POP 5

Lajmet më të lexuara të 5 minutave të fundit

Arkiva

Pogradec – Kandidatja Mile premton të kthejë terrenet sportive në qytet

TIRANË, 22 Maj/ATSH/.- Kandidatja e “Aleancës për Shqipërinë Evropiane” për Bashkinë e Pogradecit, Diana Mile, zhvilloi një dëgjesë me sportistë, ish-sportistë dhe të rinj të këtij qyteti. Duke u ndalur në disa pika prioritare në këtë drejtim, si krijimi i terreneve të reja sportive, nxitja e sportit në shkolla, ndërtimi i një kompleksi sportiv që […]
/ATSH/.- Kandidatja e "Aleancës për Shqipërinë Evropiane" për Bashkinë e Pogradecit, Diana Mile, zhvilloi një dëgjesë me sportistë, ish-sportistë dhe të rinj të këtij qyteti.
Duke u ndalur në disa pika prioritare në këtë drejtim, si krijimi i terreneve të reja sportive, nxitja e sportit në shkolla, ndërtimi i një kompleksi sportiv që do të përfshijë gjithë bashkinë e Pogradecit, Mile theksoi se është detyrë e pushtetit lokal të rigjallërojë jetën në qytet duke nxitur aktivitetet.
Kandidatja e majtë nënvizoi se synon t'i rikthejë Pogradecit terrenet sportive të munguara dhe të krijojë mundësinë të ketë një kompleks për të gjitha sportet duke nxitur dhe mbështetur çdo nismë dhe projekt që i shërben riaktivizimit të tij.
Përfaqësuesja e LSI-së në këtë takim, Klajda Gjosha, ministre e Integrimit Evropian, shprehu bindjen se kandidatja e ASHE-së do t'i bëjë realitet sa më shpejt këto terrene sportive, duke ndjekur një model shumë të mirë që qeveria ka zbatuar, duke e rikthyer sportin në shkolla dhe duke i dhënë atij rëndësinë e duhur.
Kandidatja Mile nënvizoi se në Asamblenë e qytetit që pritet të krijohet nga Bashkia, do të ketë përfaqësues nga fusha e sportit, në mënyrë që të ringrihet tradita pogradecare.
Në kuadër të fushatës elektorale kandidatja është takuar me përfaqësues të minoriteteve dhe komuniteteve fetare, në kuadër të Ditës Botërore të Diversitetit. Ajo premtoi se pas 21 qershorit, të gjitha komunitetet do të jenë të mirë përfaqësuara në Bashkinë e Pogradecit, ndërsa shprehu angazhimin për të forcuar bashkëjetesën dhe rritur harmoninë në qytet dhe zonat përreth.
 

  • Sondazhi i ditës:

    Lidhjet ruse të Monika Kryemadhit, a duhet që drejtësia të nisë hetimet?

Lajme të tjera



×

Lajmi i fundit

Itali/ Sekuestrohet 53 kg kokainë në portin e Livornos, arrestohen 3 shqiptarë! Vlera në treg do kapte 10 mln euro

1 Prill, 12:08