Mishel Platini dhe Sep Blater, ish-presidenti i UEFA-s dhe FIFA-s, ia kanë hedhur paq ndaj akuzave për korrupsion dhe evazion fiskal lidhur me çështjet vendimarrëse të këtyre institucioneve të futbollit. Edhe pse në mesin e qershorit ishte thënë se do dënohet me 1 vit e tetë muaj burg ata sot janë shpallur të pafajshëm nga nga Gjykata Penale Federale e Belinzonës.
Platini ishte akuzuar se kishte shkelur ligjin duke marrë pjesë ilegalisht në vendimmarrjen e autoritetit më të lartë futbollistik botëror gjatë kohës kur mbante postin e presidentit te UEFA-s. Bashkëpunimi me Sep Blater kishte bërë që dyshja të përfitonte disa miliona euro nga lobimi në evente të ndryshme dhe përcaktimi i vendeve ku do të mbaheshin kompeticionet të cilat ata i kishin në përgjegjësi. Këto akuza tashme hidhen poshtë nga vendimi i gjykatës që i ka shpallur të pafajshëm si Blater ashtu edhe Platini.
Në përfundim të procesit vetë Platini tha disa fjalë duke theksuar lumturinë për këtë vendim të gjykatës në favor të tij.
“Në lidhje me vendimin e trupës gjykuese dua të them se këtë mëngjes kam përjetuar lumturinë time dhe gjithë të dashurve të mi për faktin se më në fund drejtësia u vu në vend. Ky vendim i jep fund 7 viteve me shpifje dhe manipulime që janë bërë kundër meje,"- u shpreh Platini.
