Meritokraci, përgjegjshmëri, gjykim i drejtë, transparencë, konkurrencë e lirë, rezultate, kontrata, media e lirë dhe profesionale- këto fjalë janë të lidhura me demokracinë, por sot i shkojnë më shumë futbollit. Meritokraci. Çdo njeri në vendin e vet me meritë dhe jo për shkak të njohjes apo se babai është milioner apo me ndikim. Është aty ku është sepse është më i zoti. Përgjegjshmëri: puna jote matet me rezultatet dhe jo me premtime dhe justifikime. Transparencë veprimet e tua janë në sy të të gjithëve! Gjykimi është i drejtë dhe profesional.
Rezultatet: janë të dukshme, të prekshme dhe të matshme për të gjithë! Kontrata: vendi i punës është i sigurt sa kohë që plotëson detyrimet. Në rast se kontrata prishet para kohe ka penalitete financiare. Po sikur të funksiononte edhe demokracia si futbolli? Ashtu si në futboll ku nuk ka fitues të përhershëm edhe në demokraci nuk fitues të përjetshëm. Ashtu si në futboll ku publiku gjykon lojtarët, trainerët dhe gjyqtarët, ashtu edhe në demokraci publiku gjykon, ministrat, zyrtarët, kryeministrin dhe gjykatat.
Në futboll raportimi mediatik është i saktë (një ndeshje që del 1-1 raportohet 1-1 nga të gjithë gazetarët dhe komentatorët) Ideale do të ishte që media të ishte po kaq e saktë edhe në raportimin jashtë sportit. Ashtu si në futboll ku trainerët, kapiteni dhe lojtarët mbajnë përgjegjësi direkte për rezultatet edhe në një demokraci ideale kryeministri mban përgjegjësi direkte për rezultatet. Ashtu si në futboll që ka transparencë për milionat në merkato edhe në një qeverisje ideale publiku dhe media di çdo qindarkë qe shpenzohet dhe merret borxh
Ashtu si në futboll kur gjyqtari gabon është sistemi VAR edhe në një demokraci ideale gabimet e qeverisë dhe kujtdo i korrigjon gjykata! Ashtu si në futboll kur ndodh një gafë/skandal, veprimi i parë është kërkimi i ndjesës dhe shpesh dorëheqja edhe në një demokraci ideale publiku pret kërkimin e ndjesës dhe dorëheqjen. Ashtu si mbrëmë kapiteni Cikalleshi për barazimin me Islandën.
Ashtu si në futboll tifozët nxehen, dalin nga vetja dhe u hakërrohen lojtarëve të Kombëtares ashtu edhe në një demokraci ideale njerëzit revoltohen dhe kërkojnë dorëheqjen e qeverisë kur nuk ka rezultate, apo kur ka skandale të mëdha. Lojtarët mbrëmë me kokën ulur u afruan te tifozët. Të gjithë që folën kërkuan ndjesë. E megjithatë ndaj tyre u hodhën jo vetëm fjalë të padenja, por edhe shishe.
Sot nuk guxon të hapësh portalet dhe facebook se ndeshesh vetëm me një kërkesë: dorëheqjen e trainerit. Imagjino të ishte humbur ndeshja mbrëmë. Do të kërkonim ta varnim. Sa trainerë janë shkarkuar që nga nisja e sezonit për mungesë rezultatesh në 10 ndeshjet e para? Sa ministra/zyrtarë janë shkarkuar për mungesë rezultatesh në 10 vitet e fundit? Sa mirë do të ishte që edhe demokracia t’i ngjante më shumë futbollit.
P.S. Dikush me të drejtë mund të kujtohet për skandalet në futboll, për shit-blerjet e ndeshjeve, për faktin se rezultatin disa e marrin vesh para se të nisë loja. Ekzaktësisht kështu ndodh ndonjëherë në demokraci: ndjeshja është e shitur.
Lajme të tjera
-
Beckham zgjedh Sylvinhon, trajneri i Kombëtares ka mundësi për të stërvitur Lionel Messin! Në lojë edhe Xavi
21 Nëntor, 15:38 -
'Sylvinho la për të dëshiruar, Kombëtarja ekip mendjemadh', Ditmar Bicaj për Report TV: Duhen emra të rinj, disave ua veshim fanellën me zor
21 Nëntor, 13:10 -
Kombëtarja duhet të 'fshijë' vitin 2024, pësuam shtatë humbje dhe 15 gola
21 Nëntor, 11:19 -
Shorti i kualifikueseve të Kupës së Botës, Kombëtarja rrezikon përballjen me Serbinë ose Kosovën
20 Nëntor, 20:55 -
Dështimi i Kombëtares, Eduard Prodani në Report TV: FSHF është përgjegjëse, sukseset e ekipit s'lidhen me Dukën! Dënimi i Kosovës? UEFA të vendos litarin po ule kokën
20 Nëntor, 19:54 -
Dështimi në Ligën e Kombeve dhe formacioni, përplasje në Kombëtare! Kapiten Ismajli e Uzuni dalin publikisht kundër Sylvinhos
20 Nëntor, 16:43 -
Liga e Kombeve/ Shqipëria mposhtet 1-2 nga Ukraina në Tiranë, Kombëtarja mbyll Grupin B1 në vendin e fundit dhe rrëzohet në Ligën C
19 Nëntor, 22:36 -
Tre humbje, zero pikë dhe vendi i fundit! Kombëtarja U-19 mbyll kualifikueset e Evropianit me tëtë gola të pësuar
19 Nëntor, 17:50 -
Ndeshja deçizive kundër Ukrainës në 'Air Albania', trajneri Sylvinho: Për ne është finale, në fushë për tri pikë! Asani s'është gati! Kapiten Ismajli: Nesër rrugë tjetër veç fitores nuk ka (VIDEO)
18 Nëntor, 15:47 -
Kreu kalon nga Ukraina, Kombëtares i duhen tri pikë nesër! Llogaritë dhe kombinimet e Grupit B1
18 Nëntor, 10:56 -
Formacioni/ Jasir Asani i dëmtuar dhe Daku në majën e sulmit, si ndryshon Kombëtarja për Ukrainën! Sylvinho me ekip sulmues, arbitrat nga Portugalia
18 Nëntor, 09:21 -
Liga e Kombeve/ S'ka 'krisma' në Tiranë, Shqipëria dhe Çekia barazojnë 0-0! Grupi B1 i hapur, të martën vjen Ukraina
16 Nëntor, 22:46
