‘Po shkërmoq partinë’/ Del në Facebook grupi anti-Basha, mister anëtarët e lëvizjes

Grupi anti-Basha në Partinë Demokratike ka publikuar një deklaratë në Facebook që njofton nisjen e një lëvizjeje me emrin “Lëvizja për Shpëtimin e PD dhe Shqipërisë Lëvizje Konservatore Antiestablishment”, por mister mbeten anëtarët.

Grupi ka publikuar një deklaratë që shpreh qëndrimin kundër opozitës duke e cilësuar si alternativë të pashpresë, por në fund nuk identifikohet asnjëri nga anëtarët.

E nëse nuk do të shfaqen publikisht, e vetmja rrugë për të mësuar se kush është pas kësaj lëvizje është data 24 nëntor, ku Lëvizja u bën thirrje demokratëve që të mblidhen në një protestë të pandërprerë për ‘ti kthyer legjitimitetin, besimin dhe për të shpëtuar Partinë Demokratike nga Rama dhe kapja Sorosjane’.

DEKLARATA E PLOTË

LËVIZJA PËR SHPËTIMIN E PD DHE SHQIPËRISË

LEXO EDHE:
‘Studio Live’, avokati Islami: ‘Berisha do arrestohet, non grata s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!

LËVIZJE KONSERVATORE ANTIESTABLISHMENT

Deklaratë

Tiranë, 31 Tetor 2018

Sot në dt 31 Tetor 2018, pas takimeve 1 mujore në mbi 20 qytete të Shqipërisë, brenda Partisë Demokratike nis veprimtarinë e saj Lëvizja për shpëtimin e PD dhe Shqipërisë, Lëvizje Konservatore Anti-Establishment. Ajo përbëhet nga anëtar, të rinjë dhe themelues të PD me qëllimin e vetëm të shpëtimit të Partisë Demokratike dhe Shqipërisë.

Qeverisja Oligarkie Sorosjane po zbaton një Axhendë që po e çon Shqiperinë drejt Falimentimit, Rrënimit dhe Shpopullimit të plotë të saj.

Oligarkia qeverisëse në pushtet ka marrë nën kontroll dhe përvetëson çdo pasuri të këtij vendi duke varfëruar dhe rrënuar shqiptarët!

Krimi çdo ditë e më shumë po mbjell pasigurinë dhe frikën te çdo individ dhe gjithë shoqëria.

Prodhimi dhe trafiku i drogës kanë kapur peng dhe po shkatërrojne ekonominë dhe shoqërinë.

Sistemi i drejtësisë po shkatërrohet dhe kapet nga qeverisja nën petkun e “Pastrimit”, e realizuar kjo me ndihmën e opozitës, bashkërenduar sipas axhendës sorosjane.

Sot kemi një sistem politik “demokratik” të kapur dhe dështuar, që buron nga një proçes i blerjes dhe manipulimit të votës nga struktura kriminale mafioze.

Shqipëria po braktiset pa kthim, ndërkohë që ngrihen kampe sekrete refugjatësh nga Azia e Afrika përditë!

Qeveria Shqiptare dhe gjithë Establishmenti sipas axhendës sorosjane prej vitesh po ndjekin një politike antiamerikane duke ulur interesin e tyre mbi Shqipërinë, interes sa jetësor dhe i natyrshëm për Kombin tonë!

Shqiptareve ju kanë vrarë shpresën !

Opozita, si alternative e shpresës, ka po aq pergjegjësi.

Dështimet e saj njëpasnjëshme dhe procesi i vetëshkatërrimit kanë humbur totalisht besueshmërine e saj, para demokratëve dhe shqipëtareve.

Fenomenet e saj të brendshme jodemokratike dhe së fundmi procesi zgjedhor, ku ne shume raste shkelen hapur rregullat dhe procedurat, po shkërmoqin përfundimisht strukturat e saj edhe në bazë, duke e çuar drejt një force politike të dorës së dytë.

Së fundmi, alternativa e “zgjedhjeve të lira dhe të ndershme” nëpërmjet “dekriminalizimit të qeverisjes” e ka kthyer qëndrimin e saj në qesharak.

Marrëveshja e 17 Majit dhe Zgjedhjet e 2017 ishin një Grusht Shteti që prodhoi një Regjim Diktatorial dhe Opozitë Fasadë “Demokratike”!

Kërkesa dhe firmosja e mbi një mijë demokrateve nga mbi 20 qytete të Shqipërisë, për grisjen e mandateve, si akti i parë i thirrjes së një protestë mbarëkombëtare, u përcmua dhe nuk u morë në konsideratë nga Lulzim Basha dhe organet e PD, të kthyera tashmë në jolegjitim.

Prandaj sot, Lëvizja për shpëtimin e PD dhe gjithë Shqipërisë, Lëvizje Konservatore AntiEstablishment, fton çdo demokrat dhe shqipëtar që ti bashkohet protestave të pandërprera demokratike, duke marrë shembujt e suksesshëm të shumë vendeve të tjera europiane.

Demokratë !

Rruga e vetme e mbetur është :

- 24 Nëntor proteste e pandërprerë për ti kthyer legjitimitetin, besimin dhe për te shpëtuar Partinë Demokratike nga Rama dhe kapja Sorosjane.

- 8 Dhjetor protestë e pandërprerë për largimin e kesaj Qeverisje Diktatoriale dhe gjithë Establishmentit.

ZOTI E BEKOFTË SHQIPËRINË !

GOD BLESS ALBANIA !!!

Faqja ne Facebook e grupit anti-Basha

TAG:
• lulzim basha
• LËVIZJA PËR SHPËTIMIN E PD

Sondazhi i ditës:

Si ka qenë për ju viti 2024?

• I mirë

  44.2%

• I keq

  22.7%

• As i mirë as i keq

  33.1%

Vota total: 1503

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq