqet nga Man. United! Drejtoria teknike në FSHF është 'në gjumë'

Rocco Vata

Rocco Vata ka bërë lëvizjen e duhur. Djali i ish-kapitenit të Kombëtares shqiptare Rudi Vata po quhet “djaloshi i mrekullive” pasi po mahnit “Championship”-in”, (kategoria e dytë angleze).

Rocco, vetëm 19 vjeç, ka shënuar 4 gola dhe ka dhënë 3 asiste deri tani me skuadrën e Watfordit. Mbrëmjen e së martës, ai shënoi një supergol, që nuk ishte i pari nga jashtë zone për 19-vjeçarin me klubin anglez. Dhe pse skuadra e tij humbi 1-2 përballë Preston, Vata tregoi aftësitë e tij. Sulmuesi shqiptar shënoi një supergol në minutën e 90-të, ndërsa nuk kishte mbetur shumë kohë për të shmangur humbjen.

Faqja e kampionatit anglez shpërndau pikërisht golin e talentit shqiptar, që nuk ka nevojë për koment. Duke përfshirë edhe Kupën, Rocco ka luajtur gjithsej në 22 ndeshje. Fillimisht si zëvendësues, ndërkohë në ndeshjet e fundit mesa duket ai ka fituar një vend titullari. Por, paraqitjet e tij nuk kanë si të mos vihen re në Angli. “Panorama Sport” mëson se Rocco Vata është në monitorimin e skautëve të Manchester United.

Skautët e gjigandëve anglezë e kanë ndjekur nga afër ndeshjen me Fullhemit, teksa Rocco shënoi një supergol nga distanca. Që nga ai moment, Vata është duke u ndjekur sesi do të vijojë ecuria e tij, teksa për momentin po shkëlqen në Championship. Ndërkohë, familjarët e tij, kryesisht babai Rudi, është i mendimit se djali i tij duhet të luajë sa më shumë, të forcohet sepse është ende herët për të bërë hapin e madh.

KOMBËTARJA

Rocco Vata përfaqëson kombëtaren e Irlandës me moshat. Talenti shqiptar ka luajtur për të gjitha grupmoshat, nga U-15, 17, 19 dhe së fundmi 21. Me paraqitjet e fundit dhe me perspektivën që ka, nuk është e largët dita kur ai të marrë një ftesë nga kombëtarja A e Irlandës, ndërkohë që nga ana tjetër, drejtoria teknike në Federatën Shqiptare të Futbollit nuk ka bërë asnjë lëvizje për të. Rudi Vata është shprehur se asnjë ftesë nuk ka mbërritur më herët për të, ndërkaq pritet të shihet se çfarë do të ndodhë në vijim, pasi Rocco është një “xhevahir” që nuk duhet lënë i lirë./ Panorama Sport

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 23/01/2025 16:22

    Po se ftohjn keta plerat FSHF se ja u ka çjer masken Rudi. Kur tha Shaqiri qe me kerkuan 100 mi euro su ndje njeri kaloi si t gjitha gjerat ne Shqiperi. Luaj me Irlanden le te plasim ne,se do te shajm 3 dite dhe kaq! Shiko jeten dhe zoti te ta bej mbare.

    Përgjigju
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Pas telefonatës me Presidentin Trump, sauditët 600 miliardë dollarë investime në SHBA

Pas telefonatës me Presidentin Trump, sauditët 600 miliardë dollarë investime në SHBA

23 Janar, 19:23