Vatra të mëdha zjarri janë shfaqur prej 5 ditësh në Malin e Thatë kryesisht në territorin maqedonas. Por, flakët e përmasave të mëdha kanë kaluar dhe në territorin shqiptar dhe rrezikojnë përhapjen në pyjet e Parkut Kombëtar të Prespës.
Drejtori i Përgjithshëm i Zjarrfikëses Arben Cara, në një deklaratë për mediat pas inspektimit të zjarrit ka dhënë detaje nga situata në terren. Vatrat vijojnë të jenë aktive në një perimetër të gjerë dhe Cara thotë se dje është ndërhyrë me helikopter.
"Situata vazhdon me vatrën e zjarrit aktive prej 5 ditësh, edhe pse kemi ndërhyrë nga toka dhe ajri, duke qenë se shtrirja është me një perimetër shumë të gjatë, mbetet aktive por me përmasa jo shumë të mëdha. Ajo çfarë na bën të vazhdojë është se kemi të bëjmë me një sipërfaqe shkurre, ferra, bar të thatë, të cilën është e pamundur ta menaxhosh me mjete rrethanore dhe për këtë arsye, dje kemi aktivizuar helikopterin "cougar " i cili ka punuar për një kohë të gjatë dhe ka bërë të mundur mbylljen e një vatre zjarri me perimetër goxha të gjerë”, tha Cara.
Cara thotë se nëse do të jetë e nevojshme edhe sot do të ndërhyrjne me helikopter për shuarjen e flakëve. Rreth 80 forca operacionale po punojnë për shuarjen e zjarrit që prej mëngjesit, nga tre bashkitë, Korçë, Maliq dhe Pogradec. Forcat në terren po punojnë që zjarri mos të depërtojë në parkun e Prespës, zonë e mbrojtur.
Presim dhe ditën e sotme sipas situatës, pasi forcat operacionale të mbërrijnë në vendin e ngjarjes, ku do na japin dhe një informacion më të detajuar që të vëmë në lëvizje përsëri helikopterin, dhe për ta mbajtur nën kontroll situatën. Ditën e sotme që në orët e para të mëngjesit kemi aktivizuar rreth 80 forca operacionale nga MZSH, tre bashkitë Korçë, Maliq, Pogradec, në ndihmë të bashkisë Pustec pranë zjarrfikësve të Pustecit, forca operacionale nga ushtria, agjencia e zonave të mbrojtura, forca të emergjencave civile të cilat aktualisht janë duke shkuar tek vatra e zjarrit e cila kërkon të paktën një kohë minimumi prej tre orësh në këmbë. Pasi forcat operacionale të dislokohen, të shohin situatën në vendin e ngjarjes, do të na japin një informacion të detajuar sa i përket zhvillimit të kësaj vatre dhe më pas do merret një vendim nëse do të kërkohet një ndërhyrje e specializuar nga ajri ashtu si edhe ditën e djeshme e kemi bërë, apo është e mundur të lokalizohet brenda ditës së sotme deri në orët e vona të darkës.
Nëse era do të na favorizojë që të mos jetë aktive gjatë ditës, situata e zjarrit mund të ndërpritet dhe mali i Prespës mos preket nga vatra e zjarrit. Nëse era do ta favorizojë është e mundur që zjarri mund të depërtojë në Prespë e cila është dhe zonë e mbrojtur, por drejtuesit e strukturave operacionale do të bëjnë vlerësimin në mënyrë që të aktivizojnë ndërhyrjen nga ajri që zjarri mos depërtojë në malin e Prespës pasi do të na krijonte probleme më të mëdha sa i përket lokalizimit dhe menaxhimit të saj.
E gjithë sfida është që të mos preket bimësia e lartë, forcat po bëjnë të pamundurën për të izoluar flakët dhe ngushtuar perimetrin.
Dje u sigurua ndërhyrja nga ajri me helikopterin Cougar dhe dy avionë të dërguar nga pala maqedonase ndërkohë që ditën e nesërme pritet sërish një ndërhyrje tjetër nga ajri.
Ndërkohë një tjetër vatër zjarri është regjistruar gjatë natës edhe në Labovë të Gjirokastrës. Për vënien nën kontroll të flakëve u angazhuan krahas forcave të zjarrëfikëseve edhe forca vullnetare nga Bashkia.
E njëjta situatë ishte edhe në “Parkut Kombëtar të Qafë Shtamës” ku nga flakët u përfshi një sipërfaqe e madhe me pyje ndërsa vënia nën kontroll u vështirësua nga terreni malor.
Zjarri i ardhur nga territori i Maqedonisë së Veriut ditë më parë duke prekur territorin tonë në Malin e Thatë vijon të jetë aktiv.
Zjarri është në një territor të thyer dhe në një distancë të largët nga zonat e banuara.
Sipërfaqja e djegur është 150-200 hektarë por lajmi i mirë është se sipërfaqja më e madhe e prekur nga zjarri është kullotë dhe në një sipërfaqe të vogël është prekur kurora e gjelbër.
Prej orës 05:30 të mëngjesit të sotëm të gjitha forcat janë angazhuar në terren.
Gjithashtu në zonë kanë qenë edhe prefekti i qarkut të Korçës Nertil Jole me drejtorin e Përgjithshëm për Mbrojtjen nga Zjarri dhe Shpëtimin në Ministrinë e Brendshme, Arben Cara.
Në terren ditën e sotme kanë zbritur mbi 80 forca, te shërbimit të MZSH-ve, të Forcave të Armatosura te Repartit Ushtarak Drenovë (Korçë), atyre të Agjencisë Rajonale të Zonave të Mbrojtura, shërbimit pyjor, etj.
E gjithë sfida është që të mos preket bimësia e lartë, forcat po bëjnë të pamundurën për të izoluar flakët dhe ngushtuar perimetrin.
Dje u sigurua ndërhyrja nga ajri me helikopterin Cougar dhe dy avionë të dërguar nga pala maqedonase ndërkohë që ditën e nesërme pritet sërish një ndërhyrje tjetër nga ajri.
Lajme të tjera
-
Korça 'mbulohet' nga bora! Disa fshatra pa energji elektrike
23 Nëntor, 12:42 -
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Maliq/ Zjarri shkrumbon banesën, shkak dyshohet shkëndija elektrike! Dëme të shumta materiale, s’ka të lënduar
21 Nëntor, 18:26 -
Korçë, 13 vjeçari shkon në shkollë me biçak, ia gjejnë në çantë
21 Nëntor, 12:01 -
Korçë/ Sherr mes fëmijëve në Bulgarec gjatë lojës së futbollit! 12 vjeçari goditet me gur dhe përfundon në spital
19 Nëntor, 16:32 -
Nis puna për rilindjen e Muzeut Arkeologjik të Korçës, restaurim total i godinës, pa prishur vlerat historike
19 Nëntor, 15:53 -
Sot dita ndërkombëtare e të drejtave të fëmijëve/ Të rinjtë marshojnë në Maliq: Na mbroni
19 Nëntor, 15:35 -
I gjetën 56 kg kanabis në kamion, policia arreston babë e bir në Kapshticë! Po e transportonin drejt Turqisë (EMRAT)
19 Nëntor, 09:41 -
Zjarr në një spital në Rusi, njerëzit hidhen nga dritaret për t’i shpëtuar flakëve (VIDEO)
18 Nëntor, 19:13 -
Fotografët grekë të “False mirror” turne fotografik në rrugicat e Korçës
18 Nëntor, 16:56
-
Bora e parë zbardh Korçën, të huajt dynden drejt Dardhës, Voskopojës dhe Vithkuqit! Turisti nga Brazili: Vij çdo vit për ski
17 Nëntor, 15:57
