Komisioni i Jashtëm i Parlamentit Evropian diskutoi më 18 mars progres-raportin për Shqipërinë i hartuar nga Andreas Schieder, raportuesi i PE-së për Shqipërinë.
Schieder vuri në dukje se vendi po përparon në rrugën e tij drejt BE-së, gjë që u reflektua nga fakti se grupkapitujt 1 dhe 6 u hapën vitin e kaluar, por se shumë sfida duhej të adresoheshin ende për të arritur objektivin ambicioz, por realist, për të qenë gati për në BE në 2030.
Sipas Schieder, Shqipëria ka bërë një progres të rëndësishëm në shtetin e së drejtës dhe demokracinë, por ka sfida kryesore që vazhdojnë, duke përfshirë: polarizimin e brendshëm politik, reformat kundër korrupsionit, reformën zgjedhore, pavarësinë e medias dhe mbrojtjen e mjedisit.
“Kemi disa mesazhe kyçe në skenë. Një prej tyre është progresi i shpejtë i fundit i hapjes së Grup-kapitujve Themelore në tetor 2024 dhe Grup-kapitullit të Marrëdhënieve me Jashtë në dhjetor 2024 dhe plani i Shqipërisë për të hapur më tej kapituj në vijim gjatë vitit”,- u shpreh fillimisht Schieder.
Ai shtoi se Shqipëria është një partner i besueshëm i politikës së jashtme, por megjithatë ka edhe sfida që vazhdojnë.
“Kapërcimi i një polarizimi të brendshëm politik, duhet të forcohet shteti i së drejtës dhe gjithashtu konsolidimin e reformave kundër korrupsionit. Për reformat zgjedhore, duhet të adresohen dhe zbatohen gjithashtu rekomandimet e OSBE/ODIHR-it dhe gjithashtu duhet bërë më shumë progres për pavarësinë e medias”,- vijoi eurodeputeti austriak.
“Progres i mirë është bërë në zbatimin e Reformës në Drejtësi, duke përfshirë procesin e Vettingut dhe ecurinë në rritje të SPAK-ut”,- theksoi Schieder.
Draft-raporti përshëndet fillimisht progresin që ka arritur Shqipëria në zbatimin e reformave në drejtësi, përfshirë procesin e vetingut, të përfunduar në shkallë të parë.
Megjithatë, dokumenti shpreh shqetësimin për “ndërhyrjet e vazhdueshme politike” dhe “presionin mbi sistemin gjyqësor”. Vihen në dukje sfidat në lidhje me cilësinë dhe efikasitetin e sistemit të drejtësisë, duke përfshirë numrin e lartë të vendeve të lira gjyqësore, stafin e pamjaftueshëm të gjykatave, cilësinë e trajnimit fillestar dhe të vazhdueshëm gjyqësor. Dokumenti i vlerësimit vëren se alokimet buxhetore janë të pamjaftueshme, veçanërisht për komponentin e gjykatës.
Draft-raporti vuri në dukje po ashtu nevojën për të krijuar një zyrë të fortë rikuperimi të pasurive dhe për të përmirësuar verifikimin, hetimin, ndjekjen penale dhe dënimin e rasteve të korrupsionit të nivelit të lartë, duke përfshirë konfiskimin përfundimtar të aseteve kriminale.
Drejt mbylljes së pikës për “Shtetin e së Drejtës”, dokumenti vë në dukje emërimin e prokurorëve shtesë në Prokurorinë Speciale si dhe ngritjen e një njësie të hetimit financiar.
Edhe Grupi i Socialistëve dhe Demokratëve në Parlamentin Evropian shkroi në rrjetet sociale se ”Shqipëria po përparon mirë në rrugën e saj drejt BE-së, tregon raporti i këtij viti mbi gatishmërinë e vendit për anëtarësim në BE”. Eurodeputetët kanë vlerësuar reformat sidomos në drejtësi dhe punën e SPAK në ndëshkimin e korrupsionit politik.
Një pjesë e eurodeputetëve vunë në dukje se Shqipëria ende përballet me një sërë sfidash, si tejkalimi i polarizimit të brendshëm politik, ndërkohë që kërkuan forcimin e dialogut politik konstruktiv dhe gjithëpërfshirës.
Ata këmbëngulën në nevojën për të adresuar dhe zbatuar rekomandimet e pazgjidhura nga OSBE/ODIHR dhe Komisioni i Venecias. Sakaq zgjedhjet parlamentare të 11 Majit konsiderohen si gur prove në arritjen e standardeve të kërkuara nga Brukseli.
Albania is advancing well on its path towards the EU, shows this year’s report on the country’s preparedness for EU membership.
— S&D Group (@TheProgressives) March 18, 2025
However, several challenges still need to be addressed to achieve the ambitious, yet realistic, goal to be ready for the EU by 2030.@SCHIEDER pic.twitter.com/XCo7DKqpzQ
Komente
Lajme të tjera
-
Denoncimi i Bardhit: Mësuesit e Fierit kanë braktisur mësimin për aktivitetet e Belinda Ballukut! SPAK të ndëshkojë krimet zgjedhore
21 Mars, 13:08 -
Korrupsioni/ KE: Shqipëria bëri detyrat! Rama: Drejtësia si në 'epokën e gurit', marrje në pyetje pa audio e video! Valë tjetër reformash, vazhdojmë me hapjet e kapitujve
21 Mars, 12:42 -
Ajola Xoxa rreth 1 orë në SPAK, nuk jep sqarime: Pranoj të pyetem pasi të njihem me të gjitha aktet
21 Mars, 12:07 -
Rama: PS-ja sot sikurse PD-ja më 1992, në momentin dhe kohën e duhur për anëtarësimin e vendit në BE! S’kemi kohë të torollisemi, duam votë të thellë
21 Mars, 09:28 -
SHËNIM/ SPAK heton Veliajn për përdorimin e celularit për pak minuta në furgonin e policisë, por pse Berisha u fal kur ndërtoi për një vit një studio televizive në arrest shtëpie?
20 Mars, 19:01 -
Alibeaj në Report Tv: S'kemi financime, fushatën për ‘Djathtas për Zhvillim’ e bëj me pagën time! Ja pse vura në lista të mbyllura 2 vajzat e nënën, garancinë që u dhamë kandidatëve
20 Mars, 18:13 -
Bruksel/ I treti brenda 6 javësh, mbahet samiti me 27 liderët e BE për luftën në Ukrainë dhe riarmatimin e bllokut: Mbështetje e palëkundur për Kievin, por pa Hungarinë
20 Mars, 18:08 -
‘Mbështesim zbatimin e reformës në drejtësi’, ambasadorët austriakë të rajonit takim me Dumanin në SPAK: Pavarësia në hetim thelbësore
20 Mars, 17:47 -
BE shtyn tarifat ndaj SHBA-së deri në mes të prillit
20 Mars, 17:32 -
'Mësim' nga IPA dhe IPARD, qeveria strategji për të mbrojtur fondet e BE: Hetim 'pa radhë' abuzimeve, IT e sofistikuar për të 'kapur' shkeljet
20 Mars, 17:17
-
Osmani: Drafti i Asociacionit nuk është në përputhje me Kushtetutën
20 Mars, 16:55 -
Rikonstruksioni i Komisariateve, GJKKO kalon për gjykim dosjen e deputetit Plarent Ndreca dhe 15 të tjerëve (EMRAT+VENDIMI)
20 Mars, 15:20
