TIRANË- Erion Çela, 35 vjeç, u vra gabimisht më 4 janar të vitit 2022, pasi shënjestër e atentatit ishte Geron Hasanbelliu, për të cilin Kasandër Noga (i arrestuar në Belgjikë) pagoi që të ekzekutohej, pasi ishte në hasmëri prej vitesh me të. Kasandër Noga pagoi Kevin Suçin (në kërkim), i cili për të kryer vrasjen kontaktoi vëllezërit Indrit (në burg) dhe Gentian Beqiraj (në burg) dhe Ilirjan Feçin (në burg), të cilët fillimisht pranuan të bëjnë atentatin, por me pas u tërhoqën nga frika.
Pas kësaj 24-vjeçari bashkë me dy persona të tjerë ende të paidentifikuar, morën për sipër që të vrisnin Geron Hasanbelliun në një lokal në ‘Don Bosko’, por ngatërruan objektivin. Sipas policisë Kevin Zeneli dhe dy autorët e tjerë, janë ndihmuar nga Roland Ahmetsulaj, i cili ka një njësi shërbimi që merret me riparim automjetesh. Ky i fundit u arrestua sot nga policia.
Si u zbulua atentati?
Në atentatin që ndodhi në ‘Don Bosko’ nga plumbat që u qëlluan nga një makinë tip ‘Mercedez Benz’ me ngjyrë të zezë, mbeti i vdekur Erion Çela dhe u plagosën Blerim Çela, Edmond Crroj, Arben Dani dhe Azbi Selimaj. Nga hetimet dhe në bashkëpunim me autoritetet belge është dokumentuar me prova se Kasandër Noga në bashkëpunim me Kevin Zeneli (Suçi), kanë zhvilluar takime dhe biseda, kanë siguruar dhe kanë dhënë shuma monetare, me qëllim vrasjen e Geron Hasanbelliut dhe dy nipave të tij për shkak të një hasmërie të vjetër, që Noga kishte me vëllezërit Erion dhe Geron Hasanbelliu.
Për të organizuar vrasjen e Geron Hasanbellit, Kasandër Noga kontaktoi Kevin Zenelin (Suçi), i cili më pas ka kontaktuar Ilirian Feçin dhe vëllezërit Indrit dhe Gentjan Beqiraj, të cilëve iu është premtuar dhe dhënë si parapagim 100 mijë euro, kjo sipas dëshmisë së vëllezërve. Në bashkëpunim me njëri- tjetrin për të realizuar planin e vrasjes, Kevin Zeneli (Suçi) dhe Iliran Feçi kanë biseduar dhe kanë kryer takime si dhe janë interesuar për lëvizjet dhe kanë vëzhguar për disa muaj itinerarin e mundshëm të lëvizjeve të shënjestrave të tyre. Po ashtu kanë siguruar mjetet dhe armët, më qëllim vrasjen e Geron Hasanbelliut.
Por plani i tyre me pagesën e vëllezërve Indrit dhe Gentain Beqiraj për vrasje dështoi, pasi këta të fundit, megjithëse morën përsipër ekzekutimin, u tërhoqën nga frika pas disa kohësh. Kasandër Noga duket se ka qenë i vendosur për tu hakmarrë ndaj Geron Hasanbellit bashkë me Kevin Zeneli (Suçi) ku kanë kontaktuar persona të tjerë të pa identifikuar deri tani.
Sipas dëshmisë së vëllezërve Beqiraj, më 4 janar të 2022, Kevin Zeneli (Suçi), në bashkëpumim me dy persona të tjerë, ende të pa identifikuar, si porosi e Kasandër Noga, kanë qëlluar me armë zjarri drejt një lokali në Don Bosko, për të vrarë Geron Hasanbelliun, por autorët kanë ngatërruar objektiv. Si pasojë e të shtënave me armë zjarri ka gjetur vdekjen shtetasi Erion Çela dhe janë plagosur 4 të tjerë.
Kevin Zeneli (Suçi) dhe dy autorët e tjerë ende të paidentifikuar, janë ndihmuar nga Roland Ahmetsulaj, i cili ka një njësi shërbimi që merret me riparim automjetesh, shërbim karrotreci, shit - blerje automjetesh etj. Ky i fundit u arrestua sot nga policia. Nga analiza e të dhënave telefonike rezulton Roland Ahmetsulaj, ditën e ngjarjes ka qenë në afërsi të vendit të ngjarjes, dhe ka komunikuar me Kevin Zeneli (Suçi).
Pas këtyre provave, Gjykata Penale e Tiranës caktoi masën “arrest në burg” për 5 persona në total, nga porositësit, ekzekutorët dhe ndihmësit. Bëhet fjalë për Kasandër Nogën, i dënuar për vrasje në Belgjikë, për të cilin pritet të kërkohet ekstradim, Kevin Zenelin, i shpallur në kërkim Gentjan Beqiraj, Indrit Beqiraj dhe Ilirian Feçi, aktualisht të arrestuar për vepra të tjera penale dhe Roland Ahmetsulaj, i vetmi i arrestuar në operacionin “Fokus”.
Hasmëria mes Kasandër Noga dhe vëllezërve Hasanbelliu nisi herët. Më 19 gusht 2000 me Julian Çelën ekzekutuan brenda Sanatoriumit babanë e Hasanbellinjve, Aqifin, ngjarje kjo për hakmarrje, pasi Hasanbellinjt i kishin vrarë më herët vëllanë Nogës.
Nga aty, hakmarrja do vijonte dhe në 2002-shin në Belgjikë Erion dhe Geron Hasanbelliu vranë Julian Çelën dhe plagosën Kosandër Nogën. Vetën pak muaj pas ngjarjes së Don Boskos në 4 janar 2022, Kasandër Noga tentoi të vras Erion Hasanbelliut në Belgjikë, i cili mbeti i plagosur.
Kevin Zeneli, 24 vjeç është ‘killeri’ i besuar i Kasandër Nogës, i cili porositi dy atentate në vendin tonë. Report Tv ka siguruar foton e të riut, i cili sipas policisë merret nga 50 mijë deri në 150 euro për të kryere një vrasje. Kevin Zeneli për ta ndihmuar në vrasje ka paguar edhe vëllezërit Indrit dhe Gentian Beqiraj si dhe Ilirjan Feçin.
Kevin Zeneli në vitin 2022 ishte porositur nga Kasandër Noga për të vrarë Geron Hasanbelliiu, por ngatërroi objektiv duke vrarë Erion Çelën. Po ashtu Kasandër Noga ka porositur nëpërmjet Kevin Zenelit vrasjen e Arben Manecit (Mërkuri) në Durrës në maj të vitit 2022.
Erion Hasanbelli dhe Kasandro Noga
Kasandro Noga, ndaj të cilit policia caktoi sot masën 'arrest me burg' në mungesë i dyshuar për kryerjen e veprës penale “Vrasja në rrethana të tjera cilësuese”, dhe pagoi për vrasjen e Geron Hasanbelliut për hakmarrje, është një njeri shumë i njohur i botës së krimit. Ai njihet për hasmërinë me vëllezërit Erion dhe Geron Hasanbelliu.
Kasandër Noga, u dënua me 15 vite burg nga Gjykata e Brukselit. Ai u arrestua dhe akuzohej për atentatin ndaj Erion Hasanbelliut, i cili u qëllua me gjashtë plumba. Tentativa për vrasjen ka filluar për shkak të hasmërive mes Erion Hasanbelliut dhe Kasandër Nogës.
E gjithë saga e krimit ndodhi në vitin 2000, kur Kasandro Noga hyri në spitalin e Sanatoriumit me automatik në dorë bashkë me Julian Çelën, ku ishin të shtruar Aqif Hasanbelliu (babai i Geronit) dhe Dritan Hajdini (shoku e Geronit) dhe pasi iu hoqën serumet nga krahu, hapën zjarr ndaj tyre duke i lënë të vdekur në vend.
Për shkak të kësaj ngjarjeje të rëndë, u krye hakmarrja nga ana e Hasanbelliut, i cili bashkë me vëllain e shokut të tij, (Dritan Hajdini) ekzekutuan Julian Çelën dhe plagosën rëndë Kasandër Nogën. Krimi në fjalë ndodhi në 2002 në Belgjikë.
Por kush është Kasandro Noga i cili akuzohet nga autoritetet belge se është autor i atentatit ndaj Hasanbelliut? Noga akuzohet për 5 vrasje dhe disa plagosje. Mes këtyre krimeve është dhe akuza për vrasjen e Astrit Shperdhejas në 25 gusht të 2001, ndërkohë që gjyqi u bë në Belgjikë në 2005. Po ashtu ai është dënuar edhe për vrasjen në vitin 1999 në Patos, të Kastritot Gropa dhe Edison Meminajt. Pavarësisht këtyre krimeve të rënda, autori arriti që të ishte i lirë.
Komente
Lajme të tjera
-
U arrestua për atentatin ku u vra gabimisht Erion Çela në ‘Don Bosko’, lihet në burg Roland Ahmetsulaj! Zbulon bisedën me Kevin Suçin
27 Shkurt, 11:21 -
Kasandër Noga, historia e ish-studentit të Akademisë së Policisë që u bë vrasës! Si nisi hasmëria me vëllezërit Hasanbelliu, 24 vite duke i ‘gjurmuar’
25 Shkurt, 13:48 -
I akuzuar për atentatin ndaj Erion Hasanbelliut, Kasandër Noga dënohet me 15 vite burg nga gjykata e Brukselit! I njohur për ‘Masakrën e Sanatoriumit’
1 Gusht 2023, 22:02 -
Në kërkim për atentatin ndaj Erion Hasanbelli në Bruksel, autoritetet belge letërporosi për Kevin Zenelin! Dyshojnë se fshihet në Shqipëri
1 Nëntor 2022, 11:34
-
Vrasja e Erion Çelës në Don Bosko, prokuroria e Tiranës verifikim qelizave telefonike të personave të përmenduar nga vëllezërit Beqiraj
15 Tetor 2022, 11:22
-
Beqiraj zbërthen dhe linjën e kokainës: Çunat donin 100-200 kg në javë nga Franca në Zvicër
9 Tetor 2022, 22:05 -
Do vriste Geron Hasanbelliun, dëshmia e Indrit Beqirajt: Nuk vras të martën se e kam ters! Si dështoi atentati dhe pse u tërhoq nga ekzekutimi i 2 nipërve të tij
8 Tetor 2022, 11:00
-
Komunikonin në aplikacionin ‘Signal’, 'katunari' dha 150 mijë euro për eliminimin e Arben Manecit! Kërkonte 'kokën' e tij për hakmarrje
7 Tetor 2022, 19:30 -
Zhdukja e Ervis Martinajt, RENEA ‘rrethon’ Shijakun, në kërkim të kriminelëve pas operacionit 'Porositësi'! Futet në shtëpitë e të kërkuarve
7 Tetor 2022, 12:04 -
Report Tv zbardh dosjen që zbuloi vrasjen e Erion Çelës dhe Arben Manecit! Detajet e plota, nga aksidenti i stisur në autostradë deri tek rrëfimi i Indrit Beqirajt
6 Tetor 2022, 17:48
-
Durrës/ Nxorën emrat e vrasësve me pagesë, vëllezërit Beqiraj dhe polici i burgjeve lihen në burg! Për 10 të tjerë burg me afat për 10 ditë
6 Tetor 2022, 14:58 -
Porositi vrasjen e 2 personave që e kishin rrahur? Polici i burgjeve e mohon: Ia dhashë borxh 3500 eurot vëllezërve Beqiraj! Ushtaraku që siguronte armët
5 Tetor 2022, 10:46
Dhe asgje e zero informacion per "Hasanbelliu"; cjane keto njerez, ky fis, familja nr.1 mafioze ne Durres. Qe ka kontroll Portin, cimenton, sportin bashkine, madje qe per krushqine me Ramen i ka dhene dhenderr "Dakon" e nuse "Sakon". Krushku, kuptohet, Rama e dorovit mire edhe si "deputet" zone por me teper si tepsixhi pronash e parash publike.
PërgjigjuHasanbellinjt e durrsit te fikin deren se kan heng te gjith durrsin me cdo qeveri. Po qe se ky hasanbelliu esht i ketyre te durrsit ai noga nuk e ka te gjat.