Nëse dikush do të vendoste sot në mëngjes të përpiqej të kuptonte çfarë ka prioritet opozita, natyrisht në mbrëmje do të ishte konfuz. Në mëngjes prioritet ishte ligji i Vettingut të politikanëve, por Basha ishte i shqetësuar se mos shumica e çon për interpretim në Komisionin e Venecias, dhe ata natyrisht do ta kthejnë mbrapsht. Për këtë vendosi t’i kërcënojë se nëse ata e çojnë ligjin në Komisionin e Venecias, do kenë punë me opozitën dhe vendi do marrë flakë (nuk e tha atë që ligji për në Venecia do kalojë mbi trupat tanë).
Pastaj doli prioriteti i dytë, që kishte të bënte me ligjin e Teatrit. Këtu pretendimi ishte i kundërt. Nëse Edi Rama nuk e çon në Venecia, atëhere ai ka punë me opozitën. Në fakt, ligji i Teatrit është ligj i zakonshëm dhe jo kushtetutes, dhe shumica ka pranuar dekretin e Presidentit dhe rekomandimet e BE për ta ndryshuar, dhe nuk kuptohet përse Basha mendon që duhet çuar në Komisionin e Venecias, ku interpretohen vetëm ndryshimet e Kushtetutës dhe jo ndryshimet e ligjeve të zakonshme. Por me sa duket frika se kjo çështja po zgjidhet dhe ngelet pa kauzë, e detyroi ta shpallte prioritet të mesditës (edhe në këtë rast nuk tha që ligji do kalojë mbi trupat tanë).
Në mbasdite doli prioriteti i tretë, që i varrosi dy të parët. Ishte fjala për debatin mes deputetit Agron Shehu dhe një inspektori të IKMT në Jalë, gjatë prishjes së disa ndërtimeve pa leje. Siç shikohet nga kamera, biseda mes tyre ka qenë normale deri nga fundi, ku pastaj pas provokimeve të deputetit, janë nxehur gjakrat dhe janë ngritur tonet pa etikë nga të dy palët.
Alarmi i Lulzim Bashës ishte i skajshëm. Fatmir Metaj u shpall vrasës i Azem Hajdarit. Tani e vërteta është se Fatmir Metaj është i vetmi i shpallur i pafajshëm nga gjyqi i Azem Hajdarit, të cilin PD nuk do që të rihapet si gjyq, dhe i vetmi që më 13 shtator 1998, ka qenë në zyrën e Sali Berishës dhe ky i fundit e ka falenderuar që ka denoncuar vrasësit dhe ka thënë të vërtetën për makinën në vendngjarje.
Tani po qe se PD do ta quajë të rrezikshëm si vrasës të Azem Hadarit, është mire të rihapë çështjen “Hajdari” që ta bëjë vrasës, se deri tani është i vetmi i pafajshëm. As Berishës nuk i është provuar pafajësia në vrasjen e Azemit, se ka refuzuar procesin. Fatmir Metaj është i vetmi që e ka me letra. Për më tepër, më tej është një inspektor që ka hyrë aty në punë nga pushteti i PD në kohën që ka qenë në aleancë me Idrizin më 2012.
Tani nëse Basha ka prioritet vrasjen e Azemit, ja vlen të përflitet dhe Fatmir Metaj, por me kusht që të rihapet gjyqi. Nëse ka prioritet prishjet në Jalë dhe mbrojtjen e tyre, duhet të bëjë kujdes, se prishjet do vazhdojnë dhe do t’u mbetet qejfi të tjerëve që nuk do t’i mbrojë dot.
Por problemi i tij më i madh është që nga mëngjesi në mbrëmje, i ndryshon prioritetet e opozitës me lehtësi dhe në mbrëmje, askush nuk e di çfarë ka më rëndësi për opozitën, Vettingu që nuk duhet çuar në “Venecia”, Teatri që duhet çuar në “Venecia”, Fatmir Metaj që ka dalë i pafajshëm nga gjyqi i Hajdarit apo Agron Shehu që është fyer se e kanë akuzuar si fis hajdutësh në Vlorë.
Vetëm një lider si Lulzim Basha di ta bëjë këtë gjë. Njësoj si dikur që shpalli prioritet Komisionin “Tahiri” dhe pastaj shpiku nja shtatë gjëra të tjera, dhe nuk u muar kurrë me të, dhe sot brenda një dite shpalli prioritet Vettingun dhe pastaj deri në mbrëmje shpiku dhe tre gjëra të tjera. Të presim deri më 12 të natës mos ka ndonjë prioritet tjetër. Nesër, ditë e re, kismet i ri./ TEMA
Lajme të tjera
-
Shtator 1992/ Azem Hajdari: Kur shkoj te fëmija im në darkë dhe ai më pyet "Pse deshe të më lësh jetim?” Dhe unë dua t'i them...
23 Dhjetor, 17:23 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Basha publikon videon e Berishës: Dikur na akuzonte ne, por sot pranoi pazarin me Ramën
20 Dhjetor, 18:11 -
Basha: Siguria e Kosovës, pjesë e pandarë e sigurisë sonë kombëtare
20 Dhjetor, 13:38 -
Ylli Pata: Opozita rikthehet vetëm nëse bën 'Kongresin e 10' për të dënuar Sali Berishën!
19 Dhjetor, 17:59
-
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Dita Ndërkombëtare e Emigrantëve/ Basha: Të lëmë pas korrupsionin dhe keqqeverisjen, në 11 maj bëhuni pjesë e ndryshimit
18 Dhjetor, 16:22 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
Lirimi i Berishës shkon në Apel, Elezi: Non-grata nuk ishte inat personal! Minimin e demokracisë po e shohim! Gaba: Pas arrestimit të Metës, po intensifikohen përpjekjet anti-SPAK
16 Dhjetor, 18:41 -
Ylli Pata: Shkaku real i bllokimit të primareve dhe zgjedhjeve brenda PD
15 Dhjetor, 22:55
